Yesaya 32:6 - BAIBLO ALOO NGMAMI KLƆUKLƆU Ɔ

⁶ Ejakaa kuasia tuɔ munyu basabasa, nɛ e toɔ ga kaa e maa pee yayami. E tuɔ munyu, nɛ e peeɔ nɔ́ basabasa kɛ siɔ Yawɛ. Nɔ nɛ hwɔ ngɛ lɛ yee ɔ, e ha we lɛ nɔ́ ko nɛ e yeɔ kɔkɔɔkɔ, nɛ nɔ nɛ kuma ngɛ lɛ yee hu e ha we lɛ nyu tete po nɛ e nuɔ.

Yesaya 32:6 ပူးပေါင်းရင်းမြစ်များ

Mateo 15:19

Ejakaa tsui mi nɛ susumi yayami nɛ ɔmɛ jeɔ: nɔmlɔ gbemi, gba puɛmi, ajuama bɔmi, jumi, lakpa odase yemi, kɛ nɔ biɛ puɛmi.

Mateo 23:13

“Nyɛ mlaa tsɔɔli, kɛ Farisi bi, musu tloo nyɛ! Osatotsɛmɛ! Nyɛ ngaa hiɔwe matsɛ yemi ɔ nya ngɔ woɔ nihi, se nyɛ nitsɛmɛ lɛɛ nyɛ sɛ́ mi. Ni nɛmɛ nɛ a hlaa kaa a maa sɛ mi ɔ hu nyɛ ngmɛ́ mɛ blɔ! [

Yesaya 3:15

Nyɛ be he blɔ kulaa kaa nyɛ waa ye ma a yi mi, loo nyɛ yeɔ ohiatsɛmɛ amimi. Imi Nyɔmtsɛ Tabohiatsɛ Mawu ɔ, lɛ i de.”

Samuel I, 24:13

Nimeli bu abɛ ke, ‘Nimli yayamihi a dɛ mi nɛ nɔ́ yayami jeɔ.’ Se imi lɛɛ ye nine be o he sae.

Yakobo 1:27

Bɔ nɛ nɔ ko ma ja Mawu nɛ maa sa Tsɛ Mawu ɔ nitsɛ hɛ mi ji nɛ ɔ nɛ: awusahi kɛ yalɔyihi nɛ e fi mɛ ɔ, e hyɛ a nɔ. Jehanɛ e hyɛ lɛ nitsɛ e he nɔ saminya, konɛ je mi akɔnɔ yaya ko tɔtɔ e nane.

Amos 8:6

Wa maa jua ngma bibliwi po kɛ he jua wawɛ. Wa ma he ohiatsɛmɛ kɛ pee wa nyɔguɛhi, ejakaa a be nyɛe maa wo a hiɔ ɔmɛ. Ke ohiatsɛ ko hɛɛ hiɔ nɛ e nya maa su kaa tokota nane hiɛ kɛ hiɛ po, e be nyɛe maa wo.”

Yeremia 13:23

Anɛ nɔmlɔ yumu ma nyɛ ma tsake e he womi su ɔ lo? Anɛ ngatsɛ ma nyɛ ma tsake e he huatahuata a lo? Ke e maa hi peemi ja a, lɛɛ nyɛ nɛ yayami peemi pee nyɛ he nɔ́ nɛ ɔ, nyɛ hu nyɛ ma nyɛ maa pee kpakpa.

Yesaya 9:17

Lɔ ɔ he ɔ, Nyɔmtsɛ ɔ na we nihewi ɔmɛ a he bua jɔmi. Yalɔyi ɔmɛ, kɛ awusa amɛ hu e mɛ nɛ mɔbɔ; ejakaa ni ɔmɛ tsuo li Mawu; a pee a he yiwutsotsɛmɛ, nɛ munyu yaya pɛ a tuɔ. Enɛ ɔ tsuo he ɔ, Yawɛ mi mi fumi ɔ se be poe kɛ yaa si e ma kpata a hɛ mi pɛsɛpɛsɛ.

