Yesaya 3:9 - BAIBLO ALOO NGMAMI KLƆUKLƆU Ɔ

⁹ A ní peepee yeɔ odase kɛ siɔ mɛ; ejakaa a jeɔ a hɛ mi paa kɛ peeɔ yayami kaa Sodom bi; a kɛ laa we. Musu tloo mɛ! Mɛ nitsɛmɛ nɛ a ye a he awi ɔ nɛ.

Yesaya 3:9 ပူးပေါင်းရင်းမြစ်များ

Mose I, 13:13

Sodom ma a, yiwutsotsɛmɛ ji mɛ, nɛ a pee yayami kɛ si Yawɛ.

Mose I, 19:34

E nɔ jena a, Dede ɔ de e senɔ ɔ ke, “Hiɛ nyɔ mi ɔ, i kɛ tsaatsɛ ya hwɔ. Ha nɛ wa ha lɛ dã ekohu nyɔ nɛ ɔ mi, nɛ mo hu o kɛ lɛ ya hwɔ, konɛ wɔ tsuo waa kɛ wa tsɛ nɛ fɔ, bɔ nɛ pee nɛ weku kpa a se ko po.”

Mose I, 4:5

Se Kain lɛɛ Yawɛ na we e he bua jɔmi; e bɔ ɔ hu Yawɛ he we. Enɛ ɔ he je ɔ, Kain mi mi fu wawɛɛ nitsɛ, nɛ e hɛ dɔ.

Matsɛmɛ II, 9:30

Benɛ Yezebel nu kaa Yehu ba Yezreel ɔ, e kɛ tsopa kpa e hɛngmɛ se, nɛ e hɔɔ e yi saminyayoo, nɛ e ya bu si ngɛ saflɛ nya ngɛ nɔ́ hyɛe.

La 10:4

Yayami peelɔ ɔ he nɔ womi ha we nɛ e hlaa Mawu se blɔ. E susumi tsuo ji “Mawu ko be.”

Abɛ Womi 15:32

Nɔ nɛ kplɛɛ we nɛ a tsɔseɔ lɛ ɔ, e ngɛ lɛ nitsɛ e he awi yee. Se nɔ nɛ buɔ tue ɔ, e naa nile.

Abɛ Womi 30:13

Ni komɛ woɔ a he nɔ, nɛ a susuɔ kaa a hi tsɔ.

Abɛ Womi 8:36

Se nɔ nɛ hla we mi ɔ, lɛ nitsɛ e he awi lɛ e ngɛ yee. Nihi tsuo nɛ nyɛɔ mi ɔ, a suɔ gbenɔ.”

Yesaya 1:10

Yerusalem, nyɛ nɔ yeli ɔmɛ, kɛ nyɛ ma a mi bi ɔmɛ ngɛ kaa Sodom kɛ Gomora bi pɛ. Nyɛɛ bu nɔ́ nɛ Yawɛ ngɛ nyɛ dee ɔ tue saminya.

Yesaya 3:16

Yawɛ ke, “Hyɛ bɔ nɛ Yerusalem yi ɔmɛ ngɛ a he tsɔɔe ha! Ke a ngɛ nyɛɛe ɔ, a woɔ a hɛ mi nɔ kɛ hii kɔɔhiɔ mi fue. Basabasa peemi pɛ a suɔ be tsuaa be. A hiaa a nane bitibiti kɛ kɔsɔɔ, nɛ a nane si ga amɛ hii pɛe ngmleingmlei.

Yesaya 57:20

Se yiwutsotsɛmɛ lɛɛ a ngɛ kaa wo nɛ gli nɛ e we oslɔke ɔmɛ ngɛ kue; a ngɛ kaa wo nɛ ngɛ mu níhi, kɛ mɔsɔ jee kɛ ngɛ he puee daa nɛ.

Yesaya 59:12

“Yawɛ, wa tɔmi ɔmɛ hiɛ babauu ngɛ o hɛ mi. Wa he yayami ɔmɛ yeɔ odase kɛ siɔ wɔ. Wɔ nitsɛmɛ wa le wa nisɛ ní a ní ɔmɛ tsuo.

Yeremia 2:19

Mo nitsɛ o ní yayami ɔmɛ maa gbla o tue; o se yami ɔ ma ka o hɛ mi. O ma ba na paa kaa kuami nɛ o kua imi, Yawɛ o Mawu ɔ, kɛ ye hɛ mi atuã nɛ o tsɔ ɔ ji nɔ́ ko nɛ hí kulaa; e ngɛ kaa nɔ́ ko nɛ dooɔ kaa agba. Imi, Nyɔmtsɛ Yawɛ Tabohiatsɛ ɔ lɛ i de.”

