Yesaya 28:4 - BAIBLO ALOO NGMAMI KLƆUKLƆU Ɔ

⁴ Bɔ nɛ ke nɔ ko na ngmɔkɔ nɛ fu loko e fumi be su, nɛ e tsɔɔ nɛ e yeɔ tsuatsuaatsua a, ja ma nimeli nɛ ɔmɛ a hɛ mi nyami ɔ maa laa si kake too.

Yesaya 28:4 ပူးပေါင်းရင်းမြစ်များ

Nahum 3:12

O mɔ nguangua amɛ tsuo maa pee kaa ngmɔkɔ tsohi nɛ a nɔ yiblii fu. Nɔ ko nɛ huanya tso ɔ piɔ kaa yiblii ɔmɛ be tsɔe ba nɔ nɔ ɔ nya mi klom lo!

Mika 7:1

Akuanyɛ! I pee kaa nɔ ko nɛ hwɔ gbe lɛ, nɛ e nɛ tso yiblii ko ngɛ tso ɔmɛ a nɔ, aloo wai yiblii ko ngɛ wai tso ɔmɛ a nɔ nɛ e ye. A kplɔ wai yiblii ɔmɛ, kɛ ngmɔkɔ nganangana amɛ tsuo ta.

Hosea 6:4

Se Yawɛ ke, “Israel kɛ Yuda, kɛ ma pee nyɛ kɛɛ? Suɔmi nɛ nyɛ ngɛ kɛ ha mi ɔ ngɛ kaa afua nɛ wo mɔtu, loo bɔ́ nɛ́ nɛ; bɔɔ kɛkɛ e se po.

Yesaya 28:1

Musu tloo Efraim nina, Israel nɔ yemi ɔ. E hɛ mi nyami ɔ ngɛ tae kaa mɔmɔ jlasi nɛ ma nimeli dã tɔli ngɔ fi a yi. A wo a yi mi nu je via saminya lɛɛ, se hyɛ mɛ nɛ a tɔ dã kpɔtɔɔ kɛ pueɔ si.

Kpojemi 6:13

Dodoe ɔmɛ tsɔ fia si kaa bɔ nɛ ngmɔkɔ tso yiblii kplɔɔ pueɔ si ke kɔɔhiɔ nguaa fia a.

Hosea 13:15

Ke Israel ma a ngɛ plɔkee, nɛ e pee plɔplɔɔplɔ kaa nga po, ma ha kɔɔhiɔ nɛ mi dɔ la maa fia kɛ je nga kplanaa a nɔ ngɛ beleku je kɛ ba. Kɔɔhiɔ ɔ ma ha nɛ nyu maa ta a vu ɔmɛ a mi, nɛ pa amɛ maa mii. Ma ha a juetli tsuo maa ta.

Hosea 13:1

Be ko nɛ be ɔ, ke Efraim wɛtso ɔ de nɔ́ ko ɔ, Israel wɛtso kpa amɛ yee gbeye; ejakaa a buu Efraim saminya. Se ma a pee yayami kaa a ya ja Baal; lɔ ɔ he ɔ, a ma gbo.

Hosea 9:16

Israel ma a, musu tloo mɛ pɛ; a ngɛ kaa tso nɛ e sipoku gbli, nɛ e wui yiblii. A be fɔe; nɛ ke a fɔ tete po, bimɛ ɔmɛ nɛ a suɔ saminya a, ma kpata a hɛ mi.”

Yesaya 8:4

Loko bi nɛ ɔ maa le ‘Maa’ loo ‘Tsaatsɛ’ demi ɔ, Asiria matsɛ ɔ ma ba muɔ Damasko sika tsuo, kɛ Samaria ta yibu ní tsuo kɛ ho.”