Abɛ Womi 19:3

Ke nɔ ko ya biɛ nɛ haomi ba e nɔ ɔ, kɛkɛ e ngɔ abofu ɔ ya kple Yawɛ mohu nɔ.

La 141:4

Piɛ ye he, konɛ ma ko na yayami peemi he bua jɔmi; piɛ ye he, konɛ i kɛ yayami peeli ko bɔ; nɛ ko ha ma ya ye a niye ní ngɔngɔɛ ɔ eko.

Abɛ Womi 24:7

Nile munyuhi a mi kuɔ tsɔ pe bɔ nɛ kuasia maa nu sisi. Ke a ngɛ níhi nɛ a he hia he susue ɔ, e nyɛ we nɛ e paa e nya mi.

Yesaya 10:2

Jã nyɛ peeɔ kɛ kpɔɔ ohiatsɛmɛ a blɔ nya níhi ngɛ a dɛ, nɛ nyɛ yi dami sane ha we mɛ. Jã nyɛ peeɔ kɛ kpɔɔ yalɔyihi kɛ awusahi a weto ní ngɛ a dɛ.

Yesaya 10:6

I tsɔ Asiria bi ɔmɛ ke a ya tua ma ko nɛ li Mawu, ma nɛ wo ye mi mi la a. I tsɔ mɛ ke a ya ha ní, nɛ a kpɔ níhi pani nya; nɛ a naa ni ɔmɛ a nɔ kaa mɔsɔ ngɛ blɔ mi.”

Yesaya 26:10

E ngɛ mi kaa o naa yiwutsotsɛmɛ mɔbɔ lɛɛ, se a kase we nɛ a pee nɔ́ nɛ da. E ngɛ mi kaa a ngɛ nihi nɛ peeɔ nɔ́ nɛ da a zugba nɔ lɛɛ, se yayami mohu a ngɛ pee kpamisa; a yɔse we kaa Mawu kpetekpleenyɛ ji mo.

Yesaya 31:2

Yawɛ ɔ, ní lelɔ ji lɛ, nɛ e gblaa nɔ tue. Ke e de nɔ ko ɔ, e kpale we e nya se. E gblaa yayami peeli kɛ a he piɛli tsuo a tue.

Yesaya 59:7

Be tsuaa be ɔ, yayami he ga sɔuu nyɛ toɔ. Nɔ nɛ ko ye bemi ɔ, nyɛ he sɔɔ kɛ pueɔ e muɔ si yaka. He tsuaa he nɛ nyɛ gu ɔ, nɔ́ puɛmi, kɛ nɔ́ hɛ mi kpatami sɔuu nyɛ siɔ ngɛ nyɛ se;

Yesaya 59:13

Wa tɔ o nɔ; wa wa nihi yi mi, nɛ wa kua mo. Wa ja we mo hu. Ni yayahi a he wa susuɔ, nɛ lakpa pɛ wa yeɔ.

Daniel 12:10

A maa tsukɔ nihi babauu a he, nɛ a he ma tsɔ. Yiwutsotsɛmɛ be sisi nue; a maa ya nɔ maa pee yayami. Ní leli ɔmɛ lɛɛ a maa nu sisi.

Ezekiel 34:18

Nyɛ naa niye ní kpakpa nyɛ yeɔ. Anɛ lɔ ɔ pi ha nyɛ lo? Lɛɛ mɛni he je niye ní nɛ piɛ ngɛ nyɛ ní yemi he ɔ, nyɛ kpale ya naa nɔ nyamanyama a? Jehanɛ hu, nyɛ naa nyu nɛ mi tsɔ nɛ nyɛ nuɔ. Anɛ lɔ ɔ nɛ pi ha nyɛ he je nɛ nyɛ ngɔɔ nyɛ nane kɛ gbidiɔ nyu nɛ piɛ ɔ?