Yesaya 30:2 - BAIBLO ALOO NGMAMI KLƆUKLƆU Ɔ

² A yaa Egipt nɛ a ya biɔ yemi kɛ buami kɛ jeɔ Egipt matsɛ ɔ dɛ mi, be nɛ imi lɛɛ a bi we mi ga womi.

Yesaya 30:2 ပူးပေါင်းရင်းမြစ်များ

Yesaya 36:6

Tse o ngɛ blɔ hyɛe kaa Egipt ma ba piɛ o he? O ngɛ kaa nɔ ko nɛ e kɛ gla pee dɛma tso; gla a maa ku nɛ e maa gbɔ o dɛ mi. Egipt matsɛ ɔ ngɛ kaa gla. E gbɔɔ nɔ tsuaa nɔ nɛ ngɔɔ e he kɛ kpasaa lɛ.”

Yeremia 43:7

A bui Yawɛ munyu ɔ tue, nɛ a je kɛ ho Egipt zugba a nɔ ya, kɛ ya su Tapanhes tɔɔ.

Mose IV, 27:21

É ba e he si ha osɔfo Eleazar, konɛ osɔfo Eleazar hu nɛ ngɔ Urim kɛ Tumim kɛ bi Yawɛ ga womi ha lɛ. Nɔ́ tsuaa nɔ́ nɛ Yawɛ ma de Eleazar a, lɔ ɔ Yoshua, kɛ Israel ma kpekpemi ɔ tsuo maa pee.”

Kɔmɔ Yemi 4:20

Wa matsɛ ɔ nɛ Yawɛ nitsɛ hla lɛ, nɛ woɔ wɔ he wami, nɛ wa ngɔ wa hɛ kɛ fɔ e nɔ kaa e ma ba kpɔ wɔ kɛ je he nyɛli ɔmɛ a dɛ mi ɔ sɛ a kpa mi, nɛ a nu lɛ.

Yeremia 42:20

kaa blɔ nɛ nyɛ hia a, blɔ ɔ dɛ, nɛ tue gblami nɛ maa nyɛɛ se ɔ, nyɛɛ kɛ nyɛ wami ma he. Nyɛ de mi ke ma kpa Yawɛ, wa Mawu ɔ pɛɛ ha nyɛ, nɛ nyɛ wo si ke nɔ́ tsuaa nɔ́ nɛ Yawɛ ma fa nyɛ ke nyɛɛ pee ɔ, nyɛ maa pee.

Yeremia 42:2

ba, nɛ a ba de mi ke, “Wa kpa mo pɛɛ nɛ o pee nɔ́ nɛ wa ma bi mo ɔ ha wɔ! Kpa Yawɛ, wa Mawu ɔ pɛɛ ha waa kɛ nihi tsuo nɛ a yi na wami ɔ. Be ko ɔ, wa he hiɛ babauu, se piɔ lɛɛ wɔ nihi bɔɔ pɛ lɛ piɛ, kaa bɔ nɛ mo nitsɛ o ngɛ hyɛe ɔ.

Yeremia 37:5

Jamɛ a be ɔ nɔuu ɔ, Babilonia tabo ɔ ba sa Yerusalem ma a yi momo. Se benɛ a nu kaa Farao ɔ tabo ɔ je Egipt kɛ ma a, a gbee senyasenya kɛ je Yerusalem.

Yeremia 21:2

“Babilonia matsɛ, Nebukadnezar ba tua wɔ. Lɔ ɔ he ɔ, i kpa mo pɛɛ nɛ o bi Yawɛ ga womi ha wɔ kaa alini Yawɛ ma tsu nyakpɛ ni ha wɔ, nɛ e ma ha nɛ Nebukadnezar maa kpale e se lo.”

Yesaya 36:9

O ngɛ blɔ hyɛe nɛ Egipt ba ha mo ta zugba lɛhi kɛ okpɔngɔ ta buli, be mi nɛ ye nyɔmtsɛ ɔ we asafoatsɛ nyafii pe kulaa a po o be lɛ nyɛe.

Yesaya 18:1

Zugba ko ngɛ Sudan pa amɛ a se kɛ e nɔ abalaa lɛhi babauu.

Yesaya 16:3

A de Yuda bi ɔmɛ ke, “Wa ngɛ nyɛ dɛ mi; nyɛɛ wo wɔ ga koo. Wa maa hi nyɛ ngɔ nɛ nyɛɛ baa wa yi kaa bɔ nɛ tso woɔ hɔ kudɔɔ ngɛ e sisi piani katakata a. Pe a fie wɔ, lɔ ɔ he ɔ, nyɛɛ ngɔ wɔ ngɔ to; nyɛ ko tsɔɔ wa se blɔ.

