Yesaya 30:8 - BAIBLO ALOO NGMAMI KLƆUKLƆU Ɔ

⁸ Jehanɛ Mawu de mi ke ma ya ngma nɔ́ nɛ ɔ ngɛ tɛ tɛtlɛɛ nɔ ngɛ ma a hɛ mi. Ee, ma ngma kɛ wo womi mi, konɛ e pee odase nɛ maa hi si daa kɛ maa ya neneene.

Yesaya 30:8 ပူးပေါင်းရင်းမြစ်များ

Habakuk 2:2

Heto nɛ Yawɛ ha mi ji nɛ ɔ nɛ: “Ngmaa nina nɛ ma je ngɔ tsɔɔ mo nɛ ɔ saminya ngɛ tɛ tɛtlɛɛhi a nɔ, konɛ ke nɔ ko hɛngmɛ gba nɔ ɔ, e kanemi ko wa ha lɛ.

Yesaya 8:1

Jehanɛ, Yawɛ de mi ke, “Yaa hla nɔ́ nɛ a ngmaa ní ngɛ nɔ agbo ko, nɛ o ngma ní agbohi ngɛ nɔ. Ngmaa ke, ‘Puɛ ní esɔ; haa ní kɛ fo.’

Mose V, 31:22

Mose ngma la a, nɛ e tsɔɔ Israel ma a jamɛ a ligbi ɔ nɔuu.

Yeremia 51:60

I ngma amanehlu tsuo nɛ maa ba Babilonia nɔ, kɛ ní kpahi tsuo nɛ kɔɔ Babilonia he kɛ wo womi mi.

Yeremia 36:2

“Yaa hla womi kpo nɛ o ngma níhi tsuo nɛ i de mo nɛ kɔɔ Israel, Yuda, kɛ je ma amɛ tsuo a he ɔ kɛ wo mi. Ngmaa nɔ́ tsuaa nɔ́ nɛ i de mo kɛ je be nɛ i kɛ mo tu munyu kekleekle ngɛ matsɛ, Yosia yi nɔ kɛ ba si mwɔnɛ ligbi nɛ ɔ.

Mose V, 31:19

“Jehanɛ, ngmaa la nɛ ɔ, nɛ o tsɔɔ Israel ma a, konɛ e pee odase kɛ si mɛ.

Mose IV, 24:14

“Lɔ ɔ he ɔ, piɔ lɛɛ i kpale kɛ yaa imi nitsɛ ye ma mi. Se loko ma je ɔ, ma suɔ nɛ ma wo o tue nɔ ngɛ nɔ́ nɛ kikɛmɛ a ma nɛ ɔ maa pee mo nitsɛ o ma mi bi ɔmɛ hwɔɔ se ɔ he.”

Mose V, 4:30

Ke nyɛ ngɛ amanehlu mi, nɛ ní nɛ ɔmɛ tsuo ba nyɛ nɔ ɔ, lɔ ɔ loko nyɛ maa kpale kɛ ba Yawɛ, nyɛ Mawu ɔ ngɔ, nɛ nyɛ maa bu lɛ tue.

Yuda 1:18

A de ke, “Nyagbe be ɔ mi ɔ, nihi maa ba nɛ a maa ye nyɛ he fɛu; a maa pee ní yayamihi nɛ mɛ nitsɛmɛ a tsui suɔ.”

2 Petro 3:3

Kekleekle ɔ, nyɛ na nɛ nyɛɛ le kaa nyagbe ligbi ɔmɛ a mi ɔ, nɔ he fɛu yeli komɛ maa ba, nɛ nɔ́ nɛ a we akɔnɔ de mɛ ke a pee ɔ, lɔ ɔ a maa pee.

1 Timoteo 4:1

Mawu mumi ɔ deɔ paa ke, nyagbe ligbi ɔmɛ a mi ɔ, ni komɛ ma kua Kristo, nɔ nɛ a he ye ɔ, nɛ a ma ya nyɛɛ mumi yayamihi mohu a se; a maa bu lakpa munyuhi, kɛ tsɔɔmi yayamihi tue.

Hosea 3:5

Se pee se ɔ, Israel bi ɔmɛ maa kpale kɛ ba a ma a mi ekohu; a ma ba hla Yawɛ, a Mawu ɔ, kɛ David nɛ ji matsɛ ɔ nina se blɔ ekohu. Jamɛ a be ɔ, a maa ye Yawɛ gbeye, nɛ a ma na nike ní kpakpahi kɛ je e dɛ mi.

Ezekiel 38:16

O ma ba tua ye ma Israel ɔ kaa ahumi nɛ ngɛ fiae huu kɛ nyɛɛ zugba a nɔ tsuo. Ke be ɔ su ɔ, ma ha o ma ba tua ye zugba a nɔ bi ɔmɛ, bɔ nɛ pee nɛ je ma amɛ nɛ a na nɔ nɛ i ji, konɛ kɛ gu nɔ́ nɛ ma pee nɛ ɔ nɔ ɔ, a na kaa nɔ klɔuklɔu ji mi.

Yeremia 48:47

Se be ma nɛ Yawɛ ma ha nɛ Moab maa bɔ ekohu. Nɔ́ nɛ Yawɛ de to ke e maa ba Moab nɔ ɔ, lɔ ɔ ji nɛ ɔ nɛ.

Yeremia 23:20

Yawɛ mi mi fumi nɛ nya wa wawɛɛ nɛ ɔ se be poe kɛ yaa si e maa pee nɔ́ tsuaa nɔ́ nɛ e to ke e maa pee ɔ kɛ gbe nya. Be komɛ a se loko e ma a maa nu nɔ́ nɛ ɔ sisi saminya.”

Yesaya 2:2

Hwɔɔ se ko ɔ, Yawɛ we ɔ maa ma yo gagaa ko yi mi; yo nɛ ya hiɔwe gojoo pe yo ɔmɛ tsuo yi mi e maa ma. Je ma amɛ tsuo ma bu yuu kɛ ba e he,

Mose V, 31:29

I le paa kaa ye gbenɔ se ɔ, nyɛ ma puɛ nyɛ he kulaa, nɛ nyɛ maa je blɔ nɛ i tsɔɔ nyɛ ɔ nɔ. Lɔ ɔ he ɔ, e be kɛe nɛ nyɛ maa na amanehlu; ejakaa nyɛ maa pee yayami kɛ si Yawɛ. Nyɛ ní peepee maa wo e mi mi la.”

Yesaya 34:16

Nyɛ hla ngɛ Yawɛ womi ɔ mi nɛ nyɛɛ kane. Nyɛ maa na kaa nibɔ ní nɛ ɔmɛ a ti ekoeko be laae, nɛ e he piɛlɔ be lɛ bɔe. Yawɛ lɛ fa, nɛ e mumi ɔ ha e ba mi ja.

Yeremia 30:2

de mi ke, “Ngmaa munyuhi nɛ i kɛ mo tu ɔ tsuo kɛ wo womi mi,

Yeremia 36:4

Kɛkɛ nɛ i tsɛ Baruk, Neria bi ɔ, nɛ munyuhi tsuo nɛ Yawɛ kɛ mi tu ɔ, i tsɛ ha lɛ, nɛ e ngma kɛ wo womi kpo ko mi.