Yesaya 28:2 - BAIBLO ALOO NGMAMI KLƆUKLƆU Ɔ

² Nyɔmtsɛ ɔ ngɛ he walɔ katsɛ ko nɛ ma ba tua mɛ. E maa ba kaa gbiɛ ngo ngu; e maa fo dɔ kaa hiɔmi nyu nɛ bee lalaala, nɛ haa pa hyiɔ kɛ ywiaa nga kɛ haa zugba a nɔ.

Yesaya 28:2 ပူးပေါင်းရင်းမြစ်များ

Nahum 1:8

E kpataa e he nyɛli ɔmɛ a hɛ mi pɛsɛpɛsɛ kaa bɔ nɛ pa nguaa nɛ ngɛ bee kɛ fo kpataa níhi a hɛ mi ɔ; e gbeɔ nihi nɛ tee si woɔ lɛ ɔ.

Ezekiel 13:11

De ni nɛmɛ nɛ ngɔ kalo kɛ ngɛ gbogbo ɔ he kpae ɔ ke gbogbo ɔ maa nɔ si oo! Hiɔmi maa nɛ wawɛɛ; gbiɛ ngo ngu agbohi ma pue si, nɛ ahumi maa fia.

Yesaya 30:30

Nɔ tsuaa nɔ maa na e he wami kpetekpleenyɛ ɔ nɛ ngɛ ní tsue, kɛ bɔ nɛ e mi mi fu wawɛɛ ɔ; la nɛ puɛɔ ní maa tso plamplam, nɛ ahumi maa fia; hiɔmi maa nɛ, nɛ gbiɛ ngo ngu ma pue si.

Yesaya 29:6

Yawɛ Tabohiatsɛ ɔ ma he o yi wami. E ma ha hiɔmi ma si, zugba ma mimiɛ wawɛɛ, nɛ lejɛ ɔ tsuo maa pee hoo. Lasiogblee, ahumi, kɛ la gegeege maa ba;

Yesaya 27:1

Jamɛ a ligbi ɔ, Yawɛ kɛ e klaate kpetekpleenyɛ ɔ maa gbe wo mi sinɔ agbo langalanga a.

Kpojemi 18:8

Enɛ ɔ he je ɔ, haomi nɛ ɔmɛ maa ba e nɔ ligbi kake too: gbenɔ hiɔ, aywilɛho, kɛ hwɔ. Nɛ a kɛ la maa sã lɛ, ejakaa Nyɔmtsɛ Mawu ɔ nɛ maa kojo lɛ ɔ, e kle.”

Yesaya 40:10

Nyɔmtsɛ Yawɛ ma kɛ he wami; e ngɛ tsɛ yee; e hɛɛ e ma mi bi ɔmɛ a hiɔwo kɛ ma; e maa wo nɔ tsuaa nɔ hiɔ ngɛ nɔ́ nɛ e tsu he.

Yesaya 25:4

O ngɛ kaa mɔ kɛ ha ohiatsɛmɛ. O ngɛ kaa mɔ kɛ ha nɔ́ nali. Mo ji a wesa he ngɛ kɔɔhiɔ nɛ nya wa mi, kɛ hɔ̃ ngɛ pu ngmangmaangma nya. Yiwutsotsɛmɛ nɛ a yi mi wa kaa ahumi ngɛ fĩɛ be mi po, o jeɔ mɛ kɛ jeɔ a dɛ mi.

Kpojemi 8:7

Kekleekle bɔfo ɔ kpa e titimati ɔ, nɛ gbiɛ ngo ngu, kɛ la nɛ muɔ futu mi ba pue zugba a nɔ, nɛ zugba a mi dlami etɛ mi kake, tsohi a mi dlami etɛ mi kake, kɛ ba mumu tsuo pɛpɛɛpɛ sã.

Yoshua 10:11

Be mi nɛ Amor bi ɔmɛ ngɛ fo tue ngɛ Israel bi ɔmɛ a ta a nya kɛ gu yo kpɛ blɔ ɔ kɛ yaa a, Yawɛ ha gbiɛ ngo ngu nguahi je hiɔwe ba nɔɔ a nɔ. Nihi nɛ gbiɛ ngo ngu ɔ gbe ɔ hiɛ kulaa pe nihi nɛ Israel bi ɔmɛ kɛ klaate gbe.

Hiob 22:16

Loko jamɛatsɛmɛ ɔmɛ a be maa su ɔ, pa nɛ hia kɛ bee ba sa mɛ kɛ a sipoku tsuo kɛ ho momo.

Yesaya 8:6

E ke, “Akɛnɛ ma nɛ ɔ sume Shiloa pa a nɛ mi nyu ɔ bee dii ɔ, se Matsɛ Rezin kɛ Matsɛ Peka mohu he a he ngɛ doe ngɛ ɔ,

Yesaya 30:28

Ke e wo mumi ɔ, e ngɛ kaa pa nɛ hia lalaala kɛ bee nɛ hyiɔ kɛ ya taa nɔ kuɛ si tɔɔ, konɛ e sa je ma amɛ a mi nɛ e gbla a tue. Kɛkɛ ɔ, yi mi yaya nɛ a to ɔ tsuo maa pee yaka.

Yesaya 32:19

(Se gbiɛ ngo ngu maa nɛ pue a ngmɔ ɔmɛ a mi, nɛ a ma a hɛ mi ma kpata.)

Ezekiel 38:9

E kɛ e tabo ɔ, kɛ je mahi babauu ma ba tua lejɛ ɔ kaa ahumi; a maa ha zugba a nɔ kaa bɔku.”

Daniel 9:26

Jeha lafa kɛ nyingmi etɛ kɛ eywiɛ se ɔ, a maa gbe hɛ mi nyɛɛlɔ ɔ nɛ Mawu hla a yaka gu. Lɔ ɔ se ɔ, ganɔ ngua ko ma ba tua Yerusalem, nɛ e tabo ɔ ma kpata ma a, kɛ Yawɛ we ɔ a hɛ mi. Nyagbe ɔ maa ba kaa nyu kpekpemi, nɛ ta kɛ hɛ mi kpatami nɛ Mawu de to ɔ maa nyɛɛ se.