Yesaya 3:7 - BAIBLO ALOO NGMAMI KLƆUKLƆU Ɔ

⁷ E ma he nɔ ke, “Kpaoo! I be nyɛe ma pee ja ha nyɛ. Imi hu, i be niye ní, nɛ i be heha ní hulɔ. Nyɛ ko wo mi nyɛ nyatsɛ!”

Yesaya 3:7 ပူးပေါင်းရင်းမြစ်များ

Hosea 5:13

“Benɛ Israel na kaa e hiɔ ɔ nya ba wa, nɛ Yuda hu na kaa e plaa wawɛɛ nitsɛ ɔ, Israel ho Asiria matsɛ ɔ ngɔ ya ya bi yemi kɛ buami. Se e nyɛ we nɛ e tsa hiɔ ɔ ha Israel, nɛ pa amɛ hu e nyɛ we nɛ e pee nɔ́ ko ngɛ a he.

Hosea 6:1

Ma a ma de ke, “Nyɛ ha nɛ waa kpale kɛ ba Yawɛ ngɔ! E tsɔtslɔɔ wa mi, se e ma tsa wɔ kɛ̃. E plaa wɔ, se lɛ nɔuu lɛ e maa fi pa amɛ a nɔ ha wɔ!

Ezekiel 34:4

Ní nɛmɛ nɛ gbɔjɔ ɔ, nyɛ hyɛ we a nɔ bɔ nɛ sa; hiɔtsɛmɛ ɔmɛ ɔ, nyɛ tsa we mɛ; ní nɛmɛ nɛ plaa a, nyɛ fi we pa amɛ a nɔ ha mɛ; ní nɛmɛ nɛ tla blɔ ɔ, nyɛ ya kpakaa we mɛ; nɛ ní nɛmɛ nɛ laa a, nyɛ ya hla we mɛ. Se yi mi mohu nyɛ waa mɛ.

Kɔmɔ Yemi 2:13

Yerusalem, i suɔ mo! Yerusalem, mɛni ma de ha mo? Kɛ ma pee kɛ jɔɔ o bua kɛɛ? Nɔ ko nɔ ko nɛ́ amanehlu hyɛ kaa nɔ́ nɛ ba o nɔ nɛ ɔ. O haomi ɔ kle tsɔ, nɛ e nyagbe be. Mɛnɔ ma he o yi wami?

Yeremia 14:19

Yawɛ, anɛ o kua Yuda kulaa lo? Anɛ o ngɛ Zion bi ɔmɛ hiee lo? Mɛni he je mɔ lɛ o plaa wɔ kikɛ nɛ ɔ nɛ e hi tsami ɔ? Wa hyɛ blɔ kaa tue mi jɔmi maa ba, se nɔ́ kpakpa ko ji mi kɛ bɛ; wa hyɛ blɔ kaa be maa ba nɛ a ma tsa wɔ, se haomi kɛ gbeye sɔuu lɛ bɔle wɔ.

Yesaya 58:12

Nyɛ maa fia gbogbo he ngɛ blema tsu kokoe ɔmɛ a nane mi. A maa fia kɛ ma sisi tomi momo ɔmɛ a nɔ. Sisi tomi ɔmɛ nɛ a to blema a, nyɛ ma tle mɛ si kɛ ma si ekohu. Lɔ ɔ he ɔ, a ma tsɛ nyɛ ke nihi nɛ ba fia gbogbo ɔmɛ ekohu, nihi nɛ ba dla ma doku ɔmɛ.”

Mose V, 32:40

Be abɔ nɛ imi ji Mawu nɛ ngɛ kɛ yaa neneene nɛ ɔ, i wo ye nine nɔ, nɛ i ngɛ kita kae kaa

Mose I, 14:22

Abram he nɔ ke, “I na Mawu Hiɔwe No ɔ, nɔ nɛ pee hiɔwe kɛ zugba a,

Yoel 1:16

Pi wa niba ní nɛ wa ngɛ hyɛe nɛ hɛ mi ngɛ kpatae nɛ ɔ? Bua jɔmi, kɛ nyami se po ngɛ wa Mawu ɔ we ɔ.