Yesaya 30:9 - BAIBLO ALOO NGMAMI KLƆUKLƆU Ɔ

⁹ Ejakaa ma atuã tsɔli ji mɛ; lakpatsɛmɛ, kɛ nihi nɛ bui Yawɛ mlaa a ji mɛ.

Yesaya 30:9 ပူးပေါင်းရင်းမြစ်များ

Yesaya 30:1

Yawɛ ke, “Musu tloo Yuda ma nimeli ɔmɛ, ejakaa a kua mi. A toɔ gahi, nɛ a peeɔ níhi ngɛ mɛ nitsɛmɛ a dɛ he. A kɛ nihi soɔ nɛ pi ye suɔmi nya. Bɔ nɛ a peeɔ kɛ tĩaa yayami ngɔ haa a he ji nɛ ɔ nɛ.

Kpojemi 21:8

Se fɔ̃li, nihi nɛ he we yi, nihi nɛ peeɔ níhi nɛ a hiee, nɔmlɔ gbeli, yaholi, nyuali, wɔ jali, kɛ lakpatsɛmɛ tsuo lɛɛ he nɛ fɔɔ si ha mɛ ji taku kɛ e mi la nɛ ngɛ tsoe gegeege ɔ. Lɔ ɔ ji gbenɔ enyɔne ɔ nɛ.”

Ni Tsumi 7:51

Stefano ya nɔ nɛ e de ke, “Nyɛ kuɛ wa kaa amaga jali, nɛ nyɛ tsui, kɛ nyɛ tue wa kaa nɔ́ ko! Nyɛ ngɛ kaa nyɛ nɛmɛ ɔmɛ pɛ! Nyɛ hu nyɛ kplɛɛ we nɛ Mumi Klɔuklɔu ɔ nɛ tsu nyɛ he ní.

Zefania 3:2

Yerusalem bui Yawɛ tue; e kplɛɛ we nɛ a kaa e hɛ mi. E ngɔɛ e hɛ kɛ fɔɛ Yawɛ nɔ, nɛ e hla we e Mawu ɔ se blɔ.

Yesaya 1:4

Musu tloo nyɛ, nyɛ ma nɛ yayami sɔuu nyɛ peeɔ; nyɛ puɛ kulaa kɛ yayami peemi! Nyɛ he yayami ɔmɛ pee tlomi ha nyɛ! Nyɛ kua Yawɛ, Israel Mawu klɔuklɔu ɔ, nɛ nyɛ je e he kɛ ho se ya.

Abɛ Womi 28:9

Nɔ nɛ sume kaa e yeɔ mlaa nɔ ɔ, ke e fa kue ha Mawu po, e bɔ musu.

Kpojemi 22:15

Se ni nɛ ɔmɛ lɛɛ a be mɛ blɔ hae nɛ a sɛ ma a mi: gbe ɔmɛ, nyuali ɔmɛ, nihi nɛ fiɛɔ yo kɛ nyumu yakayaka fiɛmi ɔ, nɔmlɔ gbeli ɔmɛ, amaga jali ɔmɛ, kɛ nihi nɛ suɔ lakpa yemi ɔ.

Hosea 4:2

Kita kami, lakpa yemi, muɔ si puemi, ju, kɛ gba puɛmi sɔuu ji a ní tsumi. Nɔ́ ko nɔ́ ko si we mɛ kpu, nɛ muɔ si kɛkɛ a ngɛ puee.

Yeremia 9:3

Daa nɛ ɔ, a duɔ a lilɛ nya ngɔ to kaa kɛ̃ɛ̃ nɛ a dɔ mi nɛ a ma tsɛ̃. Lakpa, kɛ sisimi sɔuu ji zugba a nɔ; anɔkuale be. Yawɛ ke, “Ye ma mi bi ɔmɛ peeɔ yayami nɔtonɔto; se imi lɛɛ a li mi kaa a Mawu.”

Yeremia 7:13

Nyɛ pee yayami nɛ ɔmɛ tsuo, nɛ i tu munyu kɛ tsɔɔ nyɛ nɔtonɔto, se nyɛ bui tue fɛɛ. Ke i tsɛ nyɛ hu nyɛ he we nɔ.

Yesaya 63:8

Yawɛ ke, “Imi nitsɛ ye ma ji mɛ; a be mi sisie.” Lɔ ɔ he ɔ, e ha a yi na wami

Yesaya 28:15

Nyɛ ngɛ fĩae ke nyɛɛ kɛ gbenɔ so, nɛ nyɛɛ kɛ gbeje pee kake. Nyɛ hɛ ngɛ nɔ kaa ke haomi ba a, e be nyɛ he sae kulaa; ejakaa nyɛ ngɔ nyɛ hɛ ngɔ fɔ lakpa, kɛ sisimi nɔ kaa nyɛ maa ye nyɛ he.

