Yesaya 3:4 - BAIBLO ALOO NGMAMI KLƆUKLƆU Ɔ

⁴ Ma wo jokuɛwi nyumuwi ganɔhi ha mɛ, nɛ bimwɔwi maa ye a nɔ.

Yesaya 3:4 ပူးပေါင်းရင်းမြစ်များ

Kronika II, 33:1

Manase ye jeha nyɔngma kɛ enyɔ benɛ e bɔni tsɛ yemi ngɛ Yuda ma a nɔ, nɛ e hi Yerusalem kɛ ye matsɛ jeha nyingmi enuɔ kɛ enuɔ.

Kronika II, 34:1

Yosia ye jeha kpaanyɔ benɛ e bɔni tsɛ yemi ngɛ Yuda ma a nɔ, nɛ e hi Yerusalem kɛ ye matsɛ jeha nyingmi etɛ kɛ kake.

Kronika II, 36:11

Zedekia ye jeha nyingmi enyɔ kɛ kake benɛ e bɔni tsɛ yemi ngɛ Yuda ma a nɔ. E hi Yerusalem kɛ ye matsɛ jeha nyɔngma kɛ kake.

Kronika II, 36:2

Yehoahaz ye jeha nyingmi enyɔ kɛ etɛ benɛ e bɔni tsɛ yemi ngɛ Yuda ma a nɔ. E hi Yerusalem kɛ ye matsɛ nyɔhiɔ etɛ.

Kronika II, 36:5

Yehoyakim ye jeha nyingmi enyɔ kɛ enuɔ benɛ e bɔni tsɛ yemi ngɛ Yuda ma a nɔ. E hi Yerusalem kɛ ye matsɛ jeha nyɔngma kɛ kake. E pee yayami kɛ si Yawɛ, e Mawu ɔ.

Kronika II, 36:9

Yehoyakin ye jeha nyɔngma kɛ kpaanyɔ benɛ e bɔni tsɛ yemi ngɛ Yuda ma a nɔ. E hi Yerusalem kɛ ye matsɛ nyɔhiɔ etɛ kɛ ligbi nyɔngma. Lɛ hu e pee yayami kɛ si Yawɛ.

Fiɛlɔ 10:16

Ma nɛ jokuɛyo ngɛ a nɔ matsɛ yee, nɛ ganɔ ɔmɛ yeɔ ní, nɛ a nuɔ ní kpɔtɔɔ daa mɔtu ɔ, musu tloo mɛ.

Yesaya 3:12

Jokuɛwi lɛ ngɛ ye ma a haoe, nɛ yihi lɛ ngɛ a nɔ yee. Ye ma, o nɔ hyɛli ɔmɛ haa o tlaa blɔ, nɛ a tɔ̃tɔ̃ɔ̃ o nane.

Yesaya 3:16

Yawɛ ke, “Hyɛ bɔ nɛ Yerusalem yi ɔmɛ ngɛ a he tsɔɔe ha! Ke a ngɛ nyɛɛe ɔ, a woɔ a hɛ mi nɔ kɛ hii kɔɔhiɔ mi fue. Basabasa peemi pɛ a suɔ be tsuaa be. A hiaa a nane bitibiti kɛ kɔsɔɔ, nɛ a nane si ga amɛ hii pɛe ngmleingmlei.

Yesaya 3:3

asafoatsɛmɛ, nihi nɛ a hɛ mi ngɛ nyami, ma ní tsuli, kɛ kunya yeli kpanakuhi.

Yeremia 52:3

Yawɛ mi mi fu Yuda ma a, kɛ nihi nɛ ngɛ Yerusalem ɔ wawɛɛ nitsɛ kɛ ya si e je e hɛ ngɛ a nɔ. Zedekia tsɔ atuã kɛ wo Babilonia matsɛ, Nebukadnezar.