Yesaya 30:1 - BAIBLO ALOO NGMAMI KLƆUKLƆU Ɔ

¹ Yawɛ ke, “Musu tloo Yuda ma nimeli ɔmɛ, ejakaa a kua mi. A toɔ gahi, nɛ a peeɔ níhi ngɛ mɛ nitsɛmɛ a dɛ he. A kɛ nihi soɔ nɛ pi ye suɔmi nya. Bɔ nɛ a peeɔ kɛ tĩaa yayami ngɔ haa a he ji nɛ ɔ nɛ.

Yesaya 30:1 ပူးပေါင်းရင်းမြစ်များ

Matsɛmɛ II, 18:21

Ke o ngɛ blɔ hyɛe kaa Egipt ma ba piɛ o he ɔ, o ngɛ kaa nɔ ko nɛ e kɛ gla pee e dɛma tso; gla a maa ku nɛ e maa gbɔ e dɛ mi. Kikɛ nɛ ɔ Egipt matsɛ ɔ ngɛ, nɛ nɔ tsuaa nɔ nɛ ngɔɔ e hɛ ngɔ fɔɔ e nɔ ɔ, nɔ́ nɛ baa e nɔ ji nɛ ɔ nɛ.”

Matsɛmɛ II, 18:24

O ngɛ blɔ hyɛe nɛ Egipt ba ha mo ta zugba lɛhi, kɛ okpɔngɔ tatsɛmɛ, be mi nɛ ye nyɔmtsɛ ɔ we asafoatsɛ nyafii pe kulaa a po o be lɛ nyɛe.

La 61:4

Ha ma hi o we klɔuklɔu ɔ daa. Ma na he jɔmi ngɛ lejɛ ɔ kaa bɔ nɛ lohwe pɛlitsɛ kɛ e pɛli haa e bimɛ a nɔ ɔ.

Yesaya 1:2

Yawɛ ke, “Hiɔwe kɛ zugba, nyɛɛ bu nɔ́ nɛ i ngɛ dee ɔ tue! Jokuɛwi nɛ i tsɔse nɛ a wa a te si ngɔ si mi.

Yesaya 1:23

Atuã tsɔli ji o ganɔ ɔmɛ, nɛ juli ji o huɛmɛ; be tsuaa be ɔ, nike ní, kɛ nyɔ mi ní a ngɛ hee. A yi awusahi a sane ha we mɛ ngɛ sane yemi he, nɛ a bui yalɔyihi hu a sane tue.

Yesaya 1:4

Musu tloo nyɛ, nyɛ ma nɛ yayami sɔuu nyɛ peeɔ; nyɛ puɛ kulaa kɛ yayami peemi! Nyɛ he yayami ɔmɛ pee tlomi ha nyɛ! Nyɛ kua Yawɛ, Israel Mawu klɔuklɔu ɔ, nɛ nyɛ je e he kɛ ho se ya.

Yesaya 1:5

Mɛni he je nyɛ ngɛ atuã tsɔe kɛ mwɔɔ ɔ? Nyɛ ngɛ hlae nɛ a gbla nyɛ tue fuu lo? Israel, o yi tsuo pee pa, nɛ o tsui gbɔjɔ.

Yesaya 28:15

Nyɛ ngɛ fĩae ke nyɛɛ kɛ gbenɔ so, nɛ nyɛɛ kɛ gbeje pee kake. Nyɛ hɛ ngɛ nɔ kaa ke haomi ba a, e be nyɛ he sae kulaa; ejakaa nyɛ ngɔ nyɛ hɛ ngɔ fɔ lakpa, kɛ sisimi nɔ kaa nyɛ maa ye nyɛ he.

Yesaya 28:20

Kaa bɔ nɛ a buu abɛ ɔ, nyɛ maa pee kaa nyumu ko nɛ ngɛ hlae nɛ e hwɔ si ngɛ sa tso kpiti ko nɔ. Sa tso ɔ ka we bɔ nɛ e ma nyɛ kpã e mi ngɛ nɔ, nɛ e nɔ hami bo ɔ hu bli we bɔ nɛ e ma nyɛ kɛ ha e he tsuo.

