Yesaya 32:10 - BAIBLO ALOO NGMAMI KLƆUKLƆU Ɔ

¹⁰ Amlɔ nɛ ɔ, nyɛ ngɛ kpɔtɔɔ mi; se nyɛ na nyɛɛ le kaa jeha kake kɛ ligbi bɔɔ komɛ a se ɔ, nyɛ maa hao; ejakaa nyɛ be wai yiblii nae ma kpa hu.

Yesaya 32:10 ပူးပေါင်းရင်းမြစ်များ

Yeremia 8:13

“I ka kaa ma bua ye ma a nya kaa bɔ nɛ ngmɔ hulɔ buaa e ngmɔ niba ní nya a; se e hí peemi. Ye ma a ngɛ kaa wai tso nɛ wai yiblii be nɔ. A ngɛ kaa ngmɔkɔ tso nɛ ngmɔkɔ be nɔ; ba amɛ tete po ngla. Enɛ ɔ he je ɔ, i ha nɛ nibwɔhi ba ngɔ a zugba a.”

Yesaya 7:23

“Jamɛ a be ɔ, hehi tsuo nɛ wai tso akpe hi sa a, nɛ a he jua peeɔ sika hiɔ yi akpe ɔ, lejɛ ɔ tsuo ma plɛ pee pú, kɛ mio tsohi sɔuu.

Zefania 1:13

A maa ha a níhi, nɛ a we ɔmɛ maa pee we dokuhi. Wehi nɛ a ngɛ poe ɔ, a be a mi hie, nɛ wai ngmɔhi nɛ a ngɛ hue ɔ, a be a mi dã nue.”

Habakuk 3:17

Ke ngmɔkɔ tso gba we mɔmɔ, nɛ wai tso ɔmɛ wui yiblii, ke oliv nu bɛ, nɛ niye ní be ngmɔ ɔ nɔ, ke to ɔmɛ a hɛ mi kpata, nɛ na amɛ gbo ta tsu ɔ mi, ke ní nɛ ɔmɛ tsuo ba mi po,

Yoel 1:12

Wai tso ɔmɛ, ngmɔkɔ tso ɔmɛ, kɛ tã amɛ ylɔ; nɛ tso kpa amɛ tsuo gbli, nɛ a gbo. Ma a bua jɔmi ɔ se po.

Yoel 1:7

A kpata wa wai tso ɔmɛ a hɛ mi, nɛ a kpe wa ngmɔkɔ tso ɔmɛ. A kpe toto ɔ ngɛ tso ɔmɛ a he kɛ ya si tso kɔni ɔmɛ a he pee futaa.

Hosea 3:4

Kikɛ nɛ ɔ Israel bi hu maa hi si be babauu nɛ a be matsɛmɛ, loo hɛ mi nyɛɛli. Bɔ sami, kɛ tɛ titimahi a jami se maa po; nɛ amagahi, kɛ níhi nɛ a kɛ klaa a, ekoeko be si hie hu.

Hosea 2:12

E wai ngmɔ ɔmɛ, kɛ ngmɔkɔ ɔ nɛ e ke e pla amɛ lɛ a pee kɛ wo lɛ hiɔ ɔ; ee, ma kpata ní nɛ ɔmɛ tsuo a hɛ mi. Ngmɔ ɔ maa hɛ kaa hue, nɛ nga mi lohwehi maa ye e mi ní ɔ.

Yesaya 16:10

Jehanɛ lɛɛ nɔ ko nɔ ko bua jɔɛ e he ngɛ ngmɔhi nɛ baa ní saminya a a nɔ hu. Nɔ ko nɔ ko kpa we ngmlaa; nɔ ko nɔ ko la we ngɛ wai ngmɔ ɔmɛ a nɔ, nɛ nɔ ko nɔ ko ngɛ̃ wai kɛ ji wai yiblii mi hu. Lele hwɔmi ngɛ ngmɔ ɔmɛ a nɔ ɔ tsuo se po.

Yoel 1:5

Nyɛ dã deli, nyɛ hɛ nɛ tsɛ, nɛ nyɛɛ wo yana; nyɛ wai dɔkɔdɔkɔ nuli, nyɛ nya awe; ejakaa a je nɔ́ ngɛ nyɛ nya mi.