Yesaya 27:13 - BAIBLO ALOO NGMAMI KLƆUKLƆU Ɔ

¹³ Ke jamɛ a ligbi ɔ su ɔ, a ma kpa titimati nguaa ko kɛ tsɛ Israel bi ɔmɛ tsuo nɛ a nuu kɛ ho ma se ya a kɛ je Asiria kɛ Egipt. A maa ba, nɛ a ma ba ja Yawɛ ngɛ Yerusalem, ngɛ yo klɔuklɔu ɔ nɔ.

Yesaya 27:13 ပူးပေါင်းရင်းမြစ်များ

Mateo 24:31

Titimati nguaa a maa pɛ, nɛ Nɔmlɔ Bi ɔ maa tsɔ e bɔfo ɔmɛ kɛ ya je ɔ kɔ nya eywiɛ ɔmɛ. A ma ya bua nihi nɛ e hla a a nya kɛ maa je he kake kɛ maa ya he kake.

Mose III, 25:9

Jehanɛ, nyɔhiɔ kpaago ɔ nɔ ligbi nyɔngma a nɛ ji kpatami ligbi ɔ, nyɛɛ tsɔ nɛ a ya kpa titimati wawɛɛ kɛ kpa zugba a tsuo nɔ.

Hebribi 12:22

Amlɔ nɛ ɔ lɛɛ nyɛ ba su Zion yo ɔ, nɛ ji Mawu hɛ kalɔ ɔ ma a he. Nyɛ ba su hiɔwe Yerusalem ngɛ Mawu kɛ e bɔfohi babauu nɛ a be nyɛe kanemi, nɛ a bua kɛ ngɛ nyae ɔ a ngɔ.

Luka 4:18

“Nyɔmtsɛ ɔ Mumi ɔ ngɛ ye nɔ; Nyɔmtsɛ ɔ hla mi ke ma ngɔ sane kpakpa a ba ha nihi nɛ a ni ngɛ mɔbɔ. E tsɔ mi ke ma ba fiɛ ke, ‘Nyɛ nyɔguɛhi, nyɛ ye nyɛ he oo nyɛ ye nyɛ he! Hɛ yuyuili, nyɛ maa hyɛ nɔ́ oo nyɛ maa hyɛ nɔ!’ E tsɔ mi ke ma ba kpɔ nihi nɛ a ngɛ mɛ yi mi wae ɔ,

Zakaria 14:16

Mahi tsuo nɛ te si kɛ wo Yerusalem ɔ, a mi nihi nɛ a yi ma na wami ɔ, daa jeha a, a maa ya Yerusalem nɛ a ya ja Yawɛ Tabohiatsɛ ɔ kaa matsɛ, nɛ a maa ye Gbasisihimi nyami be ɔ ngɛ lejɛ ɔ.

Yesaya 11:16

Gbɛjegbɛ ko maa je Asiria kɛ ha Israel ma a mi bi nɛ a ngɛ je mi kɛ mwɔɔ ɔ, konɛ a nyɛɛ nɔ kaa bɔ nɛ a nɛmɛ ɔmɛ nyɛɛ zugba gbigbli nɔ, benɛ a je Egipt zugba a nɔ kɛ ma a.

Kpojemi 10:7

Se ke bɔfo kpaagone ɔ kpa e titimati ɔ, yi mi nɛ Mawu to ngɔ laa, nɛ e de e tsɔli nɛ ji gbali ɔmɛ ɔ, Mawu ma ha nɛ e ba mi.”

Kpojemi 9:14

Gbi ɔ de bɔfo ekpane ɔ nɛ hɛɛ titimati ɔ ke, “Bɔfo eywiɛ ɔmɛ nɛ a fi mɛ ngɛ Yufrate pa nguaa a nya a, yaa pɛne mɛ!”

Kpojemi 8:6

Jehanɛ ɔ, bɔfo kpaago ɔmɛ nɛ hɛɛ titimati kpaago ɔmɛ ɔ pee klaalo, konɛ a kpa titimati ɔmɛ.

