Yesaya 32:18 - BAIBLO ALOO NGMAMI KLƆUKLƆU Ɔ

¹⁸ Haomi ko haomi ko be ye ma a nya gbae, nɛ tue mi jɔmi kɛ he jɔmi maa hi a we ɔmɛ a mi.

Yesaya 32:18 ပူးပေါင်းရင်းမြစ်များ

Zakaria 2:5

Yawɛ wo si kaa lɛ nitsɛ e maa pee gbogbo nɛ ngɛ kaa la nɛ ngɛ tsoe kɛ bɔle ma a; e maa bu ma a he, nɛ e hɛ mi nyami ɔ maa bɔle ma a.”

Yeremia 33:16

E yi nɔ ɔ, a ma he Yuda yi wami, nɛ tue mi jɔmi maa ba Israel. Nɛ biɛ nɛ a kɛ ma tsɛ lɛ ji, ‘Yawɛ ji wa dami.’

Hebribi 4:9

Lɔ ɔ he ɔ, e fɔɔ si paa kaa he jɔɔmi be ko ngɛ ha Mawu ma a nɛ a maa ye.

1 Yohane 4:16

Suɔmi nɛ Mawu ngɛ kɛ ha wɔ ɔ, wɔ nitsɛmɛ wa le, nɛ wa ji he nɔ́. Mawu ɔ, suɔmi ji lɛ, nɛ nɔ tsuaa nɔ nɛ suɔ nɔmlɔ kɛ e tsui tsuo ɔ, e hii Mawu mi, nɛ Mawu hu hii e mi.

Zakaria 2:8

Nyɛ he jua wa ha mi saminya; lɔ ɔ he ɔ, nɔ nɛ maa ta nyɛ he ɔ, i be lɛ kplɛɛe.” Enɛ ɔ he je ɔ, Yawɛ Tabohiatsɛ ɔ tsɔ mi ke ma ba de je ma amɛ nɛ ba ha e ma a ní ɔ ke,

Yesaya 2:4

Yawɛ maa hyɛ je ma amɛ a kpɛti sanehi a mi ha mɛ. E ma dla nihi babauu a kpɛti. A kɛ a ta hwumi klaate ɔmɛ maa sɔ kpakplaahi, nɛ a kɛ a we akplɔ ɔmɛ maa pee tso he suami hahi. Je ma ko je ma ko be ta hwue kɔkɔɔkɔ; a be a he dlae kɛ ha ta gblegbleegble hu.

Yesaya 11:10

Jamɛ a ligbi ɔ, matsɛ he nɛ je Ishai powu ɔ mi ɔ maa da si kaa okadi ko ha je ma amɛ. A ma bua a he nya kɛ maa ba e matsɛ ma a mi, nɛ a ma ba wo e hɛ mi nyami.

Yesaya 14:3

Be ma nɛ aywilɛho, haomi, kɛ ní tsumi kpakpataa nɛ a nyɛ o nɔ nɛ o tsu ɔ, Yawɛ ma ha lɛ tsuo se maa po.

Yesaya 26:3

Nɔ nɛ ngɔɔ e hɛ kɛ fɔɔ o nɔ, nɛ e heɔ mo yeɔ ɔ, o haa lɛ tue mi jɔmi.

Yesaya 26:12

Yawɛ, mo lɛ o haa wɔ tue mi jɔmi; nɔ́ tsuaa nɔ́ nɛ wa ngɛ pee ɔ, mo lɛ o peeɔ ha wɔ.

Yesaya 28:12

Mawu de nyɛ ke e ma ha nyɛ he jɔmi, kɛ tue mi jɔmi, se nyɛ bui lɛ tue fɛɛ.

Yesaya 30:15

Nyɔmtsɛ Yawɛ, Israel Mawu klɔuklɔu ɔ ngɛ ma a dee ke, “Nyɛɛ kpale kɛ ba, nɛ nyɛɛ ngɔ nyɛ hɛ ngɔ fɔ ye nɔ kpoo. Ja jã loko nyɛ he maa wa, nɛ nyɛ ma na wami.” Se nyɛ kplɛɛ we kaa nyɛ maa pee ja!

Yesaya 65:9

Ma ha Yakob nina babauu. Ma ha Yuda bi ɔmɛ ma ba hi yo ɔmɛ a nɔ; lejɛ ɔ tsuo maa pee ye sɔmɔli nɛ i hla nɛ ɔ a nɔ́.

Yesaya 65:21

A maa po wehi, nɛ mɛ nitsɛmɛ a maa hi mi; a maa pee wai ngmɔhi, nɛ mɛ nitsɛmɛ a maa ye a mi yiblii.

Zakaria 3:10

Jamɛ a be ɔ, nyɛ maa kpee nyɛ sibi kɛ ba nyɛ wai ngmɔ ɔmɛ a mi, kɛ nyɛ ngmɔkɔ tso ɔmɛ a sisi. Yawɛ lɛ de.”

Mose II, 9:26

Se Goshen zugba a nɔ he nɛ Israel bi ɔmɛ ngɛ ɔ lɛɛ gbiɛ ngo ngu kake po nɔɛ lejɛ ɔ.

La 107:7

E ngɔ mɛ kɛ gu blɔ tlɔmɔɔ nɔ hluu kɛ ya su ma ko mi he nɛ a maa hi.

Abɛ Womi 24:15

Koo pee o ní kaa yiwutsotsɛmɛ nɛ woɔ nimli kpakpahi ka nɛ a ngɔɔ a níhi, aloo a kpɔɔ a wehi ngɛ a dɛ pani nya.

Yesaya 33:6

nɛ ma a maa ya nɔ saminya. E buu e ma a he be tsuaa be; nɛ e haa ma mi bi ɔmɛ juɛmi kɛ nile. Yawɛ gbeye yemi ji nɔ́ ko nɛ he jua wa saminya kaa juetli agbo ha mɛ.

Ezekiel 34:28

Je ma amɛ ba be mɛ haoe nɛ a ha a ní hu. Lohwe awi yeli ba be mɛ nue nɛ a ye hu. A maa hi si ngɛ tue mi jɔmi mi, nɛ nɔ ko nɔ ko be a he gbeye woe.