Yesaya 32:2 - BAIBLO ALOO NGMAMI KLƆUKLƆU Ɔ

² Nɔ tsuaa nɔ maa pee kaa wesa he ngɛ kɔɔhiɔ kɛ ahumi nya, kaa pa nɛ ywia nga ngɛ zugba kpataa nɔ, aloo kaa zugba kplanaa nɔ tɛ sa sisi hɔ̃.

Yesaya 32:2 ပူးပေါင်းရင်းမြစ်များ

Yesaya 25:4

O ngɛ kaa mɔ kɛ ha ohiatsɛmɛ. O ngɛ kaa mɔ kɛ ha nɔ́ nali. Mo ji a wesa he ngɛ kɔɔhiɔ nɛ nya wa mi, kɛ hɔ̃ ngɛ pu ngmangmaangma nya. Yiwutsotsɛmɛ nɛ a yi mi wa kaa ahumi ngɛ fĩɛ be mi po, o jeɔ mɛ kɛ jeɔ a dɛ mi.

Yesaya 44:3

“Nihi nɛ kuma ngɛ mɛ yee ɔ, ma ha mɛ nyu nɛ a nu. Ma ha zugba gbigbli ɔ nyu, nɛ pahi maa hia. Ma ngɔ ye mumi ɔ kɛ wo o bimɛ ɔmɛ a mi, nɛ ma gbaa o nina a.

Yesaya 9:6

Ejakaa a fɔ bi ha wɔ! A ha wɔ binyumuyo! Lɛ nɛ e ma ba ye wa nɔ. A ma tsɛ lɛ ke, “Nyakpɛ ga wolɔ,” “Mawu he walɔ,” “Tsɛ nɛ ngɛ kɛ yaa neneene,” “Ganɔ nɛ yi nɔ jɔ.”

Zakaria 13:7

Yawɛ Tabohiatsɛ ɔ ke, “Klaate, tee si ngɔ wo ye huɛ to hyɛlɔ nɛ ngɛ ní tsue ha mi ɔ! Moo fia lɛ nɔ konɛ to ɔmɛ nɛ a gbɛ fĩa. I kɛ tsɔwitsɔwi nɛ ɔmɛ maa to ní.

Yesaya 43:20

Nga mi lohwe nane eywiɛɛywiɛtsɛmɛ pohu maa wo ye hɛ mi nyami; nga mi gbehi, kɛ dugumahi ma je ye yi. Ejakaa ma ha pahi maa hia kɛ be ngɛ nga kplanaa a nɔ, nɛ ye ma nɛ i hla a ma na nyu maa nu.

Yesaya 41:18

Ma ha pahi maa hia ngɛ yo kpataa amɛ a nɔ, nɛ nyu maa fo dɔ ngɛ kɔ̃ ɔmɛ a mi. Ma ha nga kplanaa a nɔ ma plɛ pee taku, nɛ nyu maa ba babaaba ngɛ zugba gbigbli ɔ nɔ.

Yesaya 7:14

Yoo, i nu. Nyɔmtsɛ ɔ nitsɛ ma ha nyɛ okadi ko; yiheyo ko maa ngɔ hɔ, nɛ e ma fɔ binyumu, nɛ e maa wo lɛ biɛ ke, ‘Yimanuel’.

La 143:9

Yawɛ, jé mi kɛ je ye he nyɛli ɔmɛ a dɛ mi. O ngɔ i ba sa we ngɛ.

Kpojemi 22:1

Jehanɛ ɔ, bɔfo ɔ tsɔɔ mi pa kɛ e mi nyu nɛ haa nɔ wami ɔ; e mi tsɔ keikei kaa ahuhuɛ. Pa a hia kɛ je Mawu, kɛ To bi ɔ matsɛ sɛ ɔ he

1 Timoteo 3:16

Anɔkuale ɔ nɛ kɔɔ wa jami ɔ he ɔ ji laami sane nguaa; nɔ ko nɔ ko be nyɛe maa je he nɔ́. Kristo ba je nɛ ɔ mi kaa nɔmlɔ adesa; E ye nguɔ ngɛ mumi mi; E je e he kpo ngɔ tsɔɔ Mawu bɔfohi. A fiɛ lɛ ngɛ je ma amɛ a kpɛti; A he lɛ ye ngɛ je ɔ mi tsuo. A ngɔ lɛ kɛ ho hiɔwe ya ngɛ nyami mi.

Yohane 7:37

Nyagbe ligbi ɔ nɛ ji nyami ligbi nguaa pe kulaa a, Yesu te da si, nɛ e de kɛ ngmlaa ke, “Nɔ tsuaa nɔ nɛ kuma ngɛ lɛ yee ɔ, e ba ye ngɔ nɛ e ba nu nyu.

Yesaya 28:17

Ma ngɔ dami sane yemi kɛ pee susumi kpa.” Ahumi kɛ gbiɛ ngo ngu maa bɛɛ lakpa amɛ tsuo kɛ ho, nɛ pahi maa je a hi he ɔmɛ.

La 63:1

Mawu lee, niinɛ, mo ji ye Mawu; i ngɛ mo hlae kɛ ye tsui tsuo nɛ ma na; o he kuma ngɛ mi yee kaa zugba nɛ gbli kadokado nɛ ngɛ nyu hlae!

La 32:7

Mo ji ye laami he; o jeɔ mi kɛ jeɔ haomi mi. Mo lɛ o po piɛ kɛ bɔle mi kɛ kpe, nɛ o ha nɛ i ye ye he.

La 91:1

Nɔ nɛ hii Hiɔwe No ɔ laami he ɔ, Ope ɔ nitsɛ maa baa e yi.

Yesaya 12:2

Mawu ji ye yi wami helɔ; ma ngɔ ye hɛ ngɔ fɔ e nɔ, nɛ i be gbeye yee. Yawɛ Mawu ɔ ji nɔ nɛ haa mi he wami kɛ nyɛmi, lɛ nɔuu ji ye yi wami helɔ.

Yesaya 16:3

A de Yuda bi ɔmɛ ke, “Wa ngɛ nyɛ dɛ mi; nyɛɛ wo wɔ ga koo. Wa maa hi nyɛ ngɔ nɛ nyɛɛ baa wa yi kaa bɔ nɛ tso woɔ hɔ kudɔɔ ngɛ e sisi piani katakata a. Pe a fie wɔ, lɔ ɔ he ɔ, nyɛɛ ngɔ wɔ ngɔ to; nyɛ ko tsɔɔ wa se blɔ.

Yesaya 43:19

Nɔ́ he nɛ ma pee ɔ, nyɛɛ hyɛ lɔ ɔ mohu blɔ; nɔ́ he ɔ je sisi momo; nyɛ bli nyɛ hɛngmɛ nɛ nyɛɛ hyɛ! Ma je gbɛjegbɛ ko kɛ gu nga kplanaa a nɔ, nɛ ma ha pahi maa hia ngɛ lejɛ ɔ.

Yeremia 33:14

Yawɛ ke, “Be ma nɛ si nɛ i wo Israel bi, kɛ Yuda bi ɔ, ma ye nɔ.

Kɔmɔ Yemi 4:20

Wa matsɛ ɔ nɛ Yawɛ nitsɛ hla lɛ, nɛ woɔ wɔ he wami, nɛ wa ngɔ wa hɛ kɛ fɔ e nɔ kaa e ma ba kpɔ wɔ kɛ je he nyɛli ɔmɛ a dɛ mi ɔ sɛ a kpa mi, nɛ a nu lɛ.