Yesaya 26:4 - BAIBLO ALOO NGMAMI KLƆUKLƆU Ɔ

⁴ Nyɛɛ ngɔ nyɛ hɛ ngɔ fɔ Yawɛ nɔ daa; ejakaa Yawɛ Mawu ɔ ngɛ kaa tɛ sa ko nɛ ngɛ daa.

Yesaya 26:4 ပူးပေါင်းရင်းမြစ်များ

Kronika II, 20:20

E nɔ jena mɔtu kpla a, ma a hia kɛ ho Tekoa nga a nɔ ya. Benɛ a yaa a, Yehoshafat de mɛ ke, “Nyɛ Yuda, kɛ Yerusalem bi! Nyɛɛ ngɔ nyɛ hɛ kɛ fɔ Yawɛ nyɛ Mawu ɔ nɔ, nɛ nyɛ maa ye manye. Nyɛ he nɔ́ nɛ e gbali ɔmɛ deɔ nyɛ ɔ nyɛɛ ye, nɛ nyɛ maa ye kunimi.”

Kronika II, 32:8

Niinɛ, Asiria matsɛ ɔ ngɛ ta buli babauu, se mɛ tsuo pɛpɛɛpɛ ɔ, nimli adesahi kɛkɛ ji mɛ. Wɔɔ lɛɛ Yawɛ, wa Mawu ɔ maa piɛ wa he; lɛ ji nɔ nɛ maa hwu ta amɛ ha wɔ!” Munyu nɛ ɔ nɛ Yuda matsɛ, Hezekia tu ɔ, wo ma a he wami.

Hiob 9:19

Ke a ngɛ nɔ nɛ he wa hlae ɔ, lɛ ji nɛ ɔ nɛ. Ke e ba lɛ dami sane yemi hu, mɛnɔ kɛ lɛ maa ba kojomi he ɔ?

La 125:1

Nihi nɛ ngɔɔ a hɛ kɛ fɔɔ Yawɛ nɔ ɔ, a ngɛ kaa Zion yo ɔ. E maa si kpɛii kɛ yaa neneene, nɛ nɔ́ ko nɔ́ ko be nyɛe ma mimiɛ lɛ.

La 18:2

Yawɛ ji nɔ nɛ heɔ ye yi wami; ye tɛ sa, kɛ ye mɔ nguaa. Lɛ ji ye Mawu, kɛ ye wesa he. Yawɛ ngɛ kaa tsɛ̃i kɛ ha mi; e buɔ ye he, nɛ e haa nɛ i yeɔ ye he.

La 46:1

Mawu ji wa wesa he, kɛ wa he wami. Wa fimi behi tsuo a mi ɔ, e ngɛ wa kasa nya.

La 55:22

Ngɔɔ o haomi ɔmɛ kɛ ha Yawɛ, nɛ e maa bu o he. Nɔ nɛ peeɔ nɔ́ nɛ da a, Mawu be blɔ ngmɛe kɔkɔɔkɔ nɛ he nyɛlɔ nɛ ye e nɔ kunimi.

La 62:11

Pi si kake pɛ nɛ Mawu tu munyu nɛ ɔ; e de si abɔ ke, he wami ɔ, lɛ Mawu ɔ e ngɔ e jee.

La 62:8

Be tsuaa be ɔ, nyɛɛ ngɔ nyɛ hɛ kɛ fɔ Mawu nɔ kɛ nyɛ tsui tsuo. Mawu ji wɔ tsuo wa wesa he.

La 62:9

Nimli adesahi tsuo ngɛ kaa mumi nɛ a woɔ; nimli nguahi jio, nimli wawi jio, mɛ tsuo a pi nɔ́ ko kulaa. Ke a ngmɛ mɛ ngɛ sɛni mi ɔ, a ngɛ wojowojo kulaa, nɛ a jiimi sui mumi nɛ a woɔ.

La 66:7

E ngɛ tsɛ yee kɛ he wami kɛ yaa neneene. E hɛngmɛ ngɛ je ma amɛ a he; atuã tsɔli kó wo a he nɔ.

La 93:1

Yawɛ ngɛ matsɛ yee. E mia kɛ agboje, kɛ he wami. Ee, e ngɔ je ɔ ngɔ ma si kpɛii, nɛ a be nyɛe ma je kɛ je e blɔ he.

Yesaya 12:2

Mawu ji ye yi wami helɔ; ma ngɔ ye hɛ ngɔ fɔ e nɔ, nɛ i be gbeye yee. Yawɛ Mawu ɔ ji nɔ nɛ haa mi he wami kɛ nyɛmi, lɛ nɔuu ji ye yi wami helɔ.

Yesaya 17:10

Israel Mawu ɔ nɛ kpɔ mo kɛ je o he nyɛli a dɛ mi, nɛ e pee kaa tɛ sa nguaa ko ha mo ɔ, o hɛ je e nɔ. Lɔ ɔ he ɔ, o ngɛ ngmɔhi nɛ ngɛ fɛu pee, nɛ o ngɛ ma se tsohi due ngɛ a mi.

