Yesaya 30:3 - BAIBLO ALOO NGMAMI KLƆUKLƆU Ɔ

³ Se yemi kɛ buami nɛ nyɛ ya biɔ ngɛ Egipt matsɛ ɔ dɛ mi ɔ ma plɛ pee zo, kɛ hɛ mi si puemi mohu ha nyɛ.

Yesaya 30:3 ပူးပေါင်းရင်းမြစ်များ

Yesaya 20:5

Nihi nɛ ngɔ a hɛ ngɔ fɔ Sudan nɔ, nɛ a fĩa fɔ Egipt nɔ ɔ, a hɛ mi maa pee mɛ yaa, nɛ a hɛ kɛ nɔ fɔmi tsuo maa ta.

Romabi 10:11

Ngmami ɔ deɔ ke, “Nɔ tsuaa nɔ nɛ heɔ yeɔ ɔ, zo be lɛ gbee.”

Romabi 5:5

Hɛ kɛ nɔ fɔmi nɛ ɔ ha we nɛ zo gbeɔ wɔ, ejakaa kɛ gu Mumi klɔuklɔu ɔ nɛ Mawu ha wɔ ɔ nɔ ɔ, Mawu ha wa tsui hyi tɔ kɛ e suɔmi ɔ.

Yesaya 36:6

Tse o ngɛ blɔ hyɛe kaa Egipt ma ba piɛ o he? O ngɛ kaa nɔ ko nɛ e kɛ gla pee dɛma tso; gla a maa ku nɛ e maa gbɔ o dɛ mi. Egipt matsɛ ɔ ngɛ kaa gla. E gbɔɔ nɔ tsuaa nɔ nɛ ngɔɔ e he kɛ kpasaa lɛ.”

Matsɛmɛ II, 18:21

Ke o ngɛ blɔ hyɛe kaa Egipt ma ba piɛ o he ɔ, o ngɛ kaa nɔ ko nɛ e kɛ gla pee e dɛma tso; gla a maa ku nɛ e maa gbɔ e dɛ mi. Kikɛ nɛ ɔ Egipt matsɛ ɔ ngɛ, nɛ nɔ tsuaa nɔ nɛ ngɔɔ e hɛ ngɔ fɔɔ e nɔ ɔ, nɔ́ nɛ baa e nɔ ji nɛ ɔ nɛ.”

La 108:12

Piɛ wa he, konɛ waa kɛ he nyɛlɔ ɔ nɛ to ní. Ejakaa nɔmlɔ adesa he wami pi nɔ́ ko!

Yesaya 20:6

Ke jamɛ a be ɔ su ɔ, nihi nɛ ngɛ Filistia wo ɔ nya a ma de ke, ‘Nihi nɛ wa ngɔ wa hɛ kɛ fɔ a nɔ kaa a ma je wɔ kɛ je Asiria matsɛ ɔ dɛ mi ɔ, hyɛ nɔ́ nɛ ba! Wɔɔ lɛɛ kɛ wa maa pee kɛɛ nɛ wa yi ma na wami?’ ”

Yeremia 2:36

Nyɛɛ hyɛ bɔ nɛ nyɛ nane nya ngɛ sɔe kɛ ngɛ yae kɛ ngɛ bae, nɛ nyɛ ngɛ yemi kɛ buami hlae ngɛ je ma amɛ a ngɔ! Nyɛ hɛ mi ma pue si ngɛ Egipt kaa bɔ nɛ nyɛ hɛ mi pue si be ko ngɛ Asiria a.

Yeremia 42:18

“Yawɛ Tabohiatsɛ, Israel Mawu ɔ ke, ‘Bɔ nɛ i ngɔ ye mi mi la nɛ nya wa a kɛ kple Yerusalem ma mi bi ɔmɛ a nɔ ɔ, ja pɛ ma pee nyɛ ke nyɛ je kɛ ho Egipt ya. Nyɛ ma plɛ pee kita kami nɔ́, gbeye nɔ́, gbiɛmi nɔ́, kɛ ahlua nɔ́. Nyɛ be hiɛmɛ nɛ ɔ nae hu.’ ”

Yeremia 42:22

Lɔ ɔ he ɔ, jehanɛ lɛɛ nyɛ ná nɛ nyɛɛ le klɛdɛɛ kaa he nɛ nyɛ suɔ kaa nyɛ ma ya hi ɔ, nyɛ ma ya gbo ngɛ lejɛ ɔ. Ke nyɛ ya nɔɛ ta a, lɛɛ mi mi hwɔ, loo gbenɔ hiɔ maa gbe nyɛ ngɛ lejɛ ɔ.”

Hosea 10:6

Niinɛ, amaga a nitsɛ lɛɛ a maa ngɔ kɛ ya Asiria kɛ ya ke matsɛ ngua a. Israel bi a hɛ mi ma pue si, nɛ zo maa gbe mɛ saminya ngɛ amaga nɛ a puɛ ɔ he.

Abɛ Womi 25:19

Ke hɛdɔ ba, nɛ o ngɔ o hɛ kɛ fɔ nɔmlɔ yayami nɔ ɔ, e ngɛ kaa nɔ́ nɛ o kɛ lungu yaya ngɛ nɔ́ tae, loo o kɛ nane nɛ tɔ̃ ngɛ nyɛɛe.

Yeremia 46:25

Yawɛ Tabohiatsɛ, Israel Mawu ɔ ke, “Ma gbla Amon, Tebes mawu ɔ, kɛ Egipt mawu kpa amɛ tsuo a tue. Farao ɔ, kɛ nihi tsuo nɛ ngɔɔ a hɛ kɛ fɔɔ e nɔ ɔ, mɛ hu ma gbla a tue.

Ezekiel 29:7

Benɛ a pɛtɛ he ɔ, e ku, nɛ e plaa a konɔ tsuo. A ke a ma kpasa lɛ ɔ, e ku nɛ e ha a nanehi hluã.