Yesaya 32:14 - BAIBLO ALOO NGMAMI KLƆUKLƆU Ɔ

¹⁴ Mɔ ɔ po, nɔ ko nɔ ko be mi hie hu; nɛ ma nɛ hyi tɔ kɛ nimli babauu ɔ maa pee ma doku. Wehi, kɛ mɔhi nɛ bɔle mɛ kɛ kpe ɔ, a hɛ mi ma kpata kɛ maa ya neneene. Nga mi tejihi ma na bua jɔmi ngɛ lejɛ ɔ, nɛ tohi hu, lejɛ ɔ a maa ye ní ngɛ.

Yesaya 32:14 ပူးပေါင်းရင်းမြစ်များ

Yesaya 27:10

Ma nɛ a fia gbogbo ngɔ wo he ɔ ku kɛ pueɔ si. E plɛ pee ma doku kaa nga kplanaa nɛ nɔ ko nɔ ko be nɔ. Lejɛ ɔ plɛ pee lohwe lɛmi he, he nɛ nahi maa ye ní, nɛ a maa jɔɔ a he ngɛ.

Yesaya 25:2

O ha mahi plɛ pee ma dokuhi, gbogbohi nɛ a fia wo a he ɔ, lɛ tsuo ku kɛ pueɔ si. Matsɛmɛ a mɔhi nɛ ma je li ɔmɛ ma a, a kpata a hɛ mi pɛsɛpɛsɛ, a be ekoeko nae hu gblegbleegble.

Yesaya 24:12

A ku gbogbo ɔmɛ dukuduku ngɔ pue si, nɛ ma a tsuo plɛ pee ma doku.

Yesaya 24:10

Nɔ́ tsuaa nɔ́ pee basaa ngɛ ma a mi; nɛ a nga agbo ɔmɛ tsuo, konɛ nɔ ko nɔ ko nɛ ko sɛ we ɔmɛ a mi.

Luka 21:24

A kɛ klaate maa gbe ni komɛ. A maa nuu ni komɛ hu nyɔguɛ kɛ ya je ma amɛ tsuo a mi, nɛ ma je li ɔmɛ maa ngɔ Yerusalem, nɛ a maa ye ma a nɔ hluu kɛ yaa si mɛ hu a be maa su.

Luka 21:20

“Ke nyɛ na nɛ he nyɛli ba sa Yerusalem ma a yi ɔ, kɛkɛ nyɛ maa le kaa ma a hɛ mi kpatami be ɔ su ta.

Yesaya 6:11

I bi ke, “Nyɔmtsɛ, nɔ́ nɛ ɔ maa ya nɔ kɛ yaa si mɛni be?” E he nɔ ke, “Kɛ yaa su be nɛ ma amɛ a hɛ mi ma kpata, nɛ a maa pee ma dokuhi nɛ a be nɔ ko nɔ ko nae ngɛ we ɔmɛ a mi, nɛ zugba a nitsɛ hu nɔ maa je gu.

Yesaya 5:9

I nu nɛ Yawɛ Tabohiatsɛ ɔ de ke, “Wehi nɛ kle, nɛ a he ngɛ fɛu nɛ ɔ tsuo ma ba pee we dokuhi.

La 104:11

Pu mi lohwehi tsuo náa nyu nɛ a nuɔ. Nga mi tejihi nuɔ nyu hluu kɛ ya siɔ kuma yi mɛ hu.

Matsɛmɛ II, 25:9

E ya sã Yawɛ we ɔ, kɛ matsɛ we ɔ, kɛ nimli nguahi tsuo nɛ ngɛ Yerusalem ɔ a wehi,

Yesaya 7:23

“Jamɛ a be ɔ, hehi tsuo nɛ wai tso akpe hi sa a, nɛ a he jua peeɔ sika hiɔ yi akpe ɔ, lejɛ ɔ tsuo ma plɛ pee pú, kɛ mio tsohi sɔuu.

Yesaya 22:2

Ma a mi tsuo pee hoo kɛ ngmlaa kɛ gidigidi sɔuu. O nihi nɛ gbo nɛ ɔ, pi ta nya nɛ a nɔ ngɛ.

Yeremia 6:5

Nyɛɛ mia! Wa ma ya tua ma a nyɔ mi, nɛ wa maa ku mɔ ɔmɛ ngɛ ma a mi kɛ pue si.”

