Yesaya 3:1 - BAIBLO ALOO NGMAMI KLƆUKLƆU Ɔ

¹ Bu tue! Nyɔmtsɛ Yawɛ Tabohiatsɛ ɔ be blɔ ngmɛe nɛ nihi nɛ a ba ye bua Yuda ma a, kɛ Yerusalem hu. E ma ha a niye ní, kɛ nyu maa ta.

Yesaya 3:1 ပူးပေါင်းရင်းမြစ်များ

Mose III, 26:26

Ma ha nɛ nyɛ niye ní se maa po kulaa. Niye ní he maa hia bɔ nɛ abolo tsuo nɛ nyɛ maa ye ɔ, yihi nyɔngma pɛ maa sã ngɛ flɔɔnɔɔ kake mi. A maa ngmɛ abolo ɔ ngɛ sɛni tɛ nɔ ha nyɛ, nɛ ke nyɛ ye ɔ nyɛ be tɔe.

Ezekiel 14:13

“Nɔmlɔ adesa, ke ma ko pee yayami, nɛ e yi mi anɔkuale ɔ, tue gblami nɛ e ma na ji, ma ha nɛ e niye ní se maa po, nɛ hwɔ maa ba ma a nɔ; nimlihi kɛ lohwehi tsuo a hɛ mi ma kpata.

Yesaya 1:24

Lɔ ɔ he ɔ, ta tue ha nɔ́ nɛ Yawɛ Tabohiatsɛ, Israel Mawu, hewamitsɛ ɔ ngɛ dee ɔ: “Ma ye ye he lue ngɛ nyɛ he nyɛli ɔmɛ a nɔ, konɛ nyɛ ko ba gba ye nya hu.

Yeremia 38:9

“Nɛnɛ, nɔ́ nɛ nimli nɛ ɔmɛ pee nɛ ɔ dɛ. Vu ɔ mi nɛ a ngɔ gbalɔ Yeremia ya wo nɛ ɔ, hwɔ maa gbe lɛ ngɛ lejɛ ɔ; ejakaa niye ní ta ma a mi.”

Yeremia 37:21

Kɛkɛ nɛ Matsɛ Zedekia fa, nɛ a ya wo mi tsu ngɛ matsɛ we ɔ kue ɔ mi. Daa ligbi ɔ a jeɔ abolo sali ɔmɛ a hi he ɔ, ba haa mi abolo bɔbɔɛ kake. Nɔ́ nɛ ɔ ya nɔ hluu kɛ ya si abolo ta ma a mi tsuo.

Yesaya 51:22

Nyɔmtsɛ Yawɛ, o Mawu ɔ nɛ faa e ma a he ɔ, bɔ nɛ e ngɛ dee ji nɛ ɔ nɛ: “Kplu nɛ i ngɔ ha mo ngɛ abofu nya a, i ngɛ hee ngɛ o dɛ. O be dã a nue hu konɛ o ko tataa si kaa dã tɔlɔ hu.

Yesaya 36:12

Se asafoatsɛ ɔ he nɔ ke, “Anɛ nyɛ susuu kaa nyɛɛ kɛ nyɛ matsɛ ɔ ngɔ kɛkɛ matsɛ nguaa tsɔ mi ke ma ba de nyɛ ní nɛ ɔmɛ lo? Nihi nɛ pueɔ si ngɛ gbogbo ɔ nɔ ɔ, mɛ hu munyu nɛ ɔ kɔɔ a he; a maa ye mɛ nitsɛmɛ a fĩ, nɛ a maa nu mɛ nitsɛmɛ a zami kaa nyɛ nɔuu.”

Yesaya 5:13

a maa nuu nyɛ nɛ a maa bɔ nyɛ pã kɛ ho ma se ya. Mi mi hwɔ maa gbe nyɛ ma nimeli ɔmɛ, nɛ kuma maa ye ni gu ɔmɛ kɛ yaa si a ma gbo.

Yesaya 2:22

Nyɛ ko ngɔ nyɛ hɛ ngɔ fɔ nɔmlɔ adesa nɔ. Tlukaa kɛkɛ e mumi je e mi, nɛ e he be se nami hu.

La 105:16

Jehanɛ, Yawɛ ha nɛ hwɔ ba zugba a nɔ, nɛ Kanaan bi ɔmɛ a niye ní tsuo ta.

Yesaya 3:16

Yawɛ ke, “Hyɛ bɔ nɛ Yerusalem yi ɔmɛ ngɛ a he tsɔɔe ha! Ke a ngɛ nyɛɛe ɔ, a woɔ a hɛ mi nɔ kɛ hii kɔɔhiɔ mi fue. Basabasa peemi pɛ a suɔ be tsuaa be. A hiaa a nane bitibiti kɛ kɔsɔɔ, nɛ a nane si ga amɛ hii pɛe ngmleingmlei.

Yesaya 9:20

O maa na nɛ nihi ngɛ ní gblɔe hiɔ kɛ muɔ, nɛ a ngɛ yee tsuatsuaatsua, se a tɔɛ gblee. Mɛ nitsɛmɛ a bimɛ po, a ngɛ yee!

Yeremia 52:3

Yawɛ mi mi fu Yuda ma a, kɛ nihi nɛ ngɛ Yerusalem ɔ wawɛɛ nitsɛ kɛ ya si e je e hɛ ngɛ a nɔ. Zedekia tsɔ atuã kɛ wo Babilonia matsɛ, Nebukadnezar.

Yeremia 52:6

Nyɔhiɔ nɛ ji eywiɛ ɔ we ligbi nɛ ji nɛɛ ɔ, benɛ hwɔ ɔ nya ba wa, nɛ ma mi bi ɔmɛ na we ní nɛ a ye ɔ,

Kɔmɔ Yemi 5:4

Nyu nɛ wa nuu ɔ po e hia kaa waa wo he hiɔ; nɛ lɛ́ nɛ wa ma slɛ hu ja wa he kɛ sika.

Amos 4:6

“Imi lɛ i ha nɛ hwɔ ba nyɛ ma amɛ tsuo a mi ɔ nɛ; se kɛ̃ ɔ, nyɛ kpale we kɛ bɛ ye ngɔ.” Yawɛ lɛ de.

Mika 4:9

Mɛni he je o ngɛ ngmlaa kpae wawɛɛ kikɛ nɛ ɔ? Mɛni he je o pee kaa yo nɛ nu kɔɔmi ɔ? Anɛ matsɛ be o dɛ lo? Anɛ o ga woli ɔmɛ gbo lo?

Matsɛmɛ II, 25:3

Nyɔhiɔ nɛ ji eywiɛ ɔ we ligbi nɛ ji nɛɛ ɔ, benɛ hwɔ ɔ nya ba wa nɛ ma mi bi ɔmɛ na we ní nɛ a ye ɔ,