Yesaya 32:5 - BAIBLO ALOO NGMAMI KLƆUKLƆU Ɔ

⁵ A be kuasia hɛ mi nyami woe hu, nɛ nɔ sisilɔ ɔ, a be lɛ tsɛe ke anɔkualetsɛ hu.

Yesaya 32:5 ပူးပေါင်းရင်းမြစ်များ

Yesaya 5:20

Musu tloo nyɛ! Nyɛ tsɛɔ yayami ke kpakpa, nɛ nyɛ tsɛɔ kpakpa ke yayami. Nyɛ plɛɔ diblii kɛ peeɔ la, nɛ la hu peeɔ diblii. Nyɛ plɛɔ doomi kɛ peeɔ ngɔɔmi, nɛ nɔ́ nɛ ngɔɔ peeɔ nɔ́ nɛ dooɔ.

Malaki 3:18

Jamɛ a be ɔ mi ɔ, ye ma a maa na slɔɔto nɛ ngɛ dalɔ kɛ yayami peelɔ a kpɛti; nyɛ maa na slɔɔto nɛ ngɛ nɔmlɔ nɛ sɔmɔɔ mi, kɛ nɔ nɛ sɔmɔ we mi ɔ a kpɛti.” Yawɛ Tabohiatsɛ ɔ lɛ de.

La 15:4

Nɔ nɛ tuɔ munyu kɛ siɔ yayami peeli, nɛ e woɔ nihi nɛ yeɔ Yawɛ gbeye ɔ a hɛ mi nyami. Nɔ nɛ ke e ka kita, nɛ e kpale we e nya se, ke ji kaa lɔ ɔ maa pee haomi ha lɛ po.

Samuel I, 25:25

Ye nyɔmtsɛ, i kpa mo pɛɛ, mo ko di Nabal yaka nɔmlɔ nɛ ɔ; ejakaa bɔ nɛ e biɛ ngɛ ɔ, ja nɛ lɛ nɔmlɔ ɔ ngɛ. E biɛ Nabal ɔ sisi ji kuasia; nɛ kuasiahi a sane nɛ e yeɔ. Se imi, o mawayo ɔ, nihewi ɔmɛ nɛ ye nyɔmtsɛ ɔ tsɔ kɛ ba a, i nɛ mɛ.

Yesaya 32:7

Nɔ sisilɔ ɔ, ní yayahi a he ga pɛ e toɔ. E yeɔ lakpa konɛ e kɛ kpata dɛgutsɛmɛ a hɛ mi. Ke a sane da po, bɔ nɛ e peeɔ mɛ ji nɛ ɔ nɛ.