Yesaya 33:2 - BAIBLO ALOO NGMAMI KLƆUKLƆU Ɔ

² Yawɛ, wa kpa mo pɛɛ, naa wɔ mɔbɔ. Wa ngɔ wa hɛ ngɔ fɔ o nɔ. Buu wa he be tsuaa be; nɛ ke wa ngɛ amanehlu nae ɔ, kpɔ wɔ.

Yesaya 33:2 ပူးပေါင်းရင်းမြစ်များ

Yesaya 59:16

E pee lɛ nyakpɛ kaa nɔ ko nɔ ko be nɛ maa da mi ha ni nɛmɛ nɛ a ngɛ mɛ yi mi wae ɔ. Lɔ ɔ he ɔ, lɛ nitsɛ e he wami e kɛ ma he e ma a yi wami; nɛ e ma a maa ye kunimi.

Yesaya 25:9

Ke e ba mi ja a, nɔ tsuaa nɔ ma de ke, “Wa Mawu ji nɛ ɔ nɛ! Wa ngɔ wa hɛ ngɔ fɔ e nɔ, nɛ e kpɔ wɔ. Lɛ ji Yawɛ. Akɛnɛ wa ngɔ wa hɛ ngɔ fɔ e nɔ nɛ́ e he wa yi wami he je ɔ, wa bua jɔ wa he, nɛ wa ngɛ nyae.”

La 60:11

Piɛ wa he, konɛ waa kɛ he nyɛlɔ ɔ nɛ kpe. Ejakaa nɔmlɔ adesa he wami pí nɔ́ ko!

La 62:8

Be tsuaa be ɔ, nyɛɛ ngɔ nyɛ hɛ kɛ fɔ Mawu nɔ kɛ nyɛ tsui tsuo. Mawu ji wɔ tsuo wa wesa he.

La 62:1

Mawu pɛ nɔ i ngɔ ye hɛ kɛ fɔ; lɔ ɔ he ɔ, i pee dii kɛ ngɛ lɛ blɔ hyɛe, konɛ e ba he ye yi wami.

La 46:1

Mawu ji wa wesa he, kɛ wa he wami. Wa fimi behi tsuo a mi ɔ, e ngɛ wa kasa nya.

Mose II, 14:27

Lɔ ɔ he ɔ, Mose wo e nine nɔ ngɛ wo ɔ nɔ, nɛ benɛ je maa na a, wo ɔ kpale tsa ekohu. Egipt bi ɔmɛ tu fo nɛ a kɛ wo ɔ ba kpe, nɛ Yawɛ tsitsɛɛ mɛ kɛ pue wo ɔ mi.

Hosea 14:2

Nyɛɛ kpale kɛ ba Yawɛ, nyɛ Mawu ɔ ngɔ. Nyɛ ba fa kue ha lɛ, nɛ nyɛ de lɛ ke, “Ngɔɔ wa he yayami ɔmɛ kɛ pa wɔ; nɛ o bu wa kue fami ɔ tue, konɛ wa je o yi kaa bɔ nɛ wa wo si ɔ.

Kɔmɔ Yemi 3:23

Ní nɛ ɔmɛ peeɔ ehe daa mɔtu. Yawɛ we anɔkuale yemi ɔ kle.

Yeremia 14:8

Mo pɛ o nɔ Israel ngɔɔ e hɛ ngɔ fɔɔ; mo lɛ o jeɔ wɔ kɛ jeɔ amanehlu mi. Mɛni he je o pee kaa nubwɔ ngɛ zugba a nɔ, kaa blɔ nyɛɛlɔ nɛ gba ba to nubwɔ ligbi kake kɛkɛ?

Yesaya 40:10

Nyɔmtsɛ Yawɛ ma kɛ he wami; e ngɛ tsɛ yee; e hɛɛ e ma mi bi ɔmɛ a hiɔwo kɛ ma; e maa wo nɔ tsuaa nɔ hiɔ ngɛ nɔ́ nɛ e tsu he.

Yesaya 26:16

Yawɛ, o gbla o ma a tue; nɛ benɛ e fi mɛ ɔ, a fa kue kɛ tsɛ mo.

Yesaya 26:8

Yawɛ, wa maa pee o suɔmi nya ní, nɛ wa maa ngɔ wa hɛ ngɔ fɔ o nɔ; mo pɛ wa suɔ kɛ wa tsui tsuo.