Yeremia 14:6

Nga mi gbe ɔmɛ ya kuɔɔ yoku kpataa amɛ nɛ a hii kɔɔhiɔ mi fue kaa bɔ nɛ ogbeteehi peeɔ ɔ, hluu kɛ ya siɔ a hɛngmɛhi a nɔ peeɔ tsuu, ejakaa niye ní be a dɛ.

Yeremia 33:4

Imi Yawɛ, Israel Mawu ɔ, i ngɛ dee ke a maa ku Yerusalem we ɔmɛ, kɛ Yuda matsɛ we ɔ ngɔ pue si. E he be se nami bae ha nyɛ kaa nyɛ maa je kpo nɛ nyɛɛ kɛ Babilonia bi ɔmɛ ya hwu ta ngɛ kpoku nɛ a fia kɛ bɔle ma a he. Ke nyɛ pee ja a, nyɛ ma ha nɛ nihi nɛ i kɛ abofu maa gbe ɔ a gbogboe ma hyi ma a mi tɔ. Ní yayamihi nɛ ma nɛ ɔ mi bi ɔmɛ pee he je ɔ, i kua ma a.

Yeremia 52:27

Babilonia matsɛ ɔ fia mɛ ní, nɛ e gbe mɛ ngɛ Ribla, ngɛ Hamat zugba a nɔ. Bɔ nɛ a pee kɛ ngɔ Yuda bi ɔmɛ nyɔguɛ kɛ je a zugba a nɔ ji nɛ ɔ nɛ.

Hosea 2:3

Ke pi ja a, ma kpa bo ngɛ e he, nɛ e he maa fɔ si paslapaa kaa bɔ nɛ a fɔ lɛ ɔ. Ma ha e maa pee kaa zugba gbigbli nɛ bɛ ní; nɛ nyu kuma maa gbe lɛ.

Zefania 2:7

Yuda wɛtso ɔ mi nihi bɔɔ nɛ a yi ma na wami ɔ, nyɛ zugba a nɔ lejɛ ɔ ji he nɛ a maa hi. A maa lɛ a lohwe ɔmɛ ngɛ lejɛ ɔ, nɛ a ma ya hwɔ we ɔmɛ a mi ngɛ Ashkelon. Yawɛ, a Mawu ɔ kɛ mɛ maa hi si, nɛ e ma ha nɛ a maa bɔ ekohu.

Zefania 2:15

Ma nɛ e mi bi woɔ a he nɔ, nɛ a fĩaa ngɔ fɔɔ mɛ nitsɛmɛ a he wami nɔ, nɛ a deɔ a he ke ma ko be nɛ kɛ mɛ sɔ ɔ, nɔ́ nɛ maa ba jamɛ a ma a nɔ ji nɛ ɔ nɛ. Nineve maa pee ma doku, nɛ pu mi lohwehi ma ba jɔɔ a he ngɛ lejɛ ɔ. Nɔ tsuaa nɔ nɛ ma ba be ngɛ lejɛ ɔ, ma huanya e yi, nɛ e ma de ke, “Tsia!”

Kronika II, 33:14

Ní nɛ ɔmɛ a se ɔ, Manase fia gbogbo enyɔne ɔ ngɛ David ma a we beleku je ɔ nɔ kɛ ya hiɔwe. E fia nɔ kɛ je kɔ̃ ɔ mi ngɛ Gihon pa a kasa nya ngɛ omleyi je kɛ ya si lo agbo ɔ nya, hluu kɛ ya bɔle ma a nɛ a tsɛɛ Ofel ɔ. Jehanɛ hu, e ngɔ tatsɛmɛ ngɔ to Yuda mahi nɛ a fia gbogbo ngɔ wo a he ɔ tsuo a mi.

Yesaya 3:26

Ma a agbo ɔmɛ a nya maa pee mɔbɔmɔbɔ kɛ ya; nɛ ma a nitsɛ lɛɛ e maa pee kaa yo nɛ hɛɛ e he gu kɛ hii si ngɛ zugba.

Mika 3:12

Lɔ ɔ he ɔ, nyɛ he ɔ, a maa pee Zion kaa ngmɔ nɛ a hu. Yerusalem maa pee ma doku, nɛ yo ɔ nɔ he nɛ Yawɛ we ɔ maa si ngɛ ɔ maa hɛ, nɛ e maa pee pú.