Yesaya 29:15

Musu tloo nihi nɛ hlaa kaa a maa ngɔ ga nɛ a to ngɛ a yi mi ɔ kɛ laa Yawɛ. A toɔ a ga amɛ ngɛ laami mi, nɛ a susuu kaa nɔ ko nɔ ko be mɛ nae, nɛ nɔ́ nɛ a ngɛ pee ɔ hu nɔ ko nɔ ko be lee.

Yesaya 30:9

Ejakaa ma atuã tsɔli ji mɛ; lakpatsɛmɛ, kɛ nihi nɛ bui Yawɛ mlaa a ji mɛ.

Yesaya 31:1

Musu tloo nihi nɛ yaa Egipt ya biɔ yemi kɛ buami ngɛ lejɛ ɔ. Musu tloo mɛ, ejakaa a ngɔɔ a hɛ kɛ fɔɔ Egipt ta zugba lɛhi, kɛ okpɔngɔ ta buli a nɔ; ejakaa a hiɛ babauu, nɛ a he wa hulɔ. Se a ngɔɛ a hɛ kɛ fɔ we Yawɛ, Israel Mawu klɔuklɔu ɔ mohu nɔ; ga womi hu a bi we lɛ.

Yesaya 32:2

Nɔ tsuaa nɔ maa pee kaa wesa he ngɛ kɔɔhiɔ kɛ ahumi nya, kaa pa nɛ ywia nga ngɛ zugba kpataa nɔ, aloo kaa zugba kplanaa nɔ tɛ sa sisi hɔ̃.

Yesaya 4:5

Kɛkɛ ɔ, Yawɛ maa ngɔ bɔku kɛ ba ha Zion yo ɔ, kɛ nihi tsuo nɛ ba kpe ngɛ lejɛ ɔ a nɔ; piani ɔ, Yawɛ ma ha bɔku maa wo, nɛ nyɔ mi ɔ, la su ku, kɛ la nɛ ngɛ kpɛe plamplam maa ba. Mawu hɛ mi nyami ɔ maa ha ma a tsuo nɔ.

Yesaya 5:18

Musu tloo nyɛ! Nyɛ ní yayami ɔmɛ fi nyɛ kaa kpa nɛ nyɛ nyɛ we nɛ nyɛɛ pɛne ngɛ nyɛ he.

Yesaya 63:10

Se mɛɛ lɛɛ a tsɔ atuã; a ha nɛ aywilɛho nu mɛ. Yawɛ ba plɛ pee a he nyɛlɔ, nɛ e kɛ mɛ hwu.

Yesaya 65:2

Se ma a tsɛ we mi. Daa nɛ ɔ, i pee klaalo nɛ ma he ye ma a atuu; ma nɛ kplii a tsui, nɛ a peeɔ nɔ́ nɛ dɛ, kɛ mɛ nitsɛmɛ a suɔmi nya ní ji mɛ.

Yesaya 8:11

Yawɛ kɛ hɛdɔ bɔ mi kɔkɔ ke ma ko nyɛɛ ni ɔmɛ a blɔ ɔ nɔ. E ke,

Yesaya 8:12

“Koo piɛ ni ɔmɛ a he kɛ to a ga amɛ, nɛ níhi nɛ mɛɛ a yee gbeye ɔ, koo ye gbeye.

Yesaya 8:19

Se ni komɛ de nyɛ ke nyɛ ya bi ní ngɛ klaali, kɛ ní peeli nɛ kpaa nyagba, nɛ a tuɔ gugwɔ mi gbi ɔ a ngɔ. A ma de ke, “E pee we nɔ́ ko; e sa kaa a ya bi ní ngɛ mumihi a ngɔ, nɛ a nu nɔ́ ko nɛ kɔɔ hɛ ngmengmletsɛmɛ a he kɛ je kpadehi a ngɔ.”

