Yesaya 27:12 - BAIBLO ALOO NGMAMI KLƆUKLƆU Ɔ

¹² Israel bi, nyɛ na nɛ nyɛɛ le kaa jamɛ a ligbi ɔ, kɛ je Yufrate pa a nya kɛ yaa si Egipt huzu ɔ nya a, Yawɛ ma bua e ma a nya kɛ je je ma amɛ a mi kakaaka kaa nɔ ko nɛ ngɛ ngma mi sae, nɛ e ngɛ ngma nitsɛ ɔ hlae kɛ je tsakati ɔ mi.

Yesaya 27:12 ပူးပေါင်းရင်းမြစ်များ

Mose I, 15:18

Jamɛ a ligbi ɔ, Yawɛ kɛ Abram so, nɛ e de lɛ ke, “Ma ngɔ zugba nɛ ɔ tsuo kɛ ha o nina, kɛ maa je Egipt pa a nya kɛ yaa si Yufrate pa a nya.

Yesaya 56:8

Nyɔmtsɛ Yawɛ nɛ ngɛ e ma Israel nya buae kɛ je ma se kɛ ma we ɔ, bɔ nɛ e ngɛ dee ji, “Ma bua ni kpahi a nya kɛ piɛ nihi nɛ a bua a nya momo ɔ a he.”

Nehemia 1:9

Se ke nyɛ kpale kɛ ba ye ngɔ, nɛ nyɛ ye ye mlaa amɛ a nɔ ɔ, ke je ɔ nyagbe he nɛ a gbɛ nyɛ ngɔ fĩa po, ma kpaka nyɛ kɛ ba he nɛ i to nɛ a ja mi ngɛ ɔ.’

Yohane 10:16

I ngɛ to kpa komɛ hulɔ, se mɛɛ a piɛ we kuu nɛ ɔ he. Ma ngɔ mɛ hu kɛ ba; a maa nu ye gbi, nɛ a maa pee to kuu kake, kɛ hyɛlɔ kake.

Yohane 6:37

Nɔ tsuaa nɔ nɛ Tsaatsɛ ngɔ ha mi ɔ maa ba ye ngɔ. Nɔ tsuaa nɔ nɛ baa ye ngɔ ɔ, i be lɛ fiee kɔkɔɔkɔ.

Luka 15:4

“Waa ngɔ lɛ kaa nyɛ ti nɔ ko ngɛ to lafa, nɛ́ kake laa a, mɛni e maa pee? E ma si to nyingmi nɛɛ kɛ nɛɛ ɔmɛ ngɛ nga a nɔ, nɛ e ma ya hla nɔ́ nɛ laa a kɛ yaa si e maa na lɛ.

Amos 9:9

“Ma fa he nyɛli ɔmɛ, nɛ ma ha nɛ a ma hoso Israel bi ɔmɛ, nɛ a maa sa a mi ngɛ je ma amɛ a kpɛti kaa bɔ nɛ a kɛ sɔnguɛ saa blɛfo mi nɛ kake po nɔɛ si ngɛ zugba a.

Yeremia 3:14

“Atuã tsɔli! Nyɛɛ kpale kɛ ba ye ngɔ koo; ye ma ji nyɛ. Ma ngɔ nyɛ kɛ ba Zion yo ɔ nɔ ekohu: ma tsuaa ma a, ma ngɔ nɔ kake, nɛ we puɔ nya tsuaa we puɔ nya a, ma ngɔ ni enyɔ.

Yesaya 17:6

Nihi bɔɔ pɛ nɛ a yi ma na wami. Israel maa pee kaa oliv tso nɛ a kplɔ e nɔ yiblii tsuo: yiti je ɔ, yiblii enyɔ loo etɛ kɛkɛ lɛ maa hi tso kɔni ɔmɛ a he; sisi ɔ hu eywiɛ, loo enuɔ kɛkɛ. Imi Yawɛ, Israel Mawu ɔ lɛ i de.”

La 72:8

É ye tsɛ kɛ je wo nya hiɛ kɛ ya su wo nya hiɛ, kɛ je Yufrate pa a nya kɛ ya su je ɔ nyagbe he ɔmɛ!

La 68:22

Bɔ nɛ Nyɔmtsɛ ɔ ngɛ dee ji nɛ ɔ nɛ: “Ma kpaka mɛ kɛ je Bashan kɛ ba ekohu; ma je mɛ kɛ je wo ɔ sisi tɔɔ kɛ ba,

Yesaya 49:5

Loko a fɔ mi ɔ, Yawɛ nitsɛ hla mi, nɛ e pee mi e tsɔlɔ, konɛ ma ya kpale e ma a kɛ ba e ngɔ; ma kpale Israel ma a nɛ gbɛ fĩa a kɛ ba ha lɛ. Yawɛ woɔ ye hɛ mi nyami, lɛ ji nɔ nɛ haa mi he wami.

Yeremia 44:28

Se nyɛ ti nihi bɔɔ ko kɛ̃ a he maa je mi, nɛ a maa kpale kɛ je Egipt zugba a nɔ kɛ ya Yuda zugba a nɔ. Jamɛ a be ɔ loko nihi nɛ a yi na wami ɔ maa le kaa imi lɛ ye munyu ba mi, aloo mɛ.

Ezekiel 20:34

Ma je nyɛ kɛ je je ma amɛ a kpɛti. Ma bua nyɛ nya kɛ je hehi tsuo nɛ a gbɛ nyɛ ngɔ fĩa a. Ye he wami kpetekpleenyɛ ɔ, kɛ abofu nguaa ma ngɔ kɛ tsu nɔ́ nɛ ɔ.

Ezekiel 20:41

Ke i je nyɛ kɛ je je mahi a nɔ hehi nɛ a gbɛ nyɛ ngɔ fĩa a, nɛ i ba bua nyɛ nya a, ma ná nyɛ he tsui kaa bɔ nɛ he via, nɛ je ma amɛ maa na kaa nɔ klɔuklɔu ji mi ngɛ nyɛ kpɛti.

Ezekiel 39:25

Nyɔmtsɛ Yawɛ ke, “Jehanɛ lɛɛ, ma na Yakob nina a mɔbɔ; ma na Israel ma a tsuo mɔbɔ, nɛ ma ha a maa bɔ ekohu. Ma pee enɛ ɔ, konɛ a na kaa nɔ klɔuklɔu ji mi.

Ezekiel 47:19

“Leneyi je huzu ɔ je Tamar, kɛ gu Kadesh Meriba nyu ɔmɛ a he kɛ ya muɔ Egipt huzu ɔ, kɛ ya pi Mediterenia wo ɔ.

Zakaria 8:7

Yawɛ Tabohiatsɛ ɔ ke ma ya kpɔ ye ma a kɛ je beleku je, kɛ bonyoku je ma amɛ a mi.

Yoshua 15:4

E tsa nɔ kɛ ho Azmon ya, kɛ ya gu Egipt pa a nya, hluu kɛ ya pi Mediterenia wo ɔ, nɛ e nya ya ta ngɛ lejɛ ɔ. Yuda huzu ɔ nɛ ngɛ beleku je ɔ ji lɔ ɔ nɛ.

Matsɛmɛ I, 8:65

Salomo kɛ Israel ma kpekpemi ɔ tsuo ye Gbasisihimi nyami be ɔ ngɛ Yawɛ we ɔ otsi. Nimli babauu nitsɛ ba nyami be nɛ ɔ; a je tsitsaa Hamat yo kpɛ blɔ ngɛ omleyi je, kɛ ya si Egipt huzu ɔ he ngɛ leneyi je.