Yesaya 28:1 - BAIBLO ALOO NGMAMI KLƆUKLƆU Ɔ

¹ Musu tloo Efraim nina, Israel nɔ yemi ɔ. E hɛ mi nyami ɔ ngɛ tae kaa mɔmɔ jlasi nɛ ma nimeli dã tɔli ngɔ fi a yi. A wo a yi mi nu je via saminya lɛɛ, se hyɛ mɛ nɛ a tɔ dã kpɔtɔɔ kɛ pueɔ si.

Yesaya 28:1 ပူးပေါင်းရင်းမြစ်များ

Hosea 7:5

Ke matsɛ ɔ ngɛ e fɔmi ligbi yee ɔ, e kɛ e ma nimeli ɔmɛ nuɔ dã nɛ a deɔ, kɛkɛ a bɔni biɛmi.

Yesaya 28:7

Gbali ɔmɛ, kɛ osɔfo ɔmɛ pohu tɔɔ dã, nɛ a tataa si. Wai kɛ dã nɛ nya wa fuu tsɔ nɛ a nuu ɔ, haa a hii si tɛe basabasa. Gbali ɔmɛ tɔɔ dã kpɔtɔɔ; lɔ ɔ he ɔ, ninahi nɛ Mawu haa mɛ ɔ, a nui sisi. Osɔfo ɔmɛ hu tɔɔ dã kpɔtɔɔ ja nɔuu; mɛ hu sanehi nɛ a kɛ ba haa mɛ ɔ, a nyɛ we nɛ a hyɛɛ mi.

Amos 6:6

Nyɛ nuɔ dã bami ngɛ tsimi agboagbohi a mi, nɛ nyɛ kpaa nu je via kpakpahi. Se nyɛ yi kɔmɔ kaa a ma kpata Israel hɛ mi.

Amos 6:1

Nyɛ nihi nɛ nyɛ he mi jɔ nyɛ ngɛ Zion, kɛ nyɛ Samaria bi nɛ e peeɔ nyɛ kaa nɔ́ ko he hia we nyɛ, musu tloo nyɛ! Nyɛ Israel ma kpetekpleenyɛ nɛ ɔ mi ganɔhi nɛ ma a mi bi ba biɔ yemi kɛ buami ngɛ nyɛ ngɔ, musu tloo nyɛ!

Amos 2:12

Se nyɛ ha nɛ Nazir bi ɔmɛ nu dã, nɛ a puɛ kɔ; gbali ɔmɛ hu, nyɛ wo mɛ mlaa ke a ko de ye sɛ gbi ɔ. Ye ma Israel, anɛ nɔ́ nɛ ɔ be mi lo? Imi Yawɛ lɛ i ngɛ nyɛ bie!

Amos 2:8

Ngɛ nyɛ jami he ɔmɛ tsuo ɔ, bohi nɛ ohiatsɛmɛ kɛ ba toɔ nyɛ awaba a, jamɛ a bo ɔmɛ a nɔ nyɛ hwɔɔ. Dã nɛ nyɛ nuɔ ngɛ imi Mawu, ye we ɔ ji dã nɛ nyɛ heɔ ngɛ nihi nɛ nyɛ bu mɛ fɔ ɔ a dɛ.”

Hosea 6:10

I na nɔ́ ko ngɛ Israel nɛ ha nɛ ye he mi po; ye ma a ngɔ yahomi kɛ ble a he.

Hosea 5:5

Israel bi a he nɔ womi ɔ yeɔ odase kɛ siɔ mɛ. A he yayami ɔ kɛ tue gblami maa ba a nɔ, nɛ Yuda hu be e he yee.

Hosea 4:11

Yawɛ ke, “Wai he, kɛ wai momo ha nɛ ye ma a ngɛ biɛe! A je ye se kulaa!