Yeremia 17:5

Yawɛ ke, “Nɔ nɛ jeɔ ye se nɛ e ngɔɔ e hɛ ya fɔɔ nɔmlɔ nɔ, nɛ e hyɛɛ yemi kɛ buami blɔ kɛ jee adesa dɛ ɔ, a gbiɛ lɛ!

Yeremia 2:18

Mɛni o susu kaa o ma na ngɛ Egipt loko o ya lejɛ ɔ? Nɛ́ o ya nu Nilo pa a mi nyu, pi ja lo? Mɛni o susu kaa o ma na ngɛ Asiria loko o ya lejɛ ɔ? Nɛ́ o ya nu Yufrate pa a mi nyu, pi ja lo?

Yeremia 37:7

ma ya de Zedekia ke, “Farao ɔ tabo ɔ nɛ ba piɛ o he ɔ maa kpale a se kɛ ya mɛ nitsɛmɛ a zugba nɔ ngɛ Egipt.

Yeremia 4:17

A ma sá Yerusalem ma a yi kɛ kpe kaa bɔ nɛ buli buɔ zugba he ɔ; ejakaa ma mi bi ɔmɛ tsɔ Yawɛ hɛ mi atuã. Yawɛ lɛ de.

Yeremia 42:19

I ya nɔ nɛ i de ke, “Nyɛ ni nɛmɛ nɛ nyɛ piɛ ngɛ Yuda a, Yawɛ de nyɛ ke, ‘Nyɛ ko ya Egipt.’ Nyɛ ná nɛ nyɛɛ le kaa i bɔ nyɛ kɔkɔ mwɔnɛ ligbi nɛ ɔ,

Yeremia 5:23

Se nyɛ kikɛmɛ a ma nɛ ɔ lɛɛ nimli nɛ a tsui kplii, kɛ atuã tsɔli ji nyɛ; nyɛ tsɔ ye hɛ mi atuã, nɛ nyɛ kua mi.

Ezekiel 11:2

Kɛkɛ nɛ Mawu de mi ke, “Nɔmlɔ adesa, nihi nɛ susuɔ ní yayahi a he, nɛ a woɔ ga yayahi ngɛ ma a mi ɔ, mɛ ji nɛ ɔmɛ nɛ.

Ezekiel 2:3

E de mi ke, “Nɔmlɔ adesa, ma tsɔ mo kɛ ya Israel bi ɔmɛ a ngɔ. A nɛmɛ ɔmɛ tsɔ atuã, nɛ a kua mi; nɛ mɛ hu a pee a he atuã tsɔli, nɛ a ngɛ ye nɔ tɔe kɛ mwɔɔ.

Ezekiel 24:3

Buu abɛ nɛ ɔ kɛ tsɔɔ ma tue gboli nɛ ɔmɛ; nɛ o de mɛ ke abɛ nɛ ɔ, imi Nyɔmtsɛ Yawɛ nitsɛ lɛ i ngɛ mɛ bue. Ngɔɔ buɛ ɔ kɛ ma la a nɔ; yɛɛ nyu kɛ wo buɛ ɔ mi.

Ezekiel 29:16

Ke e ba mi ja a, e be ma nɛ Israel bi ɔmɛ maa ngɔ a hɛ kɛ fɔ e nɔ pee hu. Ejakaa a ma kai kaa e ji tɔmi agbo kaa Israel ngɔ e hɛ kɛ fɔ Egipt nɔ. Kɛkɛ ɔ, Israel maa le kaa imi ji Nyɔmtsɛ Yawɛ.”

Ezekiel 3:9

Ma ha nɛ o hɛ mi maa wa kaa tɛ nɛ he wa pe tslɛbo po. Koo ye mɛ gbeye, nɛ o tsui ko po ngɛ a hɛ mi; ejakaa mɛɛ lɛɛ atuã pɛ a tsɔɔ.”

