Yesaya 30:16 - BAIBLO ALOO NGMAMI KLƆUKLƆU Ɔ

¹⁶ Mohu, nyɛ to nyɛ yi mi kaa nyɛ maa hi okpɔngɔhi nɛ a he sɔɔ a nɔ kɛ tu fo kɛ je nyɛ he nyɛli ɔmɛ a he. Nɛ nyɛ nɔ́ da niinɛ; e sa kaa nyɛɛ tu fo kɛ je nyɛ he nyɛli a dɛ mi! Nyɛ susu kaa nyɛ we okpɔngɔ ɔmɛ a he sɔɔ saminya, se nihi nɛ nyɛɛ nyɛ se ɔ, a he sɔɔ kulaa pe nyɛ!

Yesaya 30:16 ပူးပေါင်းရင်းမြစ်များ

Yesaya 31:1

Musu tloo nihi nɛ yaa Egipt ya biɔ yemi kɛ buami ngɛ lejɛ ɔ. Musu tloo mɛ, ejakaa a ngɔɔ a hɛ kɛ fɔɔ Egipt ta zugba lɛhi, kɛ okpɔngɔ ta buli a nɔ; ejakaa a hiɛ babauu, nɛ a he wa hulɔ. Se a ngɔɛ a hɛ kɛ fɔ we Yawɛ, Israel Mawu klɔuklɔu ɔ mohu nɔ; ga womi hu a bi we lɛ.

Yesaya 31:3

Egipt bi ɔmɛ ɔ, nimli adesahi kɛkɛ ji mɛ; tsa pi Mawu ji mɛ. A we okpɔngɔ ɔmɛ ɔ, lohwehi kɛkɛ ji mɛ, tsa pi Mawu mumi nɛ ngɛ a mi. Ke Yawɛ gba ta a, je ma ko je ma ko be nya nyɛe maa da; je ma nɛ he wa jio, je ma nɛ a ya je ngmlaa ha lɛ jio, mɛ tsuo a hɛ mi ma kpata.

Habakuk 1:8

“A we okpɔngɔ ɔmɛ a he sɔɔ pe ngatsɛhi, nɛ a hɛ mi ngɛ klamaklama pe ogbeteehi nɛ hwɔ ngɛ mɛ yee. A we okpɔngɔ nɔ hili ɔmɛ jeɔ ma se lokoo kɛ baa, nɛ okpɔngɔ ɔmɛ a nane hii si sie glɛi glɛi glɛi! A ba yuɔ nɔ nɔ kaa bɔ nɛ kɔlehi peeɔ kɛ saa lohwehi nɛ a ya yeɔ ɔ.

Mika 1:13

Nyɛ Lakish bi, nyɛɛ fi nyɛ okpɔngɔ ɔmɛ kɛ wo ta zugba lɛ ɔmɛ a he esɔesɔ. Nyɛ ji Yuda ma nɛ ya wo Israel nane kɛ pee yayami, nɛ nyɛ ha nɛ Yerusalem ba pee yayami.

Amos 9:1

I na Yawɛ nɛ daa si ngɛ bɔ sami la tɛ ɔ hɛ mi. E fa ke, “Nyɛɛ ngɔ nɔ́ kɛ fia titima amɛ nɛ ngɛ Yawɛ we ɔ mi ɔ a yi mi kpɔ ɔmɛ a nɔ wawɛɛ, konɛ tsu ɔ sisi tomi ɔ nɛ mimiɛ, nɛ tsu ɔ nɛ hule ngɔ pue ni ɔmɛ tsuo nɛ ngɛ lejɛ ɔ a nɔ. Ni nɛmɛ nɛ maa piɛ ɔ, ma gbe mɛ ngɛ ta nga nɔ; nɔ ko nɔ ko be fo tue kɛ je, nɛ nɔ kake ngmelu po he be mi jee.

