Yesaya 30:6 - BAIBLO ALOO NGMAMI KLƆUKLƆU Ɔ

⁶ Mawu sɛ gbi nɛ ɔ kɔɔ lohwe nane eywiɛɛywiɛtsɛmɛ nɛ ngɛ leneyi je nga kplanaa a nɔ ɔ a he. “Ma tsɔli ɔmɛ nyɛɛ kɛ ya gu zugba nɛ nɔ ngɛ gbeyegbeye ɔ nɔ. Jatahi, sinɔ duɔtsɛmɛ, kɛ nyakahi nɛ tee ngɛ lejɛ ɔ. A ngɔ nike níhi nɛ a he jua wa ngɔ pue tejihi, kɛ yomahi a nɔ ya ke ma ko nɛ be nyɛe maa piɛ a he.

Yesaya 30:6 ပူးပေါင်းရင်းမြစ်များ

Mose V, 8:15

Lɛ ji nɔ nɛ kpaka nyɛ kɛ gu nga kplanaa gbajaa nɛ nɔ ngɛ gbeye ɔ nɔ ɔ nɛ. Lejɛ ɔ nɛ a naa sinɔhi nɛ a duɔ nya wa, kɛ nyingmogblakotohi ngɛ ɔ nɛ. Jehanɛ, ngɛ nga kplanaa a nɔ he nɛ nyu be ɔ, e je nyu kɛ je tslɛbo tɛ sa mi ha nyɛ.

Yeremia 11:4

Benɛ i jé a nɛmɛ ɔmɛ kɛ je Egipt ɔ, somi nɛ i kɛ mɛ so ji nɛ ɔ nɛ. Egipt zugba a ngɛ kaa flɔɔnɔɔ kɛ e mi la nɛ ngɛ tsoe gegeege. I wo mɛ mlaa ke a bu mi tue, nɛ nɔ́ tsuaa nɔ́ nɛ i de mɛ ke a pee ɔ, a pee. I de mɛ ke, ke a bu mi tue ɔ, a maa pee ye ma, nɛ imi hu ma pee a Mawu.

Matsɛmɛ I, 10:2

Benɛ e ma a, nihi babauu nitsɛ nyɛɛ e se kɛ ba. E kɛ afukpɔngɔhi nɛ a wo a se mi ní babauu hu ba. Ní ɔmɛ ji tsopa kɛ e he via, sika tsu, kɛ tɛ nɛ he jua wa. Benɛ manyɛ ɔ ba na Salomo ɔ, e bi Salomo munyuhi tsuo nɛ ngɛ e yi mi,

Mose V, 4:20

Se nyɛɛ lɛɛ, Yawɛ kpɔ̃ nyɛ kɛ je Egipt yi mi wami wawɛɛ ɔ sisi. E je nyɛ konɛ e pee nyɛ lɛ nitsɛ e ma kulaa, kaa bɔ nɛ nyɛ ji mwɔnɛ nɛ ɔ.

Mateo 12:42

Kojomi ligbi ɔ, Sheba manyɛ ɔ maa te si nɛ e maa po nyɛ nya; ejakaa e hia blɔ kɛ je e ma mi tɔɔ kɛ ba bu Matsɛ Salomo nile munyuhi tue. Se i ngɛ nyɛ dee ke nɔ́ ko ngɛ hiɛ ɔ nɛ pe Salomo!

Hosea 12:1

“Daa nyɔ kɛ pia a, yi wu tso níhi, kɛ níhi nɛ a he be se nami sɔuu Israel ma a ngɛ pee. A sisiɔ nɔ, nɛ a pueɔ muɔ si. A kɛ Asiria ngɛ huɛ bɔe, nɛ Egipt lɛɛ a kɛ lɛ yeɔ nu jua.”

Yeremia 2:6

A bi we ke, ‘Jije Yawɛ ngɛ?’ Pohu, imi lɛ i je mɛ kɛ je Egipt zugba a nɔ; imi lɛ i kpaka mɛ kɛ gu nga kplanaa a nɔ, zugba kɛ e mi muɔhi kɛ e mi diblii kpii, zugba nɛ nyu be nɔ, nɛ nɔmlɔ adesa ko be nɔ, nɛ nɔ ko hu gui nɔ.

Yesaya 57:9

Nyɛ ngɔɔ nu, kɛ nu kɛ e he via fuu kɛ hiaa blɔ kɛ ya jaa mawu ɔ nɛ a tsɛɛ Molek ɔ. Bɔ nɛ pee nɛ nyɛ na mawu kpahi nɛ nyɛ ja a, nyɛ tsɔɔ nihi kɛ yaa ma se tsitsaa lokoo, kɛ yaa gbeje tete po.

Yesaya 19:4

Ma ngɔ Egipt bi ɔmɛ ngɔ wo matsɛ yiwutsotsɛ ko dɛ mi; e maa ye a nɔ, nɛ a ma tsu ní kpakpataa ha lɛ. Imi, Nyɔmtsɛ Yawɛ Tabohiatsɛ ɔ lɛ i de.”

Yesaya 15:7

Lɔ ɔ he ɔ, ni ɔmɛ ngɔ a weto ní tsuo kɛ tu fo kɛ gu Pamploo kɔ̃ ɔ mi kɛ ho kɔ̃ ɔ se ya.

Yesaya 8:22

aloo a ma kɔkɔ a yi si kɛ hyɛ zugba mi gaa, se a be nɔ́ ko nɔ́ ko nae kaa ja haomi kɛ diblii kpii nɛ woɔ nɔ he gbeye nɛ a ngɛ mɛ fiee kɛ ngɛ mi woe.

