Yesaya 3:25 - BAIBLO ALOO NGMAMI KLƆUKLƆU Ɔ

²⁵ A kɛ klaate maa gbe ma a mi nyumu ɔmɛ; a ti nihi nɛ ji katsɛmɛ tete po maa nɔ ngɛ ta mi.

Yesaya 3:25 ပူးပေါင်းရင်းမြစ်များ

Amos 9:10

Se ye ma mi bi ɔmɛ a kpɛti yayami peeli nɛ deɔ ke, ‘Mawu be hae nɛ nɔ́ yayami ko maa ba wa nɔ’ ɔ, mɛɛ lɛɛ a ma gbo ngɛ ta nga nɔ.”

Kɔmɔ Yemi 2:21

Jokuɛwi kɛ nikɔtɔmahi tsuo gbo kɛ pueɔ si ngɛ gbɛjegbɛ ɔmɛ a nɔ. He nyɛli ɔmɛ kɛ klaate gbe nihewi, kɛ yihewi. Ligbi ɔ nɛ o mi mi wo la a, o gbe mɛ tsuo basabasa nɛ o nɛ́ mɔbɔ kulaa.

Yeremia 21:9

Nɔ tsuaa nɔ nɛ maa hi ma nɛ ɔ mi ɔ, e yi maa ta; ta, loo hwɔ, loo gbenɔ hiɔ maa gbe lɛ. Se nɔ tsuaa nɔ nɛ maa je ma a mi kɛ ya Babilonia bi nɛ ba sa ma a yi ɔ a ngɔ, nɛ e ma ya nu a nane ɔ, e yi ma na wami; nɛ e maa ya we mi hɛ ngmengmle.

Yeremia 19:7

Ma ha nɛ yi mi nɛ Yuda ma a, kɛ Yerusalem ma mi bi ɔmɛ to ɔ maa pee yaka ngɛ hiɛmɛ nɛ ɔ. Ma ha a he nyɛli maa ye a nɔ ngɛ ta mi, nɛ a maa gbe mɛ; nɛ ma ngɔ a gbogboe ɔmɛ kɛ ha lohwe pɛlitsɛmɛ, kɛ pu mi lohwehi nɛ a ye.

Yeremia 18:21

Se Yawɛ, jehanɛ lɛɛ, ha nɛ a bimɛ ɔmɛ nɛ a gbo kɛ hwɔ; ha nɛ a gbe mɛ ngɛ ta mi. Ha nɛ nyɛmɛ ɔmɛ nɛ a pee yalɔyihi kɛ yosahi; ha nɛ gbenɔ hiɔ nɛ gbe tsɛmɛ ɔmɛ, konɛ nihewi ɔmɛ lɛɛ a gbe mɛ ngɛ ta nga nɔ.

Yeremia 14:18

Ke i je kpo kɛ ya nga nɔ ɔ, i naa nihi nɛ a gbe mɛ ngɛ ta mi ngɔ pue si. Ke i ya ma amɛ a mi hu i naa nihi nɛ hwɔ gbe mɛ ngɔ pue si. Se gbali ɔmɛ, kɛ osɔfo ɔmɛ lɛɛ kpami kɛkɛ a hii kpae ngɛ zugba nɛ a li nɔ.”

Yeremia 11:22

Lɔ ɔ he ɔ, Yawɛ Tabohiatsɛ ɔ de mi ke, “Ma gbla a tue kokooko! Nihewi ɔmɛ ma gbo ngɛ ta nga nɔ, nɛ a bimɛ ɔmɛ lɛɛ hwɔ maa gbe mɛ.

Yesaya 1:20

Se ke nyɛ kpale we, nɛ nyɛ tsɔ atuã a, lɛɛ nyɛ ma gbo ngɛ klaate nya. Imi, Yawɛ, lɛ i de.”

Kronika II, 29:9

Wa nɛmɛ ɔmɛ nɔ ngɛ ta mi, nɛ wa yi ɔmɛ, kɛ wa bimɛ ɔmɛ lɛɛ a nuu mɛ nyɔguɛ kɛ je.

Yesaya 65:12

nyɛɛ lɛɛ nɔ́ nɛ fɔɔ si ha nyɛ ji klaate. Nyɛ tsuo nyɛ maa nɔ basabasa ngɛ klaate nya; ejakaa benɛ i tsɛ nyɛ ɔ, nyɛ he we nɔ, nɛ benɛ i tu munyu kɛ tsɔɔ nyɛ ɔ, nyɛ bui tue. Yayami mohu nyɛ pee ngɛ ye hɛ mi; níhi nɛ i sume ɔ, lɔ ɔmɛ mohu a se nyɛ ya nyɛɛ.

Yeremia 15:8

I ha nɛ yalɔyihi a he hiɛ babauu ngɛ nyɛ zugba a nɔ pe wo nya zia. I gbe nyɛ nihewi ɔmɛ ngɛ a nihe mi, nɛ i ha nɛ a nyɛmɛ ɔmɛ na nɔ́. I ha nɛ haomi nɛ nya wa, kɛ ní gbeyegbeyehi ba a nɔ tlukaa.