Yesaya 27:8 - BAIBLO ALOO NGMAMI KLƆUKLƆU Ɔ

⁸ Tue gblami nɛ Yawɛ ha e ma a ji, e ha a nuu mɛ kɛ ho ma se ya. E ha beleku kɔɔhiɔ nɛ nya wa ko ba muɔ mɛ kɛ ho.

Yesaya 27:8 ပူးပေါင်းရင်းမြစ်များ

Hosea 4:1

Nyɛ Israel bi, nyɛɛ bu nɔ́ nɛ Yawɛ ngɛ dee ɔ tue. Yawɛ ke Israel ma a tɔ̃ e nɔ. E ke, “Anɔkuale yemi ta zugba a nɔ; suɔmi be, nɛ imi Mawu nitsɛ hu a li mi.

Ezekiel 19:12

Se a kɛ abofu hia wai tso nɛ ɔ, nɛ a sake lɛ ngɔ fɔ si. Ahlabata kɔɔhiɔ fia, nɛ e ha nɛ tso ɔ gbli, nɛ e yiblii tsuo kplɔ pue si; tso agbo ɔ nitsɛ hu gbli, nɛ a kɛ la sã.

Yeremia 10:24

Yawɛ, mo ka o ma a hɛ mi; ka wa hɛ mi bɔ pɛ nɛ sa kɛkɛ. Koo ngɔ abofu kɛ gbla wa tue; ke o pee ja a, wa hɛ mi ma kpata.

Yeremia 4:11

Be ma nɛ a ma de Yerusalem bi ɔmɛ ke ahlabata kɔɔhiɔ ko maa hia kɛ je nga kplanaa a nɔ kɛ ba a ngɔ; pi kɔɔhiɔ hɛlii nɛ maa muɔ jakati kɛ ho kɛkɛ.

1 Petro 1:6

Amlɔ nɛ ɔ, nyɛ ngɛ amanehlu slɔɔtohi nae be bɔɔ ko lɛɛ, se nyɛ bua nɛ jɔ nɔ́ nɛ Mawu pee ɔ he.

Hosea 13:15

Ke Israel ma a ngɛ plɔkee, nɛ e pee plɔplɔɔplɔ kaa nga po, ma ha kɔɔhiɔ nɛ mi dɔ la maa fia kɛ je nga kplanaa a nɔ ngɛ beleku je kɛ ba. Kɔɔhiɔ ɔ ma ha nɛ nyu maa ta a vu ɔmɛ a mi, nɛ pa amɛ maa mii. Ma ha a juetli tsuo maa ta.

Yeremia 46:28

Ye ma, nyɛ tsui ko po, ejakaa i kɛ nyɛ ngɛ. Je ma amɛ, hehi nɛ i fie nyɛ kɛ ho ɔ, ma kpata mɛ tsuo a hɛ mi; se nyɛɛ lɛɛ i be nyɛ hɛ mi kpatae. Se kɛ̃ ɔ, i be hae nɛ nyɛɛ ye nyɛ he kulaa; ma gbla nyɛ tue bɔ nɛ sa kɛkɛ. Imi, Yawɛ lɛ i de.”

Yeremia 30:11

Ma ba nyɛ ngɔ nɛ ma ba kpɔ nyɛ. Je ma amɛ nɛ i fie nyɛ kɛ ya a ngɔ ɔ, ma kpata mɛ tsuo a hɛ mi pɛsɛpɛsɛ; se nyɛɛ lɛɛ i be nyɛ hɛ mi kpatae kɛ pi si. I be hae nɛ nyɛɛ ye nyɛ he kulaa; se kɛ̃ ɔ, ma gbla nyɛ tue bɔ nɛ sa. Imi, Yawɛ lɛ i de.”

Yeremia 4:27

(Yawɛ de ke zugba a tsuo hɛ mi ma kpata mohu lɛɛ, se kɛ̃ ɔ, bɔɔ ko maa piɛ nɛ he maa je mi.)

1 Korintobi 10:13

Kahi nɛ baa nyɛ nɔ ɔ, ekoeko be nɛ bɛ adesa nɔ hyɛ. Se Mawu yeɔ e siwo nɔ, nɛ e be hae nɛ a ka nyɛ pe bɔ nɛ nyɛ ma nyɛ. Ke ka ba nyɛ nɔ ɔ, Mawu ma ha nyɛ he wami nɛ nyɛ kɛ da nya, konɛ nyɛɛ je mi.