Kronika II, 16:2

Enɛ ɔ he je ɔ, Matsɛ Asa ya muɔ sika hiɔ, kɛ sika tsu kɛ je Yawɛ we ɔ nito he ɔ, kɛ matsɛ we ɔ nito he ɔ. E tsɔ e tsɔli ɔmɛ ekomɛ Damasko nɛ a kɛ ní ɔmɛ ya ha Siria matsɛ, Benhadad. Sɛ gbi nɛ piɛ he ji nɛ ɔ nɛ:

Kronika II, 9:1

Sheba manyɛ ɔ ba nu Salomo he sane, nɛ e hia blɔ kɛ ba Yerusalem, konɛ e ba ka lɛ kɛ sane bimihi nɛ a he wa. Benɛ e ma a, nihi babauu nitsɛ nyɛɛ e se kɛ ba. E kɛ afukpɔngɔhi nɛ a wo a se mi ní babauu hu ba. Ní nɛ ɔmɛ ji tsopa kɛ e he via, sika tsu, kɛ tɛ nɛ he jua wa. Benɛ manyɛ ɔ kɛ Salomo ba bua a, e bi Salomo munyuhi tsuo nɛ ngɛ e yi mi.

Mose V, 17:16

Matsɛ ɔ ko hi ta okpɔngɔhi babauu; nɛ e ko tsɔ kɛ ya he okpɔngɔhi ngɛ Egipt; ejakaa Yawɛ de ke e ma a ko kpale kɛ ya lejɛ ɔ gblegbleegble.

Mose II, 1:14

A hɛɛ zu, a peeɔ bliikisi, nɛ a tsuɔ ngmɔ ní tsumi slɔɔtohi; nɛ ní tsumi ɔ eko tsuaa eko mi ɔ, a waa mɛ yi mi wawɛɛ.

Mose I, 12:9

Pee se ɔ, Abram je lejɛ ɔ, nɛ e tsa e blɔ hiami ɔ nɔ kɛ gu Kanaan leneyi blɔ. Ke e nyɛɛ bɔɔ e to si bɔɔ.

Mose IV, 21:8

nɛ Yawɛ de Mose ke, “Moo pee akɔblee sinɔ nɛ o ngɔ kɛ kpla tso he. Nɔ tsuaa nɔ nɛ sinɔ maa kɔ lɛ, nɛ e maa hyɛ akɔblee sinɔ nɛ ɔ, e yi ma na wami.”

Yesaya 5:30

Jamɛ a ligbi ɔ, a ma hwɔ hoo kɛ wo Israel kaa wo nɛ gli. Ke nɔ ko hyɛ zugba a nɔ ɔ, e maa na kaa e nɔ wo diblii. E pee gbeye kɛ aywilɛho. E nɔ wo diblii kpii; la ko be.

Yesaya 14:29

Filistia bi, nyɛ bua ko jɔ kulaa kaa tso nɛ a kɛ fiaa nyɛ ɔ mi ku. Ke sinɔ kake gbo ɔ, ekpa nɛ e duɔ nya wa pe kekle nɔ́ ɔ ba yeɔ e nane mi. Sinɔ hlui ko ma pɛ, nɛ sinɔ pɛlitsɛ maa je mi.

Yesaya 35:9

Jata ko be lejɛ ɔ hie, lohwe awi yelɔ ko hu be jamɛ a blɔ ɔ nɔ nyɛɛe. Nihi nɛ Yawɛ he a yi wami ɔ, mɛ a maa nyɛɛ jamɛ a blɔ ɔ nɔ.

Ezekiel 20:46

“Nɔmlɔ adesa, plɛ o hɛ mi kɛ kpee leneyi je, nɛ o fiɛ kɛ si lejɛ ɔ. Gbaa kɛ si hue nɛ ngɛ leneyi je zugba a nɔ ɔ.

Mika 6:14

Nyɛ maa ye ní, se nyɛ be tɔe; anɔkuale mi ɔ, hwɔ maa hi nyɛ yee kɛ sa. Nyɛ maa muɔ níhi kɛ ya, se nyɛ be nyɛe kɛ to; ke nyɛɛ kɛ nɔ́ ko to po, ma kpata hɛ mi ngɛ ta mi.

Zakaria 9:9

Zion, nyá oo, nyá! Yerusalem, mo he ose! Hyɛ, o matsɛ ɔ ma! E ma kɛ agbo jemi kɛ kunimi yemi. E ba e he si, nɛ e hi teji okpɔngɔ nɔ; ee, e hi teji okpɔngɔ bi nɔ.

Hiob 39:11

Anɛ o maa ngɔ o hɛ ngɔ fɔ e he wami ɔ nɔ, konɛ e tsu o ní tsumi kpakpataa a ha mo lo?

Hosea 12:2

Yawɛ kɛ Yuda ma a ná. E maa gbla Israel ma a hu tue ngɛ a je mi bami he. A he yayami ɔmɛ a he ɔ, e maa gbla a tue.

Zakaria 6:6

Ta zugba lɛ ɔ nɛ okpɔngɔ yumu ɔmɛ ngɛ gblae ɔ yaa omleyi je, nɛ ta zugba lɛ nɛ okpɔngɔ hiɔ ɔmɛ ngɛ gblae ɔ yaa bonyoku je, nɛ nɔ́ nɛ okpɔngɔ huatahuata amɛ ngɛ gblae ɔ yaa zugba nɛ ngɛ leneyi je ɔ nɔ.