Yesaya 3:10 - BAIBLO ALOO NGMAMI KLƆUKLƆU Ɔ

¹⁰ Nihi nɛ peeɔ nɔ́ nɛ da a, a bua maa jɔ, nɛ a nɔ́ tsuaa nɔ́ maa ya nɔ saminya. A maa ye a dengme gbomi mi ngɔɔmi.

Yesaya 3:10 ပူးပေါင်းရင်းမြစ်များ

Mose I, 18:25

Dɛbi, e ko ba mi kaa o maa pee nɔ́ nɛ ɔ, kaa o maa gbe dali kɛ nimli yayamihi kɛ bla. Ke o pee ja a, kɛkɛ o gbla dali kɛ nimli yayamihi tsuo a tue kɛ bla. Dɛbi, e ko ba mi ja; je ɔ tsuo kojolɔ ɔ, e sa kaa e yeɔ dami sane.”

La 58:11

Bɔ nɛ nimli adesahi ma de ji, “Niinɛ, ni nɛmɛ nɛ peeɔ nɔ́ nɛ da a, a naa hiɔwo kpakpa. Niinɛ, Mawu ngɛ, nɛ e kojoɔ je ɔ tsuo.”

Mose II, 1:20

Akɛnɛ fɔliyi ɔmɛ yee Mawu gbeye he je ɔ, Mawu gbaa mɛ, nɛ e ha mɛ nitsɛmɛ bimɛ. Israel bi ɔmɛ hu fɔ babauu, nɛ a he wa.

Abɛ Womi 10:6

Nɔ nɛ peeɔ nɔ́ nɛ da a, a maa gbaa lɛ babauu. Se yiwutsotsɛ lɛɛ e nya mi munyu puɛɔ nɔ́.

Abɛ Womi 12:14

Munyu kpakpahi nɛ jeɔ nɔ ko nya mi, kɛ níhi nɛ e tsuɔ ɔ, lɔ ɔmɛ a he hiɔwo e naa.

Abɛ Womi 13:21

Haomi nyɛɛɔ yayami peeli a se. Se nihi nɛ peeɔ nɔ́ nɛ da lɛɛ a ma na hiɔwo kpakpa.

Abɛ Womi 18:21

Munyu nɛ jeɔ nɔ nya mi ɔ, gbenɔ, loo wami lɛ e kɛ baa. Nihi nɛ suɔ munyu tumi ɔ, nɔ́ kpakpa, loo nɔ́ yaya ko nɛ maa je mi kɛ ba a, e sa mɛ.

Fiɛlɔ 8:12

Yayami peelɔ peeɔ yayami si lafa, nɛ e gbo we. Se kɛ̃ ɔ, i le kaa nihi nɛ yeɔ Mawu gbeye anɔkuale mi ɔ, e hii ha mɛ.

Yesaya 54:17

Se ta hwumi níhi nɛ a sɔ̃ nɛ ɔmɛ ekoeko be nyɛe maa pee mo nɔ́ ko; jehanɛ hu, nɔ tsuaa nɔ nɛ kɛ mo ma na sane ɔ, a maa bu lɛ fɔ. Ma bu ye tsɔli ɔmɛ a he, nɛ ma ha a maa ye kunimi.” Yawɛ lɛ de.

Yeremia 15:11

Yawɛ, ha nɛ a gbiɛ mi! Anɛ i sɔmɔ we mo saminya lo? Anɛ i fa we kue ha mo ngɛ ye he nyɛli nɛ ɔmɛ a he, benɛ a ngɛ haomi kɛ fimi mi lo?

Yeremia 21:14

Se imi lɛɛ ma gbla o tue ngɛ nɔ́ nɛ o pee ɔ he. Ma mɛ o matsɛ we ɔ he la, nɛ la a maa sa nɔ́ tsuaa nɔ́ kɛ bɔle si. Imi, Yawɛ lɛ i de.”