Yesaya 57:16

Imi nitsɛ nɛ i ha ye ma a wami; lɔ ɔ he ɔ, i kɛ mɛ be pɛe, nɛ ye mi mi hu be mɛ fue kɛ ya neneene.

Yesaya 54:7

“Be kpiti ko kɛkɛ nɛ i je o he, se ye mi mi ngɛ mi sããe wawɛɛ ngɛ o he; lɔ ɔ he ɔ, ma ngɔ mo kɛ ba ye ngɔ ekohu.

Yesaya 50:1

Yawɛ ke, “Anɛ nyɛ susuɔ kaa i ha ye ma a je ye he kɛ ho kaa bɔ nɛ nyumu kɛ e yo poɔ gba mi, nɛ e haa yo ɔ gba mi pomi womi ɔ lo? Ke ja nyɛ susu ɔ, jije gba mi pomi womi ɔ ngɛ mɔ? Anɛ nyɛ susuɔ kaa i jua nyɛ kɛ ho ma se ya kaa bɔ nɛ a juaa bimɛ kaa nyɔguɛhi lo? Dɛbi, nyɛ yayami ɔmɛ a he nɛ a jua nyɛ ɔ nɛ; nyɛ mlaa tɔmi ɔmɛ a he a fie nyɛ kɛ ho ɔ nɛ.

Yesaya 10:12

Se Yawɛ ke, “Ke i gbe nɔ́ nɛ i ngɛ tsue ngɛ Zion yo ɔ nɔ, kɛ Yerusalem ɔ nya a, ma gbla Asiria matsɛ ɔ tue ngɛ e he nɔ womi, kɛ e fiami babauu ɔ he.”

Yesaya 1:5

Mɛni he je nyɛ ngɛ atuã tsɔe kɛ mwɔɔ ɔ? Nyɛ ngɛ hlae nɛ a gbla nyɛ tue fuu lo? Israel, o yi tsuo pee pa, nɛ o tsui gbɔjɔ.

La 103:14

Ejakaa e le wa bɔ su; e le kaa zu kɛkɛ ji wɔ.

La 78:38

Se akɛnɛ mɔbɔ nalɔ ji Mawu he je ɔ, e ngɔ a he yayami ɔ ngɔ pa mɛ, nɛ e kpataa we a hɛ mi. Behi fuu ke e mi mi miɔ nɛ e ma fu, kɛkɛ e tsi nya amlɔ.

La 76:10

Edom bi nɛ a mi mi fu ɔ, niinɛ, a ma je o yi kɛ̃. Nɛ ni nɛmɛ nɛ maa piɛ ngɛ Harmat ɔ maa ye o nyami be ɔmɛ.

La 38:1

Yawɛ, koo ngɔ abofu kɛ ka ye hɛ mi! Koo gbla ye tue kɛ mi mi fumi.

La 6:1

Yawɛ, koo ngɔ abofu kɛ ka ye hɛ mi; koo ngɔ mi mi la kɛ gbla ye tue.

Hiob 23:6

Anɛ Mawu kɛ mi maa to ní ngɛ e he wami kpetekpleenyɛ ɔ nya lo? Dɛbi, e maa bu mi tue kɛ̃.

La 103:9

E hɛɛ we pɛ munyu kake mi kpamisa. Ke e mi mi fu ɔ, e kɛ we kulaa kɛkɛ e tsui he jɔ ekohu.

Yesaya 64:5

Nihi nɛ kɛ bua jɔmi peeɔ o suɔmi nya ní, nɛ blɔ nɛ o to ha mɛ ɔ, a ji nɔ ɔ, mo hu o naa a he bua jɔmi. Wa pee yayami, nɛ o mi mi fu wɔ. Kɛ je blema lokoo ɔ, yayami sɔuu wa ngɛ pee. Anɛ hɛ kɛ nɔ fɔmi ko pa ngɛ ha wɔ kaa a ma he wa yi wami lo?

Kɔmɔ Yemi 3:31

Nyɔmtsɛ ɔ be wɔ kuae kɛ ya neneene.

Kɔmɔ Yemi 3:32

Eko ɔ, e ma ha nɛ wa maa ye aywilɛho lɛɛ, se kɛ̃, e maa na wɔ mɔbɔ, ejakaa e suɔmi ɔ kle, nɛ e ngɛ daa.