Yesaya 26:9 - BAIBLO ALOO NGMAMI KLƆUKLƆU Ɔ

⁹ Nyɔ mi ɔ, i hla o se blɔ kɛ ye tsui tsuo; ke o kojo je ɔ kɛ e mi bi ɔmɛ ɔ, loko a maa le nɔ́ nɛ ji dami sane yemi.

Yesaya 26:9 ပူးပေါင်းရင်းမြစ်များ

Kronika I, 16:14

Yawɛ ji wa Mawu; e mlaa amɛ ngɛ kɛ ha je ɔ tsuo.

La 105:7

Yawɛ ji wa Mawu; e woɔ e mlaa kɛ haa je ɔ tsuo.

La 119:55

I kaiɔ mo Yawɛ nyɔ mi, nɛ i susuɔ o mlaa a he.

La 119:62

Nyɔ mi kpɛti i teɔ si nɛ i naa mo si, ejakaa o mlaa amɛ da saminya.

La 130:6

Ee, Yawɛ blɔ pɛ i ngɛ hyɛe. I ngɛ lɛ blɔ hyɛe pe bɔ nɛ ma he buli huɔɔ nyɔnyɔɔnyɔ kɛ ya suu mɔtu ɔ.

La 58:11

Bɔ nɛ nimli adesahi ma de ji, “Niinɛ, ni nɛmɛ nɛ peeɔ nɔ́ nɛ da a, a naa hiɔwo kpakpa. Niinɛ, Mawu ngɛ, nɛ e kojoɔ je ɔ tsuo.”

La 63:1

Mawu lee, niinɛ, mo ji ye Mawu; i ngɛ mo hlae kɛ ye tsui tsuo nɛ ma na; o he kuma ngɛ mi yee kaa zugba nɛ gbli kadokado nɛ ngɛ nyu hlae!

La 63:5

Ma ná bua jɔmi kaa nɔ nɛ ye niye ní kpakpa, kɛkɛ ɔ, ma la kɛ bua jɔmi kɛ je o yi.

La 64:9

Nɔ tsuaa nɔ maa ye gbeye. A maa sɛɛ nyakpɛ níhi nɛ Mawu tsu, nɛ a ma susu a he saminya.

La 78:34

Be tsuaa be nɛ e maa gbe a ti ni komɛ ɔ, ni nɛmɛ nɛ piɛ ɔ ma hla e se blɔ. A ma pia a he, nɛ a maa fa kue ha lɛ.

La 83:18

konɛ a le kaa mo Yawɛ, mo nɔ kake too lɛ o ngɛ he wami pe nɔ tsuaa nɔ ngɛ je ɔ mi tsuo.

Abɛ Womi 8:17

Nihi nɛ suɔ mi ɔ, imi hu i suɔ mɛ; nɔ tsuaa nɔ nɛ hlaa ye se blɔ ɔ, e maa na mi.

Yesaya 27:9

Se bɔ nɛ Israel maa pee kɛ je a he yayami ɔmɛ konɛ a kɛ pa mɛ ji, a maa wɛɛ je ma amɛ a bɔ sami la tɛ ɔmɛ bukɔbukɔ kaa ayilɔ, nɛ yo mawu Ashera a tsopa kɛ e he via bɔ sami la tɛ ɔmɛ, loo e we amaga amɛ ekoeko be si hie hu.

Yesaya 50:10

Nyɛ ti mɛnɔ yeɔ Yawɛ gbeye, nɛ e buɔ e tsɔlɔ ɔ gbi tue? E tsɔlɔ nɛ ɔ, ke e nyɛɛ ngɛ diblii kpii mi po, e ngɔɔ e hɛ ngɔ fɔɔ Yawɛ nɔ, nɛ e ngɔɔ e he kɛ kpasaa e Mawu ɔ.

Yesaya 55:6

Be mi nɛ Yawɛ he kɛ we nɛ ɔ, nyɛ hla e se blɔ nɛ nyɛɛ fa kue ha lɛ.

Kɔmɔ Yemi 2:19

Tee si nɛ o nya awe nyɔnyɔɔnyɔ ha Nyɔmtsɛ ɔ. Moo fa kue ha lɛ kɛ o tsui tsuo, nɛ o kpa lɛ pɛɛ nɛ e na o bimɛ ɔmɛ mɔbɔ. Hyɛ kaa hwɔ ngɛ jokuɛwi gbee ngɛ gbɛjegbɛ ɔmɛ tsuo a nɔ ngɛ he tsuaa he.

Kɔmɔ Yemi 3:25

Yawɛ mi mi hi ha nihi tsuo nɛ ngɔɔ a hɛ kɛ fɔɔ e nɔ ɔ, nɔ tsuaa nɔ nɛ hlaa Yawɛ se blɔ ɔ; e peeɔ lɛ kpakpa.

Ezekiel 5:15

“Ke ye mi mi fu, nɛ ye hɛ dɔ, nɛ i gbla nyɛ tue kikɛ ɔ, je ma amɛ nɛ bɔle nyɛ ɔ tsuo maa ye gbeye; a maa hie nyɛ, nɛ a maa ye nyɛ he fɛu.

Hosea 5:15

“Ma ngmɛɛ ye ma a he, konɛ a na nɔ́ wawɛɛ. Kɛkɛ ɔ, a ma pia a he ngɛ a yayami ɔmɛ a he, nɛ a ma hla ye se blɔ. Ke a yi fi ɔ, a ma ba kpa mi pɛɛ.”

Mateo 6:33

Se nyɛ hla Mawu matsɛ yemi ɔ, kɛ níhi nɛ da ngɛ e hɛ mi ɔ kekle, nɛ a kɛ ní nɛ ɔmɛ tsuo maa piɛ he ngɔ ha nyɛ.

Marko 1:35

Makɛ mla, benɛ je mi tsɔ we lolo ɔ, Yesu te si nɛ e je kpo kɛ ho nga a nɔ he ko banee ya nɛ e ya sɔle.

Luka 6:12

Jamɛ a be ɔ mi ɔ, Yesu ho yoku ko nɔ ya nɛ e ya sɔle; e hi lejɛ ɔ nyɔ ɔ mi tsuo, nɛ e kɛ fa kue ha Mawu.

Kpojemi 11:13

Jamɛ a be ɔ nɔuu ɔ, zugba mimiɛ wawɛɛ; ma a mi dlami nyɔngma mi kake hɛ mi kpata, nimli akpe kpaago gbo, nɛ ni nɛmɛ nɛ piɛ ɔ ye gbeye, nɛ a wo Mawu nɛ ngɛ hiɔwe ɔ hɛ mi nyami.