Yesaya 27:7 - BAIBLO ALOO NGMAMI KLƆUKLƆU Ɔ

⁷ Yawɛ gbla we Israel tue wawɛɛ kaa bɔ nɛ e gbla a he nyɛli ɔmɛ a tue ɔ; nɛ Israel bi nɛ nɔ ngɛ ta mi ɔ hu, a he híɛ kulaa kaa he nyɛli ɔmɛ.

Yesaya 27:7 ပူးပေါင်းရင်းမြစ်များ

Nahum 3:19

Tsa ba ko be ha o plaami ɔmɛ, nɛ o pa a kle. Nihi tsuo nɛ maa nu o hɛ mi kpatami ɔ he ɔ, a bua maa jɔ, nɛ a maa fia a dɛ. Yi wu tso níhi babauu nɛ o pee ɔ, anɛ nɔ ko ngɛ nɛ e he je mi lo?

Nahum 1:14

Kita nɛ Yawɛ ka ngɛ Asiria bi ɔmɛ a he ji nɛ ɔ nɛ: “A nina ko be si hie; a biɛ maa laa. Ma poo amaga amɛ nɛ ngɛ a wɔ piɛ ɔmɛ a mi ɔ ngɔ pue he. I ngɛ yɔkɔ tsuae ngɔ to Asiria bi ɔmɛ, ejakaa e sɛ kaa a hi je mi!”

Yeremia 51:24

Yawɛ ke, “Yayamihi tsuo nɛ Babilonia kɛ Babilonia ma mi bi ɔmɛ pee Yerusalem he je ɔ, ma gbla a tue nɛ nyɛ maa na kɛ nyɛ hɛngmɛ.

Yeremia 50:40

Ma kpata Babilon hɛ mi pɛsɛpɛsɛ kaa bɔ nɛ i pee Sodom, kɛ Gomora, kɛ kɔpehi nɛ bɔle ɔ. Nɔ ko nɔ ko be lejɛ ɔ hie hu. Imi, Yawɛ lɛ i de.

Yesaya 17:14

Gbɔkuɛ nya si ɔ, a woɔ wa he gbeye, se benɛ mɔtu ke e suu ɔ, a be. Ni nɛmɛ nɛ ba fiaa wɔ ojo, nɛ a kpakpaa wa he ní kɛ yaa a, bɔ nɛ a nyagbe maa ba ji nɛ ɔ nɛ.

Yesaya 17:3

Israel be lɛ nitsɛ e he nyɛe ma fa hu, nɛ Damasko nɔ yemi ɔ se maa po. Siria bi nɛ a yi ma na wami ɔ, zo maa gbe mɛ kaa Israel bi ɔmɛ nɔuu. Imi, Yawɛ Tabohiatsɛ lɛ i de.”

Yesaya 10:12

Se Yawɛ ke, “Ke i gbe nɔ́ nɛ i ngɛ tsue ngɛ Zion yo ɔ nɔ, kɛ Yerusalem ɔ nya a, ma gbla Asiria matsɛ ɔ tue ngɛ e he nɔ womi, kɛ e fiami babauu ɔ he.”

Yesaya 10:17

Mawu nɛ ji la kɛ ha Israel ɔ ma mle. Mawu klɔuklɔu ha Israel ɔ ma mle kɛ la, nɛ ligbi kake too mi ɔ, e maa sã nɔ́ tsuaa nɔ́; e maa sã mio ɔmɛ, kɛ mio tso ɔmɛ tsuo.

Yesaya 30:31

Ke Yawɛ wo gbi ɔ, e maa gbla Asiria bi ɔmɛ a tue, nɛ sawale maa nu mɛ.

Yesaya 31:8

A kɛ ta ma kpata Asiria hɛ mi; se pi nɔmlɔ adesa he wami nya. Asiria bi ɔmɛ maa tu fo ngɛ ta nya, nɛ a nihewi ɔmɛ ma plɛ pee nihi nɛ a nyɛɔ a nɔ kɛ tsuɔ ní tsumi nɛ nya wa.

Yesaya 31:9

A matsɛ ɔ kɛ sawale maa tu fo kɛ je, nɛ ma nimeli ɔmɛ hu maa ye gbeye wawɛɛ nitsɛ, nɛ a maa ma fo kɛ je a ta aflangaa amɛ a he.” Yawɛ lɛ de. Lɛ ji Yawɛ nɛ a jaa lɛ ngɛ Yerusalem, nɛ a kɛ la sãã bɔ haa lɛ ngɛ lejɛ ɔ nɛ.