Matsɛmɛ II, 17:4

Jeha ko mi ɔ, Hoshea tsu we tó kɛ ha Asiria matsɛ ɔ kaa bɔ nɛ e peeɔ daa jeha a; mohu ɔ, e tsɔ ya bi yemi kɛ buami ngɛ Egipt matsɛ, So ngɔ. Asiria matsɛ ɔ ngɔ nɔ́ nɛ ɔ kaa atuã tsɔmi, nɛ e nu Hoshea ngɔ wo tsu.

Matsɛmɛ I, 22:7

Se Yehoshafat bi ke, “Anɛ gbalɔ kpa ko be hiɛmɛ nɛ ɔ nɛ wa ma bi lɛ Yawɛ ga womi lo?”

Manyadali 9:15

Mio tso de tso ɔmɛ ke, ‘Ke nyɛ maa pɔ mi nu nɛ nyɛ maa wo mi tsɛ ngɛ nyɛ nɔ niinɛ ɔ, lɛɛ nyɛɛ ba nɛ nyɛ ba sa we ngɛ ye hɔ̃ mi. Se ke pi ja ji nɔ́ ɔ, lɛɛ la nɛ je mio tso ɔ mi nɛ e ya sã Lebanon seda tso ɔmɛ!’

Yoshua 9:14

Israel bi ɔmɛ bi we Yawɛ ga womi kulaa, kɛkɛ nɛ a he ni ɔmɛ a dɛ mi niye ní ɔ.

Mose V, 28:68

E ngɛ mi kaa Yawɛ de ke nyɛ be kpalee kɛ ya Egipt gblegbleegble lɛɛ, se e maa wo nyɛ lɛ, nɛ e maa kpale nyɛ kɛ ya lejɛ ɔ. Nyɛ ma hla kaa nyɛ maa jua nyɛ he kaa nyɔguɛ ha nyɛ he nyɛli ɔmɛ ngɛ lejɛ ɔ, se a be nɔ ko nae nɛ ma he nyɛ.”

Matsɛmɛ II, 18:21

Ke o ngɛ blɔ hyɛe kaa Egipt ma ba piɛ o he ɔ, o ngɛ kaa nɔ ko nɛ e kɛ gla pee e dɛma tso; gla a maa ku nɛ e maa gbɔ e dɛ mi. Kikɛ nɛ ɔ Egipt matsɛ ɔ ngɛ, nɛ nɔ tsuaa nɔ nɛ ngɔɔ e hɛ ngɔ fɔɔ e nɔ ɔ, nɔ́ nɛ baa e nɔ ji nɛ ɔ nɛ.”

Yesaya 8:19

Se ni komɛ de nyɛ ke nyɛ ya bi ní ngɛ klaali, kɛ ní peeli nɛ kpaa nyagba, nɛ a tuɔ gugwɔ mi gbi ɔ a ngɔ. A ma de ke, “E pee we nɔ́ ko; e sa kaa a ya bi ní ngɛ mumihi a ngɔ, nɛ a nu nɔ́ ko nɛ kɔɔ hɛ ngmengmletsɛmɛ a he kɛ je kpadehi a ngɔ.”

Yeremia 2:18

Mɛni o susu kaa o ma na ngɛ Egipt loko o ya lejɛ ɔ? Nɛ́ o ya nu Nilo pa a mi nyu, pi ja lo? Mɛni o susu kaa o ma na ngɛ Asiria loko o ya lejɛ ɔ? Nɛ́ o ya nu Yufrate pa a mi nyu, pi ja lo?

Hosea 7:13

“Musu tloo mɛ! Ma kpata a hɛ mi; ejakaa a tsɔ ye hɛ mi atuã, nɛ a je ye se. I hla kaa ma he a yi wami; se a ja we mi anɔkuale mi.

Hosea 8:9

Israel ma a tue wa kaa nga mi teji nɛ ngɛ si kpae. A ho ya bi Asiria bi yemi kɛ buami, nɛ a ya bɔ ma kpahi hu apaa ke a ba piɛ a he.

Hosea 8:10

A ya bɔ ma kpahi apaa ke a ba piɛ a he lɛɛ, se e be kɛe kulaa nɛ ma gbla a tue. Be kuku pɛ a be matsɛmɛ woe hu, nɛ a be ma nimeli hu hlae.