Yesaya 32:7 - BAIBLO ALOO NGMAMI KLƆUKLƆU Ɔ

⁷ Nɔ sisilɔ ɔ, ní yayahi a he ga pɛ e toɔ. E yeɔ lakpa konɛ e kɛ kpata dɛgutsɛmɛ a hɛ mi. Ke a sane da po, bɔ nɛ e peeɔ mɛ ji nɛ ɔ nɛ.

Yesaya 32:7 ပူးပေါင်းရင်းမြစ်များ

Yesaya 5:23

Nyɛ heɔ nyɔ mi ní ngɛ nihi nɛ ye fɔ a dɛ nɛ nyɛ ngmɛɔ a he; se nihi nɛ yi fɔ mohu lɛɛ nyɛ yi a sane ha we mɛ.

Mateo 26:4

nɛ a ya so bɔ nɛ a maa pee kɛ nu Yesu ga mi, nɛ a gbe lɛ.

Mika 2:11

“Gbalɔ nɛ ma nɛ ɔ suɔ ji lakpatsɛ kɛ nɔ sisilɔ; nɔ nɛ ma de mɛ ke, ‘Ma gba nɛ wai kɛ da nɛ nya wa nɛ ba ha nyɛ.’

Yeremia 18:18

Kɛkɛ nɛ ma a de ke, “Nyɛ ha nɛ waa to Yeremia he ga. Daa nɛ ɔ, wa ma na osɔfohi nɛ maa tsɔɔ wɔ ní. Wa ma na ní leli nɛ maa wo wɔ ga, kɛ gbali nɛ ma ha wɔ Mawu sɛ gbi. Ke wa to ga nɛ ɔ, pi lɔ ɔ nɛ ma ha nɛ ní nɛ ɔmɛ a se maa po. Nyɛ ha nɛ waa po sane ngɔ fɔ e nɔ, nɛ waa jɔɔ e munyu ɔmɛ tue bumi.”

Yesaya 61:1

Nyɔmtsɛ Yawɛ mumi ɔ ngɛ ye nɔ; Yawɛ pɔ mi nu, nɛ e tsɔ mi, konɛ ma ngɔ manye munyu ya ha nihi nɛ a ní ngɛ mɔbɔ ɔ; nɛ ma wo kɔmɔ yeli a bua; nɛ ma ya de nihi nɛ a nuu mɛ nyɔguɛ ɔ ke a he yemi be su ta, kɛ ni nɛmɛ nɛ a wo mɛ tsu ɔ ke a jémi be su ta.

Yesaya 1:23

Atuã tsɔli ji o ganɔ ɔmɛ, nɛ juli ji o huɛmɛ; be tsuaa be ɔ, nike ní, kɛ nyɔ mi ní a ngɛ hee. A yi awusahi a sane ha we mɛ ngɛ sane yemi he, nɛ a bui yalɔyihi hu a sane tue.

La 119:95

Yiwutsosɛmɛ woɔ mi ka nɛ a kpata ye hɛ mi; se imi lɛɛ o mlaa amɛ a he mohu i susuɔ.

Yesaya 11:4

Se e kɛ dami sane yemi maa kojo ohiatsɛmɛ, nɛ e maa bu nihi nɛ a ní ngɛ mɔbɔ ɔ a he. Ke e fa ke a gbla nɔ ko tue ɔ, kɛkɛ a maa gbla e tue. Ke e fa ke a gbe yayami peelɔ ko ɔ, kɛkɛ pe a gbe lɛ ɔ nɛ.

Yesaya 26:10

E ngɛ mi kaa o naa yiwutsotsɛmɛ mɔbɔ lɛɛ, se a kase we nɛ a pee nɔ́ nɛ da. E ngɛ mi kaa a ngɛ nihi nɛ peeɔ nɔ́ nɛ da a zugba nɔ lɛɛ, se yayami mohu a ngɛ pee kpamisa; a yɔse we kaa Mawu kpetekpleenyɛ ji mo.

Yesaya 29:21

Mawu ma kpata nimli nɛ ɔmɛ hu a hɛ mi: nihi nɛ a kɛ a nya mi munyu poɔ nihi a nya kaa a tɔ mlaa, kɛ nihi nɛ tsɔɔ klama ha kojoli ngɛ kojomi he, nɛ a kɛ lakpa yemi haa nɛ a plɛɔ nɔ nɛ sane da a e sane hɛ mi kɛ buɔ si.

Yesaya 55:7

Nyɛ yiwutsotsɛmɛ, nyɛ kpa awi yemi, nyɛ yayami peeli, nyɛ ko susu nɔ́ yaya hu. Nyɛɛ kpale kɛ ba Yawɛ, wa Mawu ɔ ngɔ. E naa mɔbɔ, nɛ be tsuaa be ɔ, e kɛ nɔ tɔmi paa.

Yesaya 59:15

Nɔ ko nɔ ko yi anɔkuale hu; nɔ nɛ yuɔ e he kɛ jeɔ yayami he ɔ, a haoɔ lɛ kaa lɛ mohu ji yayami peelɔ.” Yawɛ na nɔ́ nɛ ɔ, nɛ e ngɔɛ e nya kaa a yi dami sane.

Daniel 12:10

A maa tsukɔ nihi babauu a he, nɛ a he ma tsɔ. Yiwutsotsɛmɛ be sisi nue; a maa ya nɔ maa pee yayami. Ní leli ɔmɛ lɛɛ a maa nu sisi.

Mika 2:1

Musu tloo nihi nɛ soɔ yi wu tso níhi, nɛ a toɔ yayami peemi he ga nyɔ mi ngɛ sa mi. Ke je na nɛ a na he blɔ pɛ, a peeɔ yayami nɛ a to he ga a.