Yesaya 3:26 - BAIBLO ALOO NGMAMI KLƆUKLƆU Ɔ

²⁶ Ma a agbo ɔmɛ a nya maa pee mɔbɔmɔbɔ kɛ ya; nɛ ma a nitsɛ lɛɛ e maa pee kaa yo nɛ hɛɛ e he gu kɛ hii si ngɛ zugba.

Yesaya 3:26 ပူးပေါင်းရင်းမြစ်များ

Hiob 2:13

Kɛkɛ nɛ a ba hi si ngɛ e kasa nya ngɛ zugba nyɔ kɛ pia ligbi kpaago sɔuu. Nɔ ko nɔ ko kɛ lɛ tu we munyu jamɛ a be ɔ tsuo, ejakaa a na kaa e ngɛ nɔ́ nae wawɛɛ nitsɛ.

Hiob 2:8

Hiob ho ya hi la zu mi, nɛ e ngɔ ngɛyu kɛ ngɛ e he hluae.

Yesaya 14:31

Nyɛ Filisti ma amɛ tsuo, nyɛ kpa ngmlaa! Nyɛ tsuo nyɛ tsui nɛ po! Ejakaa la su ku ko je omleyi je kɛ ma. Tabo ko nɛ fɔ̃lɔ ko fɔ̃lɔ ko be mi nɛ ma a nɛ.

Yesaya 29:2

ma nɛ a tsɛɛ “Mawu bɔ sami la tɛ ɔ”, Mawu ma ha e maa na amanehlu. Ma mi bi ɔmɛ maa ye kɔmɔ, nɛ a maa wo yana. Ma a tsuo maa pee kaa bɔ sami la tɛ ko nɛ a kpa muɔ ngɔ pue nɔ.

Yesaya 32:14

Mɔ ɔ po, nɔ ko nɔ ko be mi hie hu; nɛ ma nɛ hyi tɔ kɛ nimli babauu ɔ maa pee ma doku. Wehi, kɛ mɔhi nɛ bɔle mɛ kɛ kpe ɔ, a hɛ mi ma kpata kɛ maa ya neneene. Nga mi tejihi ma na bua jɔmi ngɛ lejɛ ɔ, nɛ tohi hu, lejɛ ɔ a maa ye ní ngɛ.

Yesaya 33:9

Zugba a pee mɔbɔmɔbɔ kɛ fɔɔ si. Lebanon hue ɔmɛ ta kulaa; Sharon zugba nɛ baa ní saminya a pee kaa nga kplanaa nɔ; tsohi nɛ ngɛ Bashan kɛ Karmel yo ɔ nɔ ɔ, a yi mi ba tsuo kplɔ kɛ pueɔ si.

Yesaya 47:1

Yawɛ ke, “Babilon, mo kple si kɛ je matsɛ sɛ ɔ nɔ! Ba hi si ngɛ zugba, ngɛ bunyuku mi! Be ko nɛ be ɔ, o ngɛ kaa yomiyo, se jehanɛ lɛɛ a be mo hɛɛ dɔdɔɔdɔ hu!

Yesaya 6:11

I bi ke, “Nyɔmtsɛ, nɔ́ nɛ ɔ maa ya nɔ kɛ yaa si mɛni be?” E he nɔ ke, “Kɛ yaa su be nɛ ma amɛ a hɛ mi ma kpata, nɛ a maa pee ma dokuhi nɛ a be nɔ ko nɔ ko nae ngɛ we ɔmɛ a mi, nɛ zugba a nitsɛ hu nɔ maa je gu.

Yeremia 14:2

“Yuda ngɛ kɔmɔ yee; Yuda ma amɛ ngɛ gboe; ma mi bi ɔmɛ hwɔɔ si ngɛ zugba mɔbɔmɔbɔ, nɛ bubuubui ngɛ pɛe ngɛ Yerusalem.