Yesaya 9:9

Israel bi tsuo nɛ ngɛ Samaria ma a mi ɔ, a ti nɔ tsuaa nɔ ma na maa le kaa lɛ nɛ e tsu nɔ́ nɛ ɔ nɛ. Amlɔ nɛ ɔ lɛɛ, a ngɛ a he nɔ woe; a ngɛ pupuupu pee. A ngɛ dee ke,

Yesaya 8:4

Loko bi nɛ ɔ maa le ‘Maa’ loo ‘Tsaatsɛ’ demi ɔ, Asiria matsɛ ɔ ma ba muɔ Damasko sika tsuo, kɛ Samaria ta yibu ní tsuo kɛ ho.”

Yesaya 5:22

Musu tloo nyɛ! Nyɛ nihi nɛ nyɛ peeɔ kã ngɛ dã tɔmi he! Ke e su dã nɛ nya wa futumi nɔ ɔ, kɛkɛ nyɛ he mi wa nyɛ.

Yesaya 5:11

Musu tloo nyɛ! Nyɛ tee si makɛ mla, kɛkɛ nyɛ bɔni dã numi, nɛ gbɔkuɛ hu nyɛ hii si be fuu kɛ tɔɔ dã kpɔtɔɔ.

Abɛ Womi 23:29

Mɛnɔ naa nɔ́? Mɛnɔ haoɔ? Mɛnɔ kɛ nihi naa pɛ? Mɛnɔ hii kɔmɔ yee? Mɛnɔ naa pá ngɛ e he yaka gu? Mɛnɔ hɛngmɛhi peeɔ tsutsuutsu kɔlukɔlu?

Matsɛmɛ II, 15:29

Israel matsɛ, Peka yi nɔ ɔ, Asiria matsɛ, Tiglat Pileser ba ngɔ Iyon, Abel Bet Maaka, Yanoa, Kedesh, Hazor, Gilead, kɛ Galilea-Naftali zugba a tsuo; nɛ e ngɔ nimli nɛ ɔmɛ nyɔguɛ kɛ ho Asiria ya.

Mose III, 26:19

Ma ku nyɛ he nɔ womi, kɛ kuɛ mi timi ɔ nya; hiɔmi be nɛe; nyɛ zugba a ma gbli, nɛ e he maa wa kaa dade.

Hosea 5:9

Tue gblami be ɔ su ta, nɛ a ma kpata Israel hɛ mi pɛsɛpɛsɛ. Ee, Israel ma, nɔ́ nɛ maa ba nyɛ nɔ ji nɛ ɔ nɛ.

Yesaya 9:8

Nyɔmtsɛ ɔ bu Yakob nina, Israel ma a fɔ.

Yesaya 9:11

Enɛ ɔ he je ɔ, Yawɛ sú a he nyɛli ɔmɛ kɛ wo mɛ.

Amos 4:1

Amos ya nɔ nɛ e de ke, “Nyɛ Samaria yihi nɛ nyɛ plɔke pee tɔfutɔfu kaa Bashan nahi nɛ a je blɔ lɛ mɛ, nyɛɛ bu tue! Nyɛ nɛ nyɛ waa ohiatsɛmɛ yi mi, nɛ nyɛ sisiɔ dɛgutsɛmɛ, nɛ nyɛ nyɛɔ nyɛ hunomɛ a nɔ ke a ha nyɛ dã nɛ nyɛɛ nu!

Amos 6:4

Nyɛ nihi nɛ nyɛ jualeɔ nyɛ se ngɛ sa tso kpakpahi nɛ a he jua wa a nɔ, nɛ nyɛ yeɔ jijɔ, kɛ na kpakpahi a lo, musu tloo nyɛ!

Amos 6:8

Yawɛ Tabohiatsɛ Mawu ɔ ka e he kita ke, “Israel bi ɔmɛ a he nɔ womi ɔ, i hiee; a mɔ nguangua amɛ hu, i sume. Ma ngɔ a matsɛ ma a, kɛ e mi níhi tsuo kɛ ha a he nyɛli.”