Yesaya 3:15 - BAIBLO ALOO NGMAMI KLƆUKLƆU Ɔ

¹⁵ Nyɛ be he blɔ kulaa kaa nyɛ waa ye ma a yi mi, loo nyɛ yeɔ ohiatsɛmɛ amimi. Imi Nyɔmtsɛ Tabohiatsɛ Mawu ɔ, lɛ i de.”

Yesaya 3:15 ပူးပေါင်းရင်းမြစ်များ

La 94:5

Yawɛ, a ngɛ o ma a yi mi wae. Mo nitsɛ o nihi nɛ o suɔ ɔ, a ngɛ mɛ awi yee.

Ezekiel 18:2

“Abɛ nɛ ɔ nɛ kɔɔ zugba a he, nɛ Israel bi ɔmɛ ngɛ bue kpamisa ke, ‘Tsɛmɛ ɔmɛ ye wai yiblii ngmlikiti, nɛ bimɛ ɔmɛ mohu a lungu fĩa’ a, kɛ a ngɛ tsɔɔe kɛɛ ɔ?”

Yesaya 58:4

Nyɛ haa hwɔ, se nyɛ peeɔ basabasa; nyɛ pɛɔ, nɛ nyɛ nɔɔ kunɔ. Nyɛ susuɔ kaa kikɛmɛ a hwɔ hami ɔ ma ha ma bu nyɛ kue fami tue lo?

Mose II, 5:14

Ke pee ɔ, Farao ɔ nyɔguɛhi a nɔ yeli ɔmɛ fiaa Israel ní tsuli ɔmɛ a nɔ hyɛli ɔmɛ nɛ a to ɔ ní, nɛ a biɔ mɛ ke, “Kɛ pee kɛɛ nɛ nyɛ gbi bliikisi peemi ní tsumi ɔ nya kaa bɔ nɛ a to ha nyɛ ɔ?”

Yona 1:6

Lɛtsɛ ɔ ba e ngɔ nɛ e ba de lɛ ke, “Kɛ o ngɛ tsɔɔe kɛɛ; mahe lɛ o ngɛ hwɔe? Tee si nɛ o tsɛ o mawu ɔ, kaa alini wa ní maa pee lɛ mɔbɔ nɛ e ma he wa yi wami lo.”

Yesaya 5:7

Israel ma a ji Yawɛ Tabohiatsɛ ɔ wai ngmɔ ɔ nɛ; Yuda bi ɔmɛ ji wai tso kpakpa amɛ nɛ e du ɔ nɛ. E hyɛ blɔ kaa a maa ye dami sane, se muɔ si mohu a ngɛ puee. E hyɛ blɔ kaa a maa pee nɔ́ nɛ da, se amimi mohu a ngɛ ma a yee, nɛ nɔ́ nɛ ɔ ha ni ɔmɛ ngɛ ngmlaa kpae.

Yesaya 10:2

Jã nyɛ peeɔ kɛ kpɔɔ ohiatsɛmɛ a blɔ nya níhi ngɛ a dɛ, nɛ nyɛ yi dami sane ha we mɛ. Jã nyɛ peeɔ kɛ kpɔɔ yalɔyihi kɛ awusahi a weto ní ngɛ a dɛ.

Yesaya 14:30

Yawɛ ma ha ohiatsɛmɛ a bimɛ ɔmɛ niye ní, nɛ e ma ha nɛ nɔ́ nali maa hi si ngɛ tue mi jɔmi mi. Se nyɛ Filisti bi ɔmɛ lɛɛ e ma ha hwɔ nɛ nya wa maa ye nyɛ; hwɔ nɛ ɔ maa gbe nyɛ tsuo pɛpɛɛpɛ nɛ e be nɔ kake ngmelu po piɛe.

Yesaya 26:6

Nihi nɛ a wa mɛ yi mi be ko ɔ, jehanɛ lɛɛ mɛ nɛ a ngɛ nyɛɛe, nɛ a ngɛ si sie ngɛ lejɛ ɔ nɛ.

Yesaya 29:19

Nihi nɛ a he jɔ, dɛgutsɛmɛ, kɛ nihi nɛ a ní ngɛ mɔbɔ ɔ, Yawɛ Israel Mawu klɔuklɔu ɔ ma ha mɛ bua jɔmi ekohu.

Yesaya 30:12

Se bɔ nɛ Israel Mawu klɔuklɔu ɔ ngɛ dee ji nɛ ɔ nɛ: “Nyɛ bui nɔ́ nɛ i ngɛ nyɛ dee ɔ, nɛ nyɛ ngɔ nyɛ hɛ ngɔ fɔ basabasa peemi, kɛ sisimi nɔ.

Yesaya 32:6

Ejakaa kuasia tuɔ munyu basabasa, nɛ e toɔ ga kaa e maa pee yayami. E tuɔ munyu, nɛ e peeɔ nɔ́ basabasa kɛ siɔ Yawɛ. Nɔ nɛ hwɔ ngɛ lɛ yee ɔ, e ha we lɛ nɔ́ ko nɛ e yeɔ kɔkɔɔkɔ, nɛ nɔ nɛ kuma ngɛ lɛ yee hu e ha we lɛ nyu tete po nɛ e nuɔ.

Yesaya 63:8

Yawɛ ke, “Imi nitsɛ ye ma ji mɛ; a be mi sisie.” Lɔ ɔ he ɔ, e ha a yi na wami

Abɛ Womi 30:14

Ni komɛ sisiɔ ohiatsɛmɛ, kɛ nihi nɛ a ní ngɛ mɔbɔ, nɛ a kpɔɔ níhi ngɛ a dɛ. Bɔ nɛ jamɛatsɛmɛ ɔmɛ peeɔ kɛ yeɔ ní ji nɛ ɔ nɛ.