Hosea 11:6

Ta ma ba tua a ma amɛ; a maa ku a gbogbo ɔmɛ ngɔ pue si, nɛ a ma kpata a hɛ mi ngɛ a yi mi tomi ɔmɛ a he.

Hosea 13:2

A ngɛ yayami pee kɛ mwɔɔ. A ngɛ amagahi jae. Se amaga nɛ ɔmɛ ɔ, nimli a juɛmi kɛ a nine nya ní tsumi nɛ a kɛ sika hiɔ pee ji mɛ. Amagahi nɛ a ngɛ kaa na bi ɔ, ní nɛ ɔmɛ nyɛ ke a sã bɔ ha lo? Kɛ nimli adesahi maa pee kɛɛ nɛ a ma fiɔ ní nɛ ɔmɛ a nya he?

Hosea 7:13

“Musu tloo mɛ! Ma kpata a hɛ mi; ejakaa a tsɔ ye hɛ mi atuã, nɛ a je ye se. I hla kaa ma he a yi wami; se a ja we mi anɔkuale mi.

Zakaria 4:6

Mawu bɔfo ɔ de mi ke ma ngɔ Yawɛ sɛ gbi nɛ ɔ kɛ ya ha Zerubabel: “Pi o nyɛ́mi, loo o he wami nya; se ye mumi ɔ nɛ ma tsu enɛ ɔ. Yawɛ Tabohiatsɛ ɔ lɛ de.

Mose IV, 32:14

Nɛ hyɛ, yayami peeli a nina, nyɛ hu nyɛ ba wo nyɛ nɛmɛ ɔmɛ a nane, nɛ nyɛ ngɛ pee, konɛ Yawɛ mi mi fumi nɛ nya wa a nɛ pa ba Israel nɔ ekohu!

Romabi 2:5

Se akɛnɛ o kplii o tsui, nɛ o pia we o he ɔ, kojomi ligbi ɔ nɛ Mawu mi mi ma fu, nɛ e maa kojo kɛ dami sane yemi ɔ, o tue gblami ɔ maa pe nine.

Mose V, 29:19

Nyɛɛ hyɛ saminya nɛ nyɛ nihi tsuo nɛ nyɛ ngɛ somi munyu nɛ ɔmɛ nue mwɔnɛ ɔ ngɛ hiɛmɛ nɛ ɔ, nyɛ ti nɔ ko kó mlɔɔ e he kaa ke e pee lɛ nitsɛ e tsui wami nya ní ɔ, e maa hi ha lɛ ligbi ko. Ke nɔ ko pee ja a, nyɛ tsuo nyɛ hɛ mi ma kpata, nɔ kpakpa, kɛ nɔ yayami tsuo nɛ slɔɔto ko be mi.

Mose V, 9:24

Kɛ je be nɛ i le nyɛ ɔ, Yawɛ hɛ mi atuã sɔuu nyɛ ngɛ tsɔe.

Mose V, 9:7

“Nyɛ hɛ ko je nɔ kɔkɔɔkɔ, bɔ nɛ nyɛ wo Yawɛ, nyɛ Mawu ɔ mi mi la ngɛ nga kplanaa a nɔ. Kɛ je ligbi ɔ nɛ nyɛ je Egipt zugba a nɔ kɛ ba si be nɛ nyɛ ba su hiɛmɛ nɛ ɔ, Yawɛ hɛ mi atuã sɔuu nyɛ ngɛ tsɔe.

2 Timoteo 3:13

Nimli yayamihi, kɛ nɔ sisili maa ya nɔ maa pee yayami kɛ be nɔ; a maa sisi nihi hluu kɛ yaa si a maa sisi mɛ nitsɛmɛ a he.

Yoshua 9:14

Israel bi ɔmɛ bi we Yawɛ ga womi kulaa, kɛkɛ nɛ a he ni ɔmɛ a dɛ mi niye ní ɔ.