Kɔmɔ Yemi 4:19

He nyɛli ɔmɛ nyɛɛ wa se kɛ fo. A he sɔɔ pe kɔlehi ngɛ kɔɔhiɔ mi. A nyɛɛ wa se kɛ gu yo ɔmɛ a nɔ, nɛ a wo wɔ ka ngɛ nga kplanaa a nɔ.

Yeremia 52:7

a hule gbogbo ɔ nɛ a fia kɛ wo ma a he ɔ. Jamɛ a be ɔ mi ɔ, Babilonia bi ɔmɛ bɔle ma a kɛ kpe mohu, se matsɛ ɔ, kɛ ta buli ɔmɛ tsuo tu fo nyɔ ɔ mi. A gu matsɛ abɔɔ ɔ mi kɛ ya be ngɛ agbo ɔ nɛ ngɛ gbogbo enyɔ ɔmɛ a kpɛti ɔ mi, nɛ a ngɔ a yi ngɔ ka Yordan kɔ̃ ɔ mi blɔ.

Yeremia 4:13

Hyɛ, he nyɛli ɔmɛ ngɛ fo nɔ kɛ ma kaa bɔku. A ta zugba lɛ ɔmɛ hia kɛ ma kaa lasiogblee, nɛ a we okpɔngɔ ɔmɛ a he sɔɔ kulaa pe kɔlehi. Akuanyɛ! Wa yi ta pɛ!

La 147:10

Okpɔngɔ nɛ he wa tete po e bui; fo tulɔ kpanaa hu pi nɔ́ ko kulaa ngɛ e hɛ mi.

La 33:17

Ke o ngɔ o hɛ ngɔ fɔ ta okpɔngɔ nɔ ɔ, e maa pee yaka. Ta okpɔngɔ kɛ e he wami babauu ɔ be nyɛe ma he o yi wami.

Mose V, 28:49

Yawɛ ma ha je ma ko nɛ nyɛ nui a gbi maa je zugba a nyagbe he ɔmɛ nɛ a kɛ nyɛ ba hwu. A ma ba tua nyɛ tlukaa kaa bɔ nɛ kɔle gblɔɔ nɔ́ ɔ.

Mose V, 28:25

“Yawɛ ma ha nyɛ he nyɛli ɔmɛ maa ye nyɛ nɔ. Nyɛ maa gu he kake kɛ ya tua mɛ, se a maa gbɛ nyɛ ngɔ fĩa basaa, nɛ zugba a nɔ matsɛ yemi ɔmɛ tsuo maa ye gbeye ngɛ nɔ́ nɛ ba nyɛ nɔ ɔ he.

Matsɛmɛ II, 25:5

Babilonia tabo ɔ nyɛɛ Zedekia se nɛ a ya nu lɛ ngɛ Yeriko nga a nɔ; e ta buli ɔmɛ tsuo gbɛ fĩa kɛ je e he.

Yesaya 2:7

A zugba a nɔ hyi kɛ sika hiɔ kɛ sika tsu; a li a juetli ɔ nya. A we okpɔngɔ ɔmɛ hu hiɛ babauu, nɛ a ta zugba lɛ ɔmɛ hu a li nya.

Yeremia 39:4

Benɛ Yuda matsɛ, Zedekia kɛ e ta buli ɔmɛ tsuo na mɛ ɔ, a tu fo kɛ je ma a mi nyɔ ɔ mi. A gu matsɛ abɔɔ ɔ mi, kɛ ya be ngɛ agbo ɔ nɛ ngɛ gbogbo enyɔ ɔmɛ a kpɛti ɔ, nɛ a tu fo kɛ yaa Yordan kɔ̃ ɔ mi je.

Yeremia 46:6

Nihi nɛ a he sɔɔ wawɛɛ po, a he be mi jee; ta buli kpanakpanaa amɛ hu, ja nɔuu. A ma tɛ nɔ́, nɛ a maa nɔɔ si ngɛ omleyi je, ngɛ Yufrate pa a nya.

Hiob 39:11

Anɛ o maa ngɔ o hɛ ngɔ fɔ e he wami ɔ nɔ, konɛ e tsu o ní tsumi kpakpataa a ha mo lo?