Yesaya 3:14 - BAIBLO ALOO NGMAMI KLƆUKLƆU Ɔ

¹⁴ Yawɛ kɛ ma nimeli, kɛ ganɔ ɔmɛ lɛ na sane ɔ nɛ. Munyu nɛ e kɛ ba po a nya ji nɛ ɔ nɛ: “Nyɛ kpata wai ngmɔ ɔmɛ a hɛ mi, nɛ níhi nɛ nyɛ kpɔ ngɛ ohiatsɛmɛ a dɛ ɔ, nyɛ ngɔ kɛ to nyɛ wehi a mi.

Yesaya 3:14 ပူးပေါင်းရင်းမြစ်များ

Hiob 22:4

O susu kaa Mawu gbeye nɛ o yeɔ ɔ, lɔ ɔ he lɛ e ngɛ o hɛ mi kae, nɛ e ngɛ o tue gblae ɔ lo?

Yakobo 2:6

Se nyɛ pueɔ ohiatsɛmɛ ɔmɛ a hɛ mi si. Anɛ pi niatsɛmɛ ɔmɛ nɛ waa nyɛ yi mi ɔ? Anɛ pi mɛ nɛ a ngɔɔ nyɛ kɛ yaa kojomi he ɔ?

Amos 4:1

Amos ya nɔ nɛ e de ke, “Nyɛ Samaria yihi nɛ nyɛ plɔke pee tɔfutɔfu kaa Bashan nahi nɛ a je blɔ lɛ mɛ, nyɛɛ bu tue! Nyɛ nɛ nyɛ waa ohiatsɛmɛ yi mi, nɛ nyɛ sisiɔ dɛgutsɛmɛ, nɛ nyɛ nyɛɔ nyɛ hunomɛ a nɔ ke a ha nyɛ dã nɛ nyɛɛ nu!

Yeremia 5:27

Ju níhi hyi a wehi a mi tɔ kaa lohwe pɛlitsɛmɛ nɛ a nuu kɛ wo kusii mi. Enɛ ɔmɛ a he je ɔ, a na ní, nɛ a pee nimli nguahi.

Yesaya 5:7

Israel ma a ji Yawɛ Tabohiatsɛ ɔ wai ngmɔ ɔ nɛ; Yuda bi ɔmɛ ji wai tso kpakpa amɛ nɛ e du ɔ nɛ. E hyɛ blɔ kaa a maa ye dami sane, se muɔ si mohu a ngɛ puee. E hyɛ blɔ kaa a maa pee nɔ́ nɛ da, se amimi mohu a ngɛ ma a yee, nɛ nɔ́ nɛ ɔ ha ni ɔmɛ ngɛ ngmlaa kpae.

La 143:2

O kɛ imi, o tsɔlɔ ɔ kó ye sane; ejakaa nɔmlɔ adesa ko adesa ko be nguɔ yee ngɛ o hɛ mi.

La 14:4

Yawɛ ngɛ bie ke, “Yayami peeli nɛ ɔmɛ ɔ, anɛ a be juɛmi lo? A ní tsumi kɛkɛ ji kaa a fia ye ma a ojo, se imi, Yawɛ lɛɛ a tsɛ we ye biɛ.”

Hiob 24:9

Nimli yayami komɛ kpɔɔ bimwɔwi nɛ be tsɛmɛ pani nya ngɛ a nyɛmɛ a nyɔ nya. A kɛ bimwɔwi nɛ ɔmɛ toɔ a tsɛmɛ ɔmɛ a hiɔhi a nya.

Mateo 21:33

Yesu de mɛ ke, “Nyɛɛ bu abɛ kpa hu tue. Zugbatsɛ ko hi si. E pee wai ngmɔ, nɛ e du tso tsɔwi kɛ po piɛ wo he kɛ kpe; e tsua wai tɛ muɔ ngɛ mi, nɛ e ma buli a mɔ hu ngɛ mi. Kɛkɛ nɛ e kɛ ha ní tsuli apaa humi; nɛ e doma.

Mika 6:10

Nyɛ yayami ɔmɛ ba hiɛ tsɔ! Sisimi blɔ nɔ nɛ nyɛ guɔ kɛ naa ní ɔ, anɛ nyɛ be kpae lo? Yayami peeli a wehi a mi hyi tɔ kɛ june nɛ a kpɔ ngɛ nihi a dɛ. A kɛ sɛni tɛ nɛ sui ngmɛɔ níhi. I nyɛ nɔ́ nɛ ɔ.

Mika 2:2

A hɛ kɔɔ nihi a zugbahi a nɔ, nɛ a kpɔɔ zugba amɛ pani nya; ke we ko nɛ muɔ a hɛ hu, a ngɔɔ faa. A kpɔɔ nihi a wehi ngɛ a dɛ, nɛ a juɔ a weto níhi.

Hiob 34:23

E hia we kaa Mawu nɛ to be ha nimli adesahi nɛ a ba e ngɔ loko e kojo mɛ.

Hiob 24:14

Awi yelɔ teɔ si mɔtu kpla konɛ e gbe ohiatsɛ, aloo nɔ nɛ be nɔ́ ko. Nyɔ mi kɛkɛ e pee e he julɔ.

La 10:9

E buɔ si ngɛ e laami he ɔ kaa jata ngɛ e muɔ mi. E woɔ ka nɛ e nuu nihi nɛ a ní ngɛ mɔbɔ. Ke e nine su a nɔ kɛkɛ e gbla mɛ kɛ ho.

Abɛ Womi 30:14

Ni komɛ sisiɔ ohiatsɛmɛ, kɛ nihi nɛ a ní ngɛ mɔbɔ, nɛ a kpɔɔ níhi ngɛ a dɛ. Bɔ nɛ jamɛatsɛmɛ ɔmɛ peeɔ kɛ yeɔ ní ji nɛ ɔ nɛ.

