Yesaya 27:5 - BAIBLO ALOO NGMAMI KLƆUKLƆU Ɔ

⁵ Se ke ye ma a a he nyɛli ngɛ hlae kaa ma bu a he ɔ, lɛɛ a kɛ mi nɛ ba kpata lolo. Niinɛ, e hia kaa a kɛ mi nɛ ba kpata.”

Yesaya 27:5 ပူးပေါင်းရင်းမြစ်များ

Yesaya 25:4

O ngɛ kaa mɔ kɛ ha ohiatsɛmɛ. O ngɛ kaa mɔ kɛ ha nɔ́ nali. Mo ji a wesa he ngɛ kɔɔhiɔ nɛ nya wa mi, kɛ hɔ̃ ngɛ pu ngmangmaangma nya. Yiwutsotsɛmɛ nɛ a yi mi wa kaa ahumi ngɛ fĩɛ be mi po, o jeɔ mɛ kɛ jeɔ a dɛ mi.

Hiob 22:21

Lɔ ɔ he ɔ, Hiob, yaa nɛ o kɛ Mawu ya pee kake nɛ o na tue mi jɔmi. Blɔ nɔ nɛ o maa gu nɛ e maa hi ha mo ji nɛ ɔ nɛ.

Hebribi 6:18

E tsɔɔ kaa nɔ́ enyɔ nɛ ɔmɛ be tsakee gblegbleegble, nɛ Mawu hu be a he lakpa yee. Kɛkɛ ɔ, kɛ gu a nɔ ɔ, wɔ nihi nɛ wa ba sa we ngɛ Mawu ngɔ ɔ, e maa wo wɔ he wami, konɛ waa pɛtɛ nɔ́ nɛ wa ngɔ wa hɛ ngɔ fɔ nɔ ɔ he nɛ wa.

Yesaya 57:19

Nihi nɛ a ngɛ kpo nya, kɛ tsitsaa tsuo ma na tue mi jɔmi. Ma tsa ye ma a.

Yesaya 56:2

Nihi nɛ baa a je mi saminya, nɛ a pee we yayami, se mohu a yeɔ Hejɔɔmi ligbi ɔ pɛpɛɛpɛ, nɛ a ble we lɛ ɔ, ma gbaa mɛ.”

Yesaya 45:24

“A ma de ke, ‘Yawɛ pɛ lɛ yeɔ dami sane; lɛ pɛ lɛ e ngɛ he wami.’ Se nihi tsuo nɛ sume mi ɔ, zo maa gbe mɛ.

Yoshua 10:6

Gibeon bi ɔmɛ tsɔ kɛ ba Yoshua ngɔ ngɛ ma sito he ɔ ngɛ Gilgal, ba de lɛ ke, “Wa kpa mo pɛɛ, koo ngmɛɛ wa he; ba esɔesɔ nɛ o ba piɛ wa he. Ba kpɔ wɔ! Amor bi ɔmɛ a matsɛmɛ ɔmɛ bua a ta amɛ a nya kɛ je yo ɔmɛ a nɔ ba tua wɔ!”

Luka 19:42

nɛ e de ke, “I na nɛ mwɔnɛ ligbi nɛ ɔ, o le níhi nɛ hia mo loko o ma na tue mi jɔmi! Se a ngɔ laa mo!

Yesaya 64:7

Nɔ ko nɔ ko be nɛ faa kue ha mo; nɛ nɔ ko nɔ ko ba bi we yemi kɛ buami kɛ ji o ngɔ. O ngɔ o hɛ mi kɛ laa wɔ. Wa yayami ɔmɛ ha nɛ o kua wɔ.

Luka 14:32

Ke e na kaa e be nyɛe ɔ, be mi nɛ matsɛ kake ɔ ngɛ tsitsaa lokoo kɛ ma a, e maa tsɔ nihi ya kpee lɛ. A kɛ lɛ maa sɛɛ ní, konɛ tue mi jɔmi nɛ ba.”

Luka 13:34

“Yerusalem Yerusalem! O gbe gbali ɔmɛ, nɛ nihi nɛ a tsɔ mɛ o ngɔ ɔ, o fia mɛ tɛ! Hyɛ si abɔ nɛ i hla kaa ma bua o bimɛ ɔmɛ tsuo a nya kaa bɔ nɛ kungwɔ buaa e bimɛ a nya ngɔ woɔ e pɛli sisi; se nyɛ kplɛɛ we!

Yesaya 12:2

Mawu ji ye yi wami helɔ; ma ngɔ ye hɛ ngɔ fɔ e nɔ, nɛ i be gbeye yee. Yawɛ Mawu ɔ ji nɔ nɛ haa mi he wami kɛ nyɛmi, lɛ nɔuu ji ye yi wami helɔ.

Yesaya 26:12

Yawɛ, mo lɛ o haa wɔ tue mi jɔmi; nɔ́ tsuaa nɔ́ nɛ wa ngɛ pee ɔ, mo lɛ o peeɔ ha wɔ.

Yesaya 42:19

Anɛ nɔ ko ngɛ nɛ e hɛ yu pe ye tsɔlɔ ɔ, loo nɛ e tue tsi pe nɔ nɛ i tsɔ kɛ sɛ pɔtɛɛ ɔ lo?