Yesaya 25:4

O ngɛ kaa mɔ kɛ ha ohiatsɛmɛ. O ngɛ kaa mɔ kɛ ha nɔ́ nali. Mo ji a wesa he ngɛ kɔɔhiɔ nɛ nya wa mi, kɛ hɔ̃ ngɛ pu ngmangmaangma nya. Yiwutsotsɛmɛ nɛ a yi mi wa kaa ahumi ngɛ fĩɛ be mi po, o jeɔ mɛ kɛ jeɔ a dɛ mi.

La 123:2

O nɛ, bɔ nɛ tsɔli hyɛɛ a nyɔmtsɛ blɔ, nɛ mawayo hu hyɛɛ e wenyɛ blɔ ɔ, ja nɔuu wɔ hu wa ngɛ Yawɛ, wa Mawu ɔ blɔ hyɛe kɛ yaa su be nɛ e maa na wɔ mɔbɔ.

La 91:15

Ke e tsɛ mi ɔ, ma he nɔ; ke haomi ba e nɔ ɔ, ma piɛ e he. Ma je lɛ, nɛ ma wo e hɛ mi nyami.

La 90:15

Bɔ nɛ o ha nɛ wa na amanehlu wawɛɛ jeha komɛ nɛ be ɔ, ha nɛ wa na bua jɔmi, nɛ wa nya ja nɔuu ngɛ be nɛ wa ngɛ mi nɛ ɔ mi.

La 62:5

Mawu pɛ nɔ i ngɔ ye hɛ kɛ fɔ; lɔ ɔ he ɔ, i pee dii kɛ ngɛ lɛ blɔ hyɛe, konɛ e ba he ye yi wami.

La 50:15

Ke nyɛ yi fi ɔ, nyɛ tsɛ mi; ma je nyɛ, konɛ nyɛɛ wo ye hɛ mi nyami.”

La 46:5

Mawu ngɛ jamɛ a ma a mi, lɔ ɔ he ɔ, ma a hɛ mi be kpatae kɔkɔɔkɔ. Loko haomi maa ba a nɔ ɔ, Mawu je ngmlaa ha mɛ momo.

La 37:39

Yawɛ heɔ dali a yi wami; e buɔ a he ngɛ amanehlu be mi.

La 25:3

Nihi nɛ ngɔ a hɛ kɛ fɔ o nɔ ɔ, ko ha nɛ zo nɛ gbe mɛ. Ha nɛ nimli yayamihi, kɛ yakayaka nimli mohu a hɛ mi nɛ pue si.

La 143:8

Mɔtu ɔ, ha ma kai bɔ nɛ o mi mi hi ha; ejakaa o nɔ i ngɔɔ ye hɛ kɛ fɔɔ. Ha nɛ ma le he nɛ ma gu; ejakaa mo pɛ o nɔ i ngɔ ye hɛ kɛ fɔ.

La 27:1

Yawɛ ji ye la; lɛ ji ye yi wami helɔ. lɔ ɔ he ɔ, i yi nɔ ko nɔ ko gbeye. Yawɛ ji ye he wami nɛ buu ye he; mɛnɔ gbeye ma ye mɔ?

Yesaya 17:10

Israel Mawu ɔ nɛ kpɔ mo kɛ je o he nyɛli a dɛ mi, nɛ e pee kaa tɛ sa nguaa ko ha mo ɔ, o hɛ je e nɔ. Lɔ ɔ he ɔ, o ngɛ ngmɔhi nɛ ngɛ fɛu pee, nɛ o ngɛ ma se tsohi due ngɛ a mi.

Yesaya 37:3

Sɛ gbi nɛ e ha mɛ kɛ ya ha Yesaya a ji, “Mwɔnɛ ligbi nɛ ɔ, wa yi fi; a jɛ wɔ, nɛ a pue wa hɛ mi si. Wa pee kaa yo nɛ nu kɔɔmi, se e be he wami nɛ e kɛ maa kɛ̃ bi ɔ kɛ je kpo.

Yesaya 51:5

Ma ba esɔesɔ, konɛ ma ba he a yi wami. Ye kunimi yemi be ɔ su ta. Imi nitsɛ ma ye je ma amɛ a nɔ. Wo nya zugba amɛ ngɛ mi mlɛe, a ngɔ a hɛ ngɔ fɔ ye nɔ kɛ ngɛ mi blɔ hyɛe kaa ma ba he a yi wami.

La 33:22

Yawɛ, o suɔmi nɛ be nyagbe ɔ kɛ wɔ nɛ hi si daa; ejakaa wa ngɔ wa hɛ ngɔ fɔ o nɔ.

Yesaya 8:17

Yawɛ ngɔ e hɛ mi ngɔ laa e ma a, se imi lɛɛ i heɔ yeɔ, nɛ i ngɔ ye hɛ ngɔ fɔ e nɔ.