Yeremia 22:15

Ke o ngɔ seda kɛ po we saminyayoo nɛ ngɛ fɛu pe ni kpahi a wehi ɔ, anɛ lɔ ɔ peeɔ mo matsɛ slɔɔto ko lo? O tsɛ hi si saminya, nɛ nɔ́ tsuaa nɔ́ hi ha lɛ; e ye je mi ngɔɔmi nɛ e fiɛ e yi nɔ bɔ nɛ sa. Ejakaa e ye dami sane ngɛ nɔ́ tsuaa nɔ́ mi.

Yeremia 7:23

Mlaa nɛ i wo mɛ ji a bu mi, konɛ ma pee a Mawu, nɛ a pee ye ma. I de mɛ ke mlaa nɛ i wo mɛ ɔ, a ye nɔ, konɛ e hi ha mɛ.

Ezekiel 18:20

Nɔ nɛ peeɔ yayami ɔ, lɛ nɔuu lɛ ma gbo. Bi be nɔ́ nae ngɛ e tsɛ yayamihi a he, nɛ tsɛ hu be nɔ́ nae ngɛ yayamihi nɛ e bi pee ɔ a he. Nɔ nɛ peeɔ nɔ́ nɛ da a ma na hiɔwo kpakpa, se nɔ nɛ peeɔ yayami ɔ, a maa gbla e tue ngɛ yayamihi nɛ e pee ɔ a he!

Ezekiel 9:4

E de lɛ ke, “Yaa kpa si kɛ gu Yerusalem ma a mi tsuo. Nihi nɛ ngɛ haoe, nɛ a ngɛ kɔmɔ yee ngɛ ní hiemi níhi nɛ a ngɛ pee ɔ a he ɔ, pee okadi ngɛ a hɛ nya.”

Mika 7:13

Se zugba a hɛ mi ma kpata; ejakaa nihi nɛ ngɛ zugba a nɔ ɔ, yiwutsotsɛmɛ ji mɛ.

Zefania 2:3

Nyɛ nihi tsuo nɛ nyɛ ngɛ je ɔ mi, nɛ nyɛ baa nyɛ he si, nɛ nyɛ yeɔ Yawɛ mlaa amɛ a nɔ, nyɛ hla e se blɔ. Nyɛɛ pee nɔ́ nɛ da, nɛ nyɛɛ ba nyɛ he si; alini, ligbi ɔ nɛ Yawɛ mi mi ma fu wawɛɛ, nɛ e maa gbla nihi a tue ɔ, nyɛɛ lɛɛ a maa laa nyɛ nɔ.

Malaki 3:18

Jamɛ a be ɔ mi ɔ, ye ma a maa na slɔɔto nɛ ngɛ dalɔ kɛ yayami peelɔ a kpɛti; nyɛ maa na slɔɔto nɛ ngɛ nɔmlɔ nɛ sɔmɔɔ mi, kɛ nɔ nɛ sɔmɔ we mi ɔ a kpɛti.” Yawɛ Tabohiatsɛ ɔ lɛ de.

Luka 19:19

Nyɔmtsɛ ɔ de lɛ hu ke, ‘O maa ye ma enuɔ nɔ.’

Mose V, 12:25

Ke nyɛ ye mlaa nɛ ɔ nɔ ɔ, Yawɛ bua maa jɔ, nɛ nɔ́ tsuaa nɔ́ maa hi ha nyɛɛ kɛ nyɛ nina tsuo.

Hebribi 6:10

Mawu yi tue gbogboe sane. Ní nɛ nyɛ tsu, kɛ suɔmi nɛ nyɛ je kpo ha lɛ ɔ, e hɛ be nɔ jee gblegbleegble. Nyɛ pee enɛ ɔ kɛ sɔmɔ ní klɔuklɔu ɔmɛ, nɛ nyɛ ngɛ pee kɛ mwɔɔ.