Yesaya 29:3 - BAIBLO ALOO NGMAMI KLƆUKLƆU Ɔ

³ Mawu ma ba tua ma a, nɛ e ma sa ma a yi; a maa fia kpoku gojogojoohi kɛ wo e he ka.

Yesaya 29:3 ပူးပေါင်းရင်းမြစ်များ

Ezekiel 21:22

Kɛ̃ɛ̃ nɛ e hɛɛ ngɛ e hiɔ nine mi ɔ maa tsɔɔ Yerusalem. E maa tsɔɔ lɛ kaa e ya fia gbogbo kumi kpoku kɛ wo ma a he; e kpa ngmlaa nɛ e he ose wawɛɛ; e ngɔ gbogbo kumi níhi kɛ to agbo ɔmɛ a nya; e fia kpokuhi, nɛ e ma mɔhi.

Mateo 22:7

Matsɛ ɔ mi mi fu, nɛ e tsɔ ta buli kɛ ho, nɛ a ya kpata jamɛ a awi yeli ɔmɛ a hɛ mi, nɛ a sã ma a.

Matsɛmɛ II, 19:32

“Lɔ ɔ he ɔ, bɔ nɛ Yawɛ de ngɛ Asiria matsɛ ɔ he ji nɛ ɔ nɛ: ‘E be ma nɛ ɔ mi sɛe, nɛ e be kɛ̃ɛ̃ ko hu tsɛ̃e kɛ ba hiɛ ɔ. Ta buli nɛ hɛɛ tsɛi be ma a he sue, nɛ a be kpoku ko fiae kɛ wo ma a he.

Matsɛmɛ II, 18:17

Asiria matsɛ ɔ wo ta buli babauu blɔ kɛ je Lakish kɛ ya tua Hezekia ngɛ Yerusalem. Senakerib we asafoatsɛmɛ kpanakpanaa etɛ ji a nyatsɛmɛ. Benɛ a su Yerusalem ɔ, a ya da si ngɛ blɔ ɔ nɔ he nɛ bo loli ɔmɛ tsuɔ ní ngɛ ɔ. Nyu dɔ ko ngɛ lejɛ ɔ, nɛ e mi lɛ nyu nɛ jee taku ɔ mi ngɛ yiti je ɔ guɔ.

Mose V, 20:20

Se tsohi nɛ o le kaa a yi a yiblii ɔ, o ma nyɛ ma kɛ pee níhi nɛ a maa da nɔ kɛ sá ma a yi kɛ ya si be nɛ o maa ngɔ ma a.

Yesaya 1:8

A si Yerusalem kɛ fɔ si mɔbɔmɔbɔ kaa ma nɛ ta sá e yi. E ngɛ kaa bulɔ tsu bi ko ngɛ wai ngmɔ mi, loo gba nɛ a ma ngɛ atlɛ ngmɔ mi.