Yesaya 32:9 - BAIBLO ALOO NGMAMI KLƆUKLƆU Ɔ

⁹ Nyɛ yihi nɛ nyɛ ngɛ mle yee, nɛ haomi ko be nyɛ nɔ, nyɛɛ bu nɔ́ nɛ i ngɛ nyɛ dee ɔ tue.

Yesaya 32:9 ပူးပေါင်းရင်းမြစ်များ

Mateo 13:9

Nyagbe ɔ, Yesu de ke, “Nɔ nɛ ngɛ tue ɔ, e nu.”

Yesaya 28:23

Nyɛɛ bu mi tue; nyɛ ta tue ha nɔ́ nɛ i ngɛ nyɛ dee ɔ.

Yesaya 3:16

Yawɛ ke, “Hyɛ bɔ nɛ Yerusalem yi ɔmɛ ngɛ a he tsɔɔe ha! Ke a ngɛ nyɛɛe ɔ, a woɔ a hɛ mi nɔ kɛ hii kɔɔhiɔ mi fue. Basabasa peemi pɛ a suɔ be tsuaa be. A hiaa a nane bitibiti kɛ kɔsɔɔ, nɛ a nane si ga amɛ hii pɛe ngmleingmlei.

Zefania 2:15

Ma nɛ e mi bi woɔ a he nɔ, nɛ a fĩaa ngɔ fɔɔ mɛ nitsɛmɛ a he wami nɔ, nɛ a deɔ a he ke ma ko be nɛ kɛ mɛ sɔ ɔ, nɔ́ nɛ maa ba jamɛ a ma a nɔ ji nɛ ɔ nɛ. Nineve maa pee ma doku, nɛ pu mi lohwehi ma ba jɔɔ a he ngɛ lejɛ ɔ. Nɔ tsuaa nɔ nɛ ma ba be ngɛ lejɛ ɔ, ma huanya e yi, nɛ e ma de ke, “Tsia!”

Kɔmɔ Yemi 4:5

Nihi nɛ ye ní kpakpahi be ko nɛ be ɔ, amlɔ nɛ ɔ, a hɛ mi kpata ngɛ gbɛjegbɛ ɔmɛ a nɔ. Nihi nɛ a lɛ mɛ ngɛ he kpakpahi be ko nɛ be ɔ, amlɔ nɛ ɔ, a ngɛ si kukuɔe ngɛ kuku nɔ.

Manyadali 9:7

Benɛ Yotam nu he ɔ, e ho ya da si ngɛ Gerizim yo ɔ yi mi, nɛ e kpa ngmlaa nɛ e de ke. “Nyɛɛ bu mi tue, nyɛ Shekem bi, konɛ Yawɛ hu nɛ bu nyɛ tue!

Mose V, 28:56

Yo odehe mi odehe nɛ na ní kpɔtɔɔ, nɛ e hia we lɛ kaa e nyɛɛ kɛ ya he ko po maa pee jã kɛ̃. Ke he nyɛli ɔmɛ ba sá ma a yi ɔ, lɛ hu e yi ma fi ngɛ niye ní blɔ fa mi; e maa ye bimwɔyo he nɛ lɛ nitsɛ e fɔ ɔ ngɛ laami mi, nɛ e maa ye fɔmi se ɔ hulɔ. Lɛ nɔ kake e maa laa maa ye, nɛ e be e huno nɛ e suɔ lɛ saminya a, loo e bimɛ ɔmɛ eko hae.

La 123:4

Nihi nɛ a he mi jɔ mɛ ɔ ye wa he fɛu babauu, nɛ he nɔ woli hu gbe wa he guɛ hluu kɛ ya si wa mumu nya ta.

Yeremia 9:20

I de ke, “Nyɛ yi ɔmɛ, nyɛɛ bu Yawɛ tue, nɛ nyɛɛ ye e munyu ɔmɛ a nɔ. Nyɛɛ tsɔɔ nyɛ biyi ɔmɛ kɔmɔ yemi, kɛ nyɛ huɛmɛ ɔmɛ ya la lami.

Yeremia 9:19

A wo yana ngɛ Zion, nɛ a ngɛ dee ke, “Wa yi ta oo, wa yi ta! Wa hɛ mi pue si pɛ! Nyɛ ha nɛ waa je wa zugba a nɔ, ejakaa a ku wa we ɔmɛ tsuo ngɔ pue si.”