Yesaya 1:10

Yerusalem, nyɛ nɔ yeli ɔmɛ, kɛ nyɛ ma a mi bi ɔmɛ ngɛ kaa Sodom kɛ Gomora bi pɛ. Nyɛɛ bu nɔ́ nɛ Yawɛ ngɛ nyɛ dee ɔ tue saminya.

Kronika II, 33:10

Yawɛ bɔ Manase kɛ e ma a kɔkɔ, se a bui tue.

Mose V, 32:20

E de ke, ‘Jehanɛ, i be a he piɛe hu; ma hyɛ nɔ́ nɛ maa ba a nɔ; nihi nɛ a tue mi ti, nɛ a yi a siwo nɔ.

La 78:8

konɛ a ko ba wa tue, nɛ a ko ba tsɔ atuã kaa bɔ nɛ a nɛmɛ ɔmɛ pee ɔ. Mɛɛ a ngɔɛ a hɛ kɛ fɔɛ Mawu nɔ kɛ pi si; anɔkuale hu a yi lɛ bɔ nɛ sa.

Yesaya 1:2

Yawɛ ke, “Hiɔwe kɛ zugba, nyɛɛ bu nɔ́ nɛ i ngɛ dee ɔ tue! Jokuɛwi nɛ i tsɔse nɛ a wa a te si ngɔ si mi.

Yesaya 5:24

Lɔ ɔ he ɔ, Israel hɛ mi ma ba kpata pɛsɛpɛsɛ kaa bɔ nɛ la sãã hu kɛ nga gbigbli ɔ. Nɔ́ nɛ ɔ maa ba a nɔ, ejakaa a kua Yawɛ Tabohiatsɛ ɔ mlaa amɛ. A yi Israel Mawu klɔuklɔu ɔ mlaa amɛ a nɔ.

Yesaya 24:5

Ni ɔmɛ ble zugba a; nɛ a kɛ nɔ́ nɛ ɔ peemi tɔ Mawu mlaa amɛ a nɔ. A tsake blɔ nya tomi ɔmɛ, nɛ somi nɛ ngɛ daa a hu a yi nɔ.

Yesaya 65:2

Se ma a tsɛ we mi. Daa nɛ ɔ, i pee klaalo nɛ ma he ye ma a atuu; ma nɛ kplii a tsui, nɛ a peeɔ nɔ́ nɛ dɛ, kɛ mɛ nitsɛmɛ a suɔmi nya ní ji mɛ.

Yeremia 35:14

Mlaa nɛ Yonadab, Rekab bi ɔ wo e nina ke a ko nu wai ɔ, a ye nɔ. Nɛ kɛ ba si mwɔnɛ ɔ, a ti nɔ ko nɔ ko nui dã. Nyɛɛ lɛɛ kpamisa nɛ ɔ, i kɛ nyɛ ngɛ munyu tue, se nyɛ bui mi tue fɛɛ.

Ezekiel 24:3

Buu abɛ nɛ ɔ kɛ tsɔɔ ma tue gboli nɛ ɔmɛ; nɛ o de mɛ ke abɛ nɛ ɔ, imi Nyɔmtsɛ Yawɛ nitsɛ lɛ i ngɛ mɛ bue. Ngɔɔ buɛ ɔ kɛ ma la a nɔ; yɛɛ nyu kɛ wo buɛ ɔ mi.

La 81:12

Enɛ ɔ he je ɔ, i ngmɛɛ a je mi he ngɔ ha mɛ, konɛ a pee nɔ́ nɛ mɛ nitsɛmɛ a tsui suɔ.

Yesaya 10:5

Bɔ nɛ Yawɛ de ji nɛ ɔ nɛ: “Asiria, o ngɛ kaa to tsɔmi tso ko nɛ i kɛ gblaa nihi nɛ woɔ ye mi mi la a a tue.

Yesaya 10:6

I tsɔ Asiria bi ɔmɛ ke a ya tua ma ko nɛ li Mawu, ma nɛ wo ye mi mi la a. I tsɔ mɛ ke a ya ha ní, nɛ a kpɔ níhi pani nya; nɛ a naa ni ɔmɛ a nɔ kaa mɔsɔ ngɛ blɔ mi.”

Yesaya 48:4

Israel bi, i le kaa nyɛ kuɛ wa; e ngɛ kpakpataa kaa dade, nɛ nyɛ yi wu tso ngɛ kpɛkpɛtɛɛ kaa akɔblee.

Yeremia 7:28

De mɛ ke ma nɛ ɔ bui imi Yawɛ, a Mawu ɔ; a tue nɛ i gbla a hu a kase we ní kɛ ji mi. Anɔkuale laa pɛsɛpɛsɛ; munyu ‘anɔkuale’ ɔ po nɔ ko pa wui nɔ ta hu.