Yesaya 3:11 - BAIBLO ALOO NGMAMI KLƆUKLƆU Ɔ

¹¹ Se yayami peeli lɛɛ musu tloo mɛ; yayami nɛ a pee ní kpahi ɔ, jehanɛ, a ma ngɔ pee mɛ nitsɛmɛ.

Yesaya 3:11 ပူးပေါင်းရင်းမြစ်များ

Fiɛlɔ 8:13

Yayami peeli lɛɛ e be hie ha mɛ gblegbleegble. Mɛɛ lɛɛ a wami ngɛ kaa nini. A se kɛ we ngɛ je mi, ejakaa a yi Mawu gbeye.

Yakobo 2:13

Ejakaa nɔ nɛ nɛ́ mɔbɔ ɔ, benɛ a maa kojo lɛ ɔ, Mawu be lɛ mɔbɔ nae; se ke o naa mɔbɔ ɔ, Mawu be mo fɔ bue.

La 62:12

E de hu ke lɛ Nyɔmtsɛ ɔ, e suɔmi ɔ ngɛ daa. Ee, mo Nyɔmtsɛ nitsɛ lɛ o woɔ nɔ tsuaa nɔ hiɔ bɔ nɛ sa e ní tsumi.

La 28:4

Gbla a tue ngɛ a ní peemi ní ɔmɛ a he; gbla a tue ngɛ a yi wu tso ní ɔmɛ a he; wo mɛ hiɔ bɔ nɛ sa mɛ pɛ.

Yesaya 65:20

Ma he nɛ ɔ mi ɔ, bimwɔyo be gboe hu; nɔmoyo hu be gboe loko e be maa su. Ke a fɔ nɔ ko ɔ, ja e ye jeha lafa loko e ma gbo. Yayami peelɔ pɛ nɛ lɛɛ e be nae ja.

Yesaya 48:22

Yawɛ ke, “Yayami peeli be he jɔmi nae gblegbleegble.”

Abɛ Womi 1:31

Lɔ ɔ he ɔ, nɔ́ nɛ nyɛ tsu ɔ, lɔ ɔ he hiɔwo nyɛ ma na; nyɛ ní yaya amɛ nɔuu maa hao nyɛ.

2 Korintobi 5:10

Ejakaa ja wɔ tsuo wa pue ngɛ Kristo hɛ mi, nɛ e kojo wɔ. Nɔ tsuaa nɔ ma na nɔ́ nɛ e tsu ngɛ je nɛ ɔ mi ɔ he hiɔwo, kpakpa jio, yayami jio.

Mose I, 18:25

Dɛbi, e ko ba mi kaa o maa pee nɔ́ nɛ ɔ, kaa o maa gbe dali kɛ nimli yayamihi kɛ bla. Ke o pee ja a, kɛkɛ o gbla dali kɛ nimli yayamihi tsuo a tue kɛ bla. Dɛbi, e ko ba mi ja; je ɔ tsuo kojolɔ ɔ, e sa kaa e yeɔ dami sane.”

Kronika II, 6:23

Yawɛ lee, moo bu tue ngɛ hiɔwe, nɛ o kojo o tsɔli ɔmɛ. Nɔ nɛ ye fɔ ɔ, gbla e tue bɔ nɛ sa lɛ; se nɔ nɛ pee we yayami ko ɔ lɛɛ o wo lɛ nguɔ.

Hiob 10:15

Ke i pee yayami ɔ, musu tloo mi. Ke i pee nɔ́ nɛ da tete po, haomi kɛ zo ha we nɛ ma nyɛ ma wo ye yi nɔ.

Abɛ Womi 12:14

Munyu kpakpahi nɛ jeɔ nɔ ko nya mi, kɛ níhi nɛ e tsuɔ ɔ, lɔ ɔmɛ a he hiɔwo e naa.

Yesaya 13:11

Bɔ nɛ Yawɛ ngɛ dee ji nɛ ɔ nɛ: “Ma ha amanehlu maa ba je ɔ mi tsuo, nɛ ma gbla yiwutsotsɛmɛ tsuo a tue ngɛ a yayami ɔmɛ a he. Nɔ tsuaa nɔ nɛ woɔ e he nɔ ɔ, ma ba lɛ si; nɛ nɔ tsuaa nɔ nɛ peeɔ pupuupu, aloo e yi mi wa a, ma gbla e tue.

Yesaya 65:6

“I pee ye yi mi momo, nɛ i ngma ngɔ fɔ si ke i be ye nya mae hu; ma gbla a tue wawɛɛ kɛ to nane mi sisiisi

Yesaya 65:7

ngɛ mɛ nitsɛmɛ, kɛ a nɛmɛ ɔmɛ a he yayami ɔmɛ tsuo a he. Ejakaa a ya sãã tsopa kɛ e he via ngɛ yo ɔmɛ a nɔ. A tuɔ munyu hu kɛ siɔ mi ngɛ yoku ɔmɛ a nɔ. Enɛ ɔmɛ tsuo a he ɔ, ma gbla a tue sisiisi bɔ nɛ sa.”