Yesaya 10:1

Musu tloo nyɛ! Nyɛ nɛ nyɛ woɔ mlaahi nɛ dɛ, nɛ nyɛ ngmaa mlaahi nɛ nyɛ kɛ waa ye ma a yi mi.

Yesaya 10:2

Jã nyɛ peeɔ kɛ kpɔɔ ohiatsɛmɛ a blɔ nya níhi ngɛ a dɛ, nɛ nyɛ yi dami sane ha we mɛ. Jã nyɛ peeɔ kɛ kpɔɔ yalɔyihi kɛ awusahi a weto ní ngɛ a dɛ.

Yesaya 11:4

Se e kɛ dami sane yemi maa kojo ohiatsɛmɛ, nɛ e maa bu nihi nɛ a ní ngɛ mɔbɔ ɔ a he. Ke e fa ke a gbla nɔ ko tue ɔ, kɛkɛ a maa gbla e tue. Ke e fa ke a gbe yayami peelɔ ko ɔ, kɛkɛ pe a gbe lɛ ɔ nɛ.

Yesaya 14:30

Yawɛ ma ha ohiatsɛmɛ a bimɛ ɔmɛ niye ní, nɛ e ma ha nɛ nɔ́ nali maa hi si ngɛ tue mi jɔmi mi. Se nyɛ Filisti bi ɔmɛ lɛɛ e ma ha hwɔ nɛ nya wa maa ye nyɛ; hwɔ nɛ ɔ maa gbe nyɛ tsuo pɛpɛɛpɛ nɛ e be nɔ kake ngmelu po piɛe.

Yesaya 26:6

Nihi nɛ a wa mɛ yi mi be ko ɔ, jehanɛ lɛɛ mɛ nɛ a ngɛ nyɛɛe, nɛ a ngɛ si sie ngɛ lejɛ ɔ nɛ.

Yesaya 29:19

Nihi nɛ a he jɔ, dɛgutsɛmɛ, kɛ nihi nɛ a ní ngɛ mɔbɔ ɔ, Yawɛ Israel Mawu klɔuklɔu ɔ ma ha mɛ bua jɔmi ekohu.

Yesaya 30:12

Se bɔ nɛ Israel Mawu klɔuklɔu ɔ ngɛ dee ji nɛ ɔ nɛ: “Nyɛ bui nɔ́ nɛ i ngɛ nyɛ dee ɔ, nɛ nyɛ ngɔ nyɛ hɛ ngɔ fɔ basabasa peemi, kɛ sisimi nɔ.

Yesaya 58:4

Nyɛ haa hwɔ, se nyɛ peeɔ basabasa; nyɛ pɛɔ, nɛ nyɛ nɔɔ kunɔ. Nyɛ susuɔ kaa kikɛmɛ a hwɔ hami ɔ ma ha ma bu nyɛ kue fami tue lo?

Ezekiel 18:12

e waa ohiatsɛmɛ kɛ dɛgutsɛmɛ yi mi, e fiaa nihi ojo, e kpale we nɔ́ nɛ a kɛ ba to awaba kɛ ha we nɔtsɛ, e jaa amagahi, e peeɔ ní hiemi níhi,

Ezekiel 20:35

Ma ngɔ nyɛ kɛ ya ‘Je ma amɛ a nga a nɔ.’ Ma kojo nyɛ, nɛ ma bu nyɛ fɔ ngɛ lejɛ ɔ nɔuu.

Ezekiel 20:36

Ma kojo nyɛ nɛ ma bu nyɛ fɔ kaa bɔ nɛ i pee nyɛ nɛmɛ ɔmɛ ngɛ Sinai nga a nɔ ɔ.” Nyɔmtsɛ Yawɛ lɛ de.

Mika 3:3

Nyɛ yeɔ ye ma mi bi ɔmɛ. Nyɛ kpɔɔ a he womi kɛ jeɔ a he. Nyɛ kuɔ a wuhi, nɛ nyɛ poɔ mɛ kpɔ nya kpɔ nya kaa lo nɛ a kɛ maa wo kutu mi.

Mose III, 25:14

Lɔ ɔ he ɔ, ke o jua zugba ko kɛ ha o nyɛmi Israel fɔfɔɛ, loo o he zugba ngɛ e dɛ ɔ, nyɛ ko sisi nyɛ sibi.

Mose III, 25:17

Nyɛ ko sisi nyɛ sibi Israel fɔfɔɛhi, se mohu nyɛɛ ye Yawɛ, nyɛ Mawu ɔ gbeye.

Yeremia 12:10

Ma nɔ yeli babauu ba puɛ ye wai ngmɔ ɔ; a ba naa ye ngmɔ ɔ nɔ, nɛ ye zugba saminyayoo ɔ plɛ pee nga kplanaa.

Amos 2:7

Nyɛ niatsɛmɛ ɔmɛ hlaa kaa a ye ohiatsɛmɛ amimi daa; ke ohiatsɛ ngɛ amanehlu mi, kɛkɛ niatsɛ bua jɔ. Nɔ kɛ e tsɛ po kɛ nyɔguɛ yo kake naa bɔmi, nɛ a kɛ nɔ́ nɛ ɔ peemi bleɔ ye biɛ klɔuklɔu ɔ.

Mika 2:1

Musu tloo nihi nɛ soɔ yi wu tso níhi, nɛ a toɔ yayami peemi he ga nyɔ mi ngɛ sa mi. Ke je na nɛ a na he blɔ pɛ, a peeɔ yayami nɛ a to he ga a.