Kpojemi 8:2

Kɛkɛ nɛ i na bɔfo kpaago ɔmɛ nɛ daa si ngɛ Mawu hɛ mi ɔ, nɛ a ha mɛ titimati kpaago.

1 Tesalonikabi 4:16

Ejakaa Nyɔmtsɛ ɔ nitsɛ ma kple si kɛ je hiɔwe kɛ ba kɛ ose nɛ nya wa. Bɔfo nɔkɔtɔma a maa wo gbi, nɛ Mawu titimati ɔ maa pɛ. Nihi nɛ he Yesu ye loko a gbo ɔ maa te si kekle.

Romabi 10:18

Se i ngɛ bie ke, Anɛ a nui sɛ gbi ɔ lo? Anɔkuale, a nu, ejakaa ngmami ɔ deɔ ke, “A gbi jije kɛ ho zugba a tsuo nɔ ya; Nɛ a sɛ gbi ɔ ya su je ɔ nyagbe he ɔmɛ.”

Malaki 1:11

Je ma amɛ tsuo, kɛ je pu site he kɛ ya si pu sinɔ he ɔ, woɔ ye hɛ mi nyami. A sãã tsopa kɛ e he via kɛ haa mi ngɛ he tsuaa he, nɛ a kɛ nike ní nɛ he tsɔ hu baa. Mɛ tsuo pɛpɛɛpɛ a woɔ ye hɛ mi nyami.

Hosea 11:11

A maa je Egipt kɛ ba kɛ fo kaa lohwe pɛlitsɛmɛ. A maa je Asiria kɛ maa ba kaa lahuɛhi. Ma kpale mɛ kɛ ba a we ɔmɛ a mi ekohu. Imi Yawɛ lɛ i de.”

Hosea 9:3

Israel be zugba nɛ ɔ nɔ hie daa. A maa kpale kɛ ho Egipt ya, nɛ niye ní nɛ he tsɔ we ɔ, lɔ ɔ a ma ya ye ngɛ Asiria.

Hosea 8:13

A gbeɔ lohwehi kɛ sãã bɔ kɛ haa mi, nɛ lo ɔ nɛ a kɛ ba sã bɔ ɔ lɛɛ mɛ nitsɛmɛ a yeɔ. Se imi Yawɛ, ye bua jɔɛ a he. Ma kai a he yayami ɔmɛ, nɛ ma gbla a tue kokooko ngɛ he; ma kpale mɛ kɛ ho Egipt ya!

Yeremia 44:28

Se nyɛ ti nihi bɔɔ ko kɛ̃ a he maa je mi, nɛ a maa kpale kɛ je Egipt zugba a nɔ kɛ ya Yuda zugba a nɔ. Jamɛ a be ɔ loko nihi nɛ a yi na wami ɔ maa le kaa imi lɛ ye munyu ba mi, aloo mɛ.

Yeremia 43:7

A bui Yawɛ munyu ɔ tue, nɛ a je kɛ ho Egipt zugba a nɔ ya, kɛ ya su Tapanhes tɔɔ.

Yesaya 66:18

I le níhi nɛ a ngɛ susue, kɛ níhi nɛ a ngɛ pee. Be ma nɛ ma bua je ma amɛ tsuo, kɛ gbi slɔɔtoslɔɔto ɔmɛ tsuo a nya. Ke a ba a, a ma ba na ye hɛ mi nyami ɔ.

Yesaya 56:8

Nyɔmtsɛ Yawɛ nɛ ngɛ e ma Israel nya buae kɛ je ma se kɛ ma we ɔ, bɔ nɛ e ngɛ dee ji, “Ma bua ni kpahi a nya kɛ piɛ nihi nɛ a bua a nya momo ɔ a he.”

Yesaya 25:6

Yawɛ maa ngmɛ okplɔɔ ngɛ yo nɛ ɔ nɔ ha je ma amɛ tsuo. A maa ye ní kpakpa: lo nɛ tu zɔ saminya, kɛ zɔ nɛ a je kɛ je wu mi tɔɔ; nɛ a maa nu wai kpakpa.