Yeremia 21:14

Se imi lɛɛ ma gbla o tue ngɛ nɔ́ nɛ o pee ɔ he. Ma mɛ o matsɛ we ɔ he la, nɛ la a maa sa nɔ́ tsuaa nɔ́ kɛ bɔle si. Imi, Yawɛ lɛ i de.”

Yeremia 31:30

Se mohu ɔ, ke nɔ ko pee yayami ɔ, lɛ nitsɛ e yayami ɔ lɛ maa gbe lɛ; nɔ tsuaa nɔ nɛ maa ye wai yiblii ngmlikiti ɔ, lɛ nitsɛ e lungu lɛ maa fĩa.”

Ezekiel 2:10

E bli womi ɔ mi kɛ fɔ si. A ngma ní ngɛ womi ɔ hɛ mi, kɛ e se tsuo. Kɔmɔ yemi, huu fami, kɛ awe nyami munyuhi lɛ ngɛ mi.

Ezekiel 18:20

Nɔ nɛ peeɔ yayami ɔ, lɛ nɔuu lɛ ma gbo. Bi be nɔ́ nae ngɛ e tsɛ yayamihi a he, nɛ tsɛ hu be nɔ́ nae ngɛ yayamihi nɛ e bi pee ɔ a he. Nɔ nɛ peeɔ nɔ́ nɛ da a ma na hiɔwo kpakpa, se nɔ nɛ peeɔ yayami ɔ, a maa gbla e tue ngɛ yayamihi nɛ e pee ɔ a he!

Ezekiel 24:14

Imi, Yawɛ nitsɛ lɛ i de. Be ɔ su jehanɛ; bɔ nɛ i de ɔ, ja ma pee. I be ye nya se kpalee; i be mɔbɔ nae, nɛ i be ye he piae hulɔ. Yayamihi nɛ o pee ɔ a he ɔ, ma gbla o tue bɔ nɛ sa mo.” Nyɔmtsɛ Yawɛ lɛ de.

Ezekiel 33:8

Ke i de ke yayami peelɔ ko ma gbo ngɛ e yayami nɛ e ngɛ pee ɔ he, se o bɔɛ lɛ kɔkɔ, konɛ e tsake kɛ je e blɔ yayami ɔ nɔ nɛ e yi nɛ na wami ɔ, e ma gbo ngɛ e yayami ɔmɛ a he lɛɛ, se ma bi e muɔ si ngɛ o dɛ.

Mika 3:4

Be ma nɛ nyɛ ma kpa ngmlaa kɛ tsɛ Yawɛ, se e be nyɛ nya mi poe. E be nyɛ kue fami ɔ tue bue, ejakaa nyɛ pee yayami.

Mika 7:13

Se zugba a hɛ mi ma kpata; ejakaa nihi nɛ ngɛ zugba a nɔ ɔ, yiwutsotsɛmɛ ji mɛ.

Mose IV, 32:23

Se ke nyɛ yi nyɛ si womi ɔ nɔ ɔ, lɛɛ nyɛ na nɛ nyɛɛ le kaa nyɛ pee yayami kɛ si Yawɛ; nɛ bɔ tsuaa bɔ nɛ pee ɔ, nyɛ ma na nyɛ yayami ɔ he tue gblami.

Manyadali 9:57

Jehanɛ hu, yi wu tso níhi nɛ Shekem bi ɔmɛ pee ɔ, Mawu ha lɛ tsuo kpale bu mɛ nitsɛmɛ a yi mi; nɛ Yerubaal binyumu Yotam gbiɛmi ɔ ba a nɔ.

Samuel II, 3:39

Imi lɛɛ a pɔ mi nu nɛ a wo mi matsɛ mohu, se mwɔnɛ ligbi nɛ ɔ, i pee kaa nɔ nɛ be he wami. Kikɛmɛ a Zeruya binyumu nɛ ɔmɛ a sane wa pe mi. Yawɛ nɛ wo yayami peelɔ ɔ hiɔ bɔ nɛ sa lɛ!”

Matsɛmɛ I, 21:21

Lɔ ɔ he ɔ, Yawɛ ngɛ mo dee ke, ‘I kɛ haomi maa ba o nɔ. Ma kpata o hɛ mi, nɛ ma gbe nyumu tsuaa nyumu ngɛ o we ɔ mi, nyɔguɛ jio, odehe jio.

Abɛ Womi 11:31

Nɔ nɛ peeɔ nɔ́ nɛ da a, e naa e hiɔwo ngɛ zugba nɛ ɔ nɔ tete po. Lɔ ɔ he ɔ, yiwutsotsɛmɛ, kɛ yayami peeli hu ja a gbla a tue kɛ̃.

Abɛ Womi 26:27

Nɔ nɛ tsuaa muɔ kɛ fɔɔ si ha nɔ ko ɔ, lɛ nɔuu lɛ e maa nɔ mi. Nɔ nɛ kpɛneɔ tɛ ɔ, lɛ nɔuu e nɔ tɛ ɔ maa nɔ.

Ezekiel 16:59

Nyɔmtsɛ Yawɛ ke, “I kɛ mo maa to ní kaa bɔ nɛ mo hu o pee ɔ; ejakaa o bui somi ɔ, nɛ kita nɛ o ka a, o yi nɔ.