Yeremia 15:8

I ha nɛ yalɔyihi a he hiɛ babauu ngɛ nyɛ zugba a nɔ pe wo nya zia. I gbe nyɛ nihewi ɔmɛ ngɛ a nihe mi, nɛ i ha nɛ a nyɛmɛ ɔmɛ na nɔ́. I ha nɛ haomi nɛ nya wa, kɛ ní gbeyegbeyehi ba a nɔ tlukaa.

Kɔmɔ Yemi 1:1

Yerusalem, ma nɛ sa be ko ɔ, nihi babauu ngɛ mi ɔ, hyɛ bɔ nɛ e mi je gu kɛ fɔɔ si ha! Be ko nɛ be ɔ, je ma amɛ buu lɛ ma nguaa, se jehanɛ lɛɛ e ngɛ kaa yalɔyo. Ma nɛ ngɛ kaa matsɛ biyo ngɛ je ma amɛ tsuo a kpɛti ɔ ba plɛ pee je ma amɛ a nyɔguɛ.

Kɔmɔ Yemi 1:4

Zion blɔ ɔ nɔ pee mɔbɔmɔbɔ. Nimli a nane po ngɛ blɔ ɔ nɔ; a bɛ nɛ a ba ye nyami be ɔmɛ. Nɔ ko nɔ ko ba gui ma a agbo ɔmɛ a mi. Osɔfo ɔmɛ ngɛ kɛmɛe. Yihewi ɔmɛ ngɛ nɔ́ nae. Zion hao wawɛɛ nitsɛ.

Kɔmɔ Yemi 2:10

Yerusalem nimeli ɔmɛ hii si dii ngɛ zugba. A ngɔ bunyuku ngɔ pue a yi mi, nɛ a ha kpekpe ya bo kɛ tsɔɔ kaa a pia a he. Yihewi ɔmɛ ngɔ a hɛ mi kɛ bu si.

Kɔmɔ Yemi 2:8

Yawɛ to e yi mi kaa a ku Zion gbogbo ɔmɛ ngɔ pue si. E susu a kami kɛ blimi kɛ to, bɔ nɛ pee nɛ a kpata nɔ́ tsuaa nɔ́ hɛ mi pɛsɛpɛsɛ. Amlɔ nɛ ɔ, mɔ ɔmɛ, kɛ gbogbo ɔmɛ tsuo ku kɛ pueɔ si.

Ezekiel 12:20

Mahi nɛ nihi ngɛ a mi ɔ tsuo ma plɛ pee ma dokuhi. Lɔ ɔ loko a maa le kaa imi ji Yawɛ!”

Ezekiel 26:16

Ganɔ ɔmɛ tsuo nɛ ngɛ wo nya ma amɛ a mi ɔ ma kple si kɛ je a sɛ ɔmɛ a nɔ. A ma kpa a he bo ngɔ fɔ si; nɛ a ma je a tade ɔmɛ nɛ a lo ní ngɔ wo a mi ɔ ngɛ a he. A maa hi si ngɛ zugba, nɛ a he maa do blibliibli. Gbeye ma ha a he maa hi doe blibliibli be ɔ tsuo ngɛ nɔ́ nɛ ba o nɔ ɔ he.

Mika 1:9

Samaria ma mi bi ɔmɛ a he pa a be tsa ba; Yuda hu miɔ nɛ e maa sɛ jamɛ a haomi ɔ nɔuu mi. Lɔ ɔ ji kaa hɛ mi kpatami su ye ma, Yerusalem agbo ɔ nya.”

Mateo 11:17

‘Wa kpã bɛ ha nyɛ, se nyɛ dui; wa nya awe, se nyɛ yi kɔmɔ.’

Luka 19:44

A ma kpata o hɛ mi pɛsɛpɛsɛ, nɛ nihi nɛ ngɛ ma a mi hu a maa gbe mɛ tsuo; a be tɛ kake po sie ngɛ e blɔ he. Ní nɛ ɔmɛ tsuo maa ba o nɔ, ejakaa be ɔ nɛ Mawu ba nɛ e ba kpɔ mo ɔ, o kplɛɛ we.”