Yesaya 19:21

Yawɛ ma je e he si kɛ tsɔɔ Egipt bi ɔmɛ, nɛ a maa le lɛ; a ma ja lɛ, nɛ a kɛ sami bɔhi, kɛ nike ní ma ba ha lɛ. A ma ka Yawɛ kita nɛ a maa ye nɔ pɛpɛɛpɛ.

Yesaya 18:3

Nyɛ, nihi tsuo ngɛ je ɔ mi, nyɛɛ bu tue! Nyɛ maa na aflangaa ko nɛ a si ngɛ yo ɔmɛ a nɔ! Nyɛɛ bu tue; nyɛ maa nu nɛ a ngɛ titimati kpae!

Yesaya 11:12

Yawɛ maa si aflangaa kɛ pee okadi kɛ tsɔɔ je ma amɛ kaa Israel, kɛ Yuda ma amɛ nɛ a gbɛ fĩa je ɔ mi tsuo ɔ, e ngɛ a nya buae ekohu, konɛ e kpale mɛ kɛ ba we.

Yesaya 2:11

Be ma nɛ nɔmlɔ adesa he tsɔɔmi, kɛ e he nɔ womi tsuo a se maa po. Kɛkɛ ɔ, a ma wo Yawɛ pɛ nɔ gojoo.

Yesaya 2:3

nɛ a ma de ke, “Nyɛ ha wa ya kuɔ Yawɛ yo ɔ kɛ ya Israel Mawu ɔ sɔlemi we ɔ. E maa tsɔɔ wɔ nɔ́ nɛ e suɔ kaa waa pee; nɛ wa maa pee bɔ nɛ e maa tsɔɔ wɔ ɔ pɛpɛɛpɛ. Ejakaa Yawɛ ní tsɔɔmi ɔ, Yerusalem e jee; e kɛ e ma a tuɔ munyu kɛ jeɔ Zion yo ɔ nɔ.”

La 89:15

A gbaa nihi nɛ le bɔ nɛ a laa kɛ jaa mo. Mo Yawɛ, o maa na mɛ mɔbɔ daa.

La 81:3

Nyɛ kpa titimati wa nyami ligbi ɔmɛ tsuo, be mi nɛ nyɔhiɔ da, kɛ be mi nɛ nyɔhiɔ ɔ wa.

La 47:5

Mawu ho hiɔwe ya, nɛ a he ose! Yawɛ ho hiɔwe ya, nɛ titimati pɛ, benɛ e yaa hi e sɛ ɔ nɔ ɔ!

Matsɛmɛ II, 17:6

Hoshea yi nɔ jeha nɛ ji nɛɛ ɔ mi ɔ, Asiria matsɛ ɔ ngɔ Samaria, nɛ e muɔ Israel bi ɔmɛ kɛ ho Asiria ya. E ngɔ ni komɛ ya to Hala, e ngɔ ni komɛ ya to Habor pa a nya ngɛ Gozan zugba a nɔ, nɛ e ngɔ ni komɛ hu ya to Media bi ɔmɛ a ma amɛ a mi.

Yesaya 2:2

Hwɔɔ se ko ɔ, Yawɛ we ɔ maa ma yo gagaa ko yi mi; yo nɛ ya hiɔwe gojoo pe yo ɔmɛ tsuo yi mi e maa ma. Je ma amɛ tsuo ma bu yuu kɛ ba e he,

Yesaya 19:22

Yawɛ maa fiaa Egipt bi ɔmɛ ní, se lɛ nɔuu ji nɔ nɛ ma tsa mɛ. A maa kpale kɛ ba e ngɔ; e maa bu a kue fami ɔmɛ tue, nɛ e ma tsa mɛ.

Yesaya 49:7

Nɔ nɛ a gbe e he guɛ wawɛɛ, nɛ je ma amɛ sume e sane saasaa a, nɔ yeli ɔmɛ a tsɔlɔ ɔ, bɔ nɛ Israel yi wami helɔ, kɛ Israel Mawu Klɔuklɔu ɔ ngɛ dee ngɛ e he ji nɛ ɔ nɛ: “Matsɛmɛ maa na mo, nɛ a maa te si ha mo; ganɔhi maa na, nɛ a ma kpla si ha mo kɛ wo o hɛ mi nyami.” Nɔ́ nɛ ɔ maa ba mi, ejakaa Yawɛ nitsɛ lɛ hla e tsɔlɔ ɔ nɛ; Israel Mawu klɔuklɔu ɔ yeɔ e siwo nɔ sisiisi.