Yeremia 3:3

Enɛ ɔmɛ a he je lɛ a tsi hiɔmi nɛmi nya, nɛ gbo hiɔmi po nɛ ɔ nɛ. O ngɛ kaa yo yaholɔ nɛ e zo tɔ ywia pɛ.

Yeremia 6:15

Anɛ zo gbe mɛ benɛ a tsu musu ní nɛ ɔmɛ lo? Dɛbi, zo gbi mɛ fɛɛ; nɔ́ nɛ a tsɛɛ zo po a li. Enɛ ɔ he je ɔ, mɛ hu a ma gbo kɛ piɛ ni nɛmɛ nɛ a maa gbe ɔ a he. Ke i gbla a tue kɛkɛ a nyagbe ji lɔ ɔ nɛ. Imi, Yawɛ lɛ i de.”

Yeremia 8:12

Anɛ zo gbe mɛ benɛ a tsu musu ní nɛ ɔmɛ lo? Dɛbi, zo gbi mɛ fɛɛ; nɔ́ nɛ a tsɛɛ ke zo po a li. Enɛ ɔ he je ɔ, mɛ hu a ma gbo kɛ piɛ ni nɛmɛ nɛ a maa gbe ɔ a he. Ke i gbla a tue kɛkɛ a nyagbe ji lɔ ɔ nɛ. Imi, Yawɛ lɛ i de.

Kɔmɔ Yemi 5:16

Jlasi je wa yi nɔ si. Wa pee yayami, nɛ amlɔ nɛ ɔ, musu tloo wɔ.

Ezekiel 16:30

Bɔ nɛ Nyɔmtsɛ Yawɛ ngɛ dee ji nɛ ɔ nɛ: “Hyɛ bɔ nɛ o mumu nya ta ha! O pee o he ajuamatsɛ, nɛ e pee we mo zo ko zo ko kulaa!

Ezekiel 16:49

O nyɛmiyo Sodom, kɛ e mi bi ɔmɛ woɔ a he nɔ; a ngɛ niye ní babauu, a ngɛ he jɔmi mi, nɛ a tue mi jɔ mɛ; se a yi bua ohiatsɛmɛ, kɛ nihi nɛ e fi mɛ ɔ.

Ezekiel 23:16

Amlɔ nɔuu nɛ e na a foni ɔmɛ ɔ, a he pee lɛ akɔnɔ, nɛ e tsɔ kɛ ya tsɛ mɛ ngɛ Babilonia tɔɔ.

Daniel 7:20

Jehanɛ, i bi koli nyɔngma amɛ nɛ ngɛ lohwe ɔ yi mi ɔ a he sane. Koli kaketsɛ ɔ nɛ ba pee se, nɛ ha nɛ koli etɛ ɔmɛ hia pue si ɔ, lɛ hu i bi he sane. Koli nɛ ɔ ngɛ hɛngmɛhi, kɛ nya nɛ e ngɛ munyu tue putɛputɛɛ. E he ngɛ gbeye pe koli ɔmɛ tsuo.

Hosea 13:9

“Israel ma, ma kpata nyɛ hɛ mi pɛsɛpɛsɛ! Nɛ, mɛnɔ ma nyɛ ma kpɔ nyɛ?

Hosea 5:5

Israel bi a he nɔ womi ɔ yeɔ odase kɛ siɔ mɛ. A he yayami ɔ kɛ tue gblami maa ba a nɔ, nɛ Yuda hu be e he yee.

Romabi 6:23

Ejakaa yayami he hiɔwo ji gbenɔ; se Mawu nɔke nɔ́ ɔ ji neneene wami nɛ wa naa ngɛ wa Nyɔmtsɛ Yesu Kristo mi.

Kpojemi 11:8

nɛ a gbogboe ɔmɛ ma pue si ngɛ magbɛ nɔ, ngɛ ma nguaa a nɛ a sɛu a Nyɔmtsɛ ɔ ngɛ mi ɔ mi. A tsɛɛ jamɛ a ma a ngɛ abɛ gbi mi ke Sodom, loo Egipt.

Samuel I, 15:32

Jehanɛ Samuel de ke, “Nyɛɛ ngɔ Amalek matsɛ, Agag ɔ kɛ ba hiɛ ɔ.” Agag ba kɛ bua jɔmi, nɛ e de ke, “Niinɛ, gbenɔ doomi ɔ be.”