Yesaya 66:23

Nyɔhiɔhe nyami be tsuaa Nyɔhiɔhe nyami be, kɛ Hejɔɔmi ligbi tsuaa Hejɔɔmi ligbi ɔ, nimli adesahi nɛ ngɛ je ma amɛ tsuo a mi ɔ ma ba ja mi ngɛ Yerusalem.” Yawɛ lɛ de.

Ezekiel 20:34

Ma je nyɛ kɛ je je ma amɛ a kpɛti. Ma bua nyɛ nya kɛ je hehi tsuo nɛ a gbɛ nyɛ ngɔ fĩa a. Ye he wami kpetekpleenyɛ ɔ, kɛ abofu nguaa ma ngɔ kɛ tsu nɔ́ nɛ ɔ.

Ezekiel 20:41

Ke i je nyɛ kɛ je je mahi a nɔ hehi nɛ a gbɛ nyɛ ngɔ fĩa a, nɛ i ba bua nyɛ nya a, ma ná nyɛ he tsui kaa bɔ nɛ he via, nɛ je ma amɛ maa na kaa nɔ klɔuklɔu ji mi ngɛ nyɛ kpɛti.

Ezekiel 39:25

Nyɔmtsɛ Yawɛ ke, “Jehanɛ lɛɛ, ma na Yakob nina a mɔbɔ; ma na Israel ma a tsuo mɔbɔ, nɛ ma ha a maa bɔ ekohu. Ma pee enɛ ɔ, konɛ a na kaa nɔ klɔuklɔu ji mi.

Daniel 11:45

E maa ma matsɛ bo tsu agboagbohi ngɛ wo ɔ, kɛ yo ɔ nɛ Yawɛ we ɔ maa si ngɛ nɔ ɔ a kpɛti. Se e ma gbo ngɛ lejɛ ɔ, nɛ nɔ ko be bae nɛ e ba je ngmlaa ha lɛ.”

Zakaria 8:7

Yawɛ Tabohiatsɛ ɔ ke ma ya kpɔ ye ma a kɛ je beleku je, kɛ bonyoku je ma amɛ a mi.

Yesaya 11:11

Jamɛ a ligbi ɔ, Nyɔmtsɛ ɔ ma tsu ní kɛ he wami; e maa kpale e ma mi bi ɔmɛ nɛ piɛ ngɛ zugba nɛ ɔmɛ a nɔ ɔ kɛ maa ba we ekohu. A maa je Asiria, Egipt, Patros, Sudan, Elam, Babilonia, Hamat, kɛ mahi nɛ ngɛ wo nya a kɛ ba.

Yesaya 43:6

Ma de omleyi je ke, ‘Ngmɛɛ a he nɛ a ho,’ nɛ ma de leneyi je hu ke, ‘Koo tsi a nya. Nyɛ ha nɛ ye ma a nɛ kpale kɛ ba, kɛ je zugba amɛ a nɔ ngɛ tsitsaa lokoo ngɛ je ɔ mi tsuo.

Yeremia 31:6

Niinɛ, be ma nɛ buli ma kpa ngmlaa ngɛ Efraim yo ɔmɛ a nɔ ma de ke, ‘Nyɛ ha nɛ waa ya Zion, ngɛ Yawɛ, wa Mawu ɔ ngɔ.’ ”

Mika 7:14

Yawɛ, moo hyɛ o ma a nɛ o hla a nɔ kaa bɔ nɛ to hyɛlɔ tsɔɔ e tohi. E ngɛ mi kaa a gbɛ ngɔ fia nga a nɔ mohu, se zugba kpakpa nɛ baa ní bɔle mɛ. Ha nɛ a ya ye Bashan kɛ Gilead zugba kpakpa amɛ a nɔ ní kaa bɔ nɛ a pee blema a.