Yesaya 30:29

Se nyɛ, Mawu ma a lɛɛ nyɛ bua maa jɔ, nɛ nyɛ ma la kaa bɔ nɛ nyɛ laa kɛ ngɔɔmi ke nyɛ ngɛ nyami be klɔuklɔu yee ɔ. Nyɛ bua maa jɔ kaa nihi nɛ a ngɛ nyɛɛe kɛ yaa Yawɛ yo ɔ nɛ ji Israel tɛ sa a nɔ kɛ a dɛ mi bɛhi nɛ a ngɛ kpae kɛ ngɛ he toe.

Yesaya 32:2

Nɔ tsuaa nɔ maa pee kaa wesa he ngɛ kɔɔhiɔ kɛ ahumi nya, kaa pa nɛ ywia nga ngɛ zugba kpataa nɔ, aloo kaa zugba kplanaa nɔ tɛ sa sisi hɔ̃.

Yesaya 44:8

Ye ma, koo nu sawale! Koo ye gbeye! Ye we odase ji mo. Anɛ i de we enɛ ɔ blema lokoo lo? Anɛ ye se ɔ, Mawu ko pa ngɛ lo? Dɛbi, i li he wami kpa ko ngɛ ye se hu?”

Yesaya 45:17

Se Israel ma a lɛɛ Yawɛ ma he a yi wami kɛ maa ya neneene; e be hae nɛ a hɛ mi ma pue si kɔkɔɔkɔ.’ ”

Yesaya 45:24

“A ma de ke, ‘Yawɛ pɛ lɛ yeɔ dami sane; lɛ pɛ lɛ e ngɛ he wami.’ Se nihi tsuo nɛ sume mi ɔ, zo maa gbe mɛ.

Yesaya 50:10

Nyɛ ti mɛnɔ yeɔ Yawɛ gbeye, nɛ e buɔ e tsɔlɔ ɔ gbi tue? E tsɔlɔ nɛ ɔ, ke e nyɛɛ ngɛ diblii kpii mi po, e ngɔɔ e hɛ ngɔ fɔɔ Yawɛ nɔ, nɛ e ngɔɔ e he kɛ kpasaa e Mawu ɔ.

Yesaya 51:5

Ma ba esɔesɔ, konɛ ma ba he a yi wami. Ye kunimi yemi be ɔ su ta. Imi nitsɛ ma ye je ma amɛ a nɔ. Wo nya zugba amɛ ngɛ mi mlɛe, a ngɔ a hɛ ngɔ fɔ ye nɔ kɛ ngɛ mi blɔ hyɛe kaa ma ba he a yi wami.

Yesaya 63:1

“Mɛnɔ lɛ je Bozra ngɛ Edom zugba a nɔ kɛ ma nɛ ɔ? Mɛnɔ lɛ dla e he saminyayoo kɛ tade tsu, nɛ e ngɛ kɔsɔe wawɛɛ kɛ he wami kɛ ma nɛ ɔ?” “Imi Yawɛ, kpɔlɔ nɛ nine si wa a, i ngɛ dee kɛ ngmlaa ke i ye kunimi oo, i ye kunimi.”

Daniel 3:17

Mawu nɛ ma nyɛ je wɔ kɛ je flɔɔnɔɔ kɛ e mi la nɛ ngɛ tsoe gegeege ɔ mi ɔ ji Mawu nɛ wa sɔmɔɔ ɔ nɛ; lɛ nɛ e ma je wɔ kɛ je o dɛ mi ɔ nɛ.

Daniel 3:28

Kɛkɛ nɛ Nebukadnezar de ke, “A je Shadrak, Meshak kɛ Abednego mɛ a Mawu ɔ yi! E tsɔ e bɔfo ɔ kɛ ba je nimli nɛ ɔmɛ nɛ a sɔmɔɔ lɛ, nɛ a ngɔ a hɛ ngɔ fɔ e nɔ ɔ. A kua ye mlaa amɛ a nɔ yemi, nɛ a ngɔ a wami ngɔ ha. A pee enɛ ɔ, ejakaa a sume kaa a ma kpla si nɛ a sɔmɔ mawu kpa ko, pe a Mawu ɔ pɛ.

Mateo 28:18

Yesu hɛ lɛ kɛ su a he, nɛ e de mɛ ke, “A ha mi he blɔ ngɛ níhi tsuo nɛ ngɛ hiɔwe kɛ zugba a nɔ.

Mateo 6:13

Nɛ o kɛ wɔ ko ya ka mi; se mohu, je wɔ kɛ je nɔ yayami ɔ dɛ mi.’

Mose V, 32:15

“Yawɛ ma a na ní kpɔtɔɔ; kɛkɛ nɛ a tsɔ atuã; a ye ní kpakpa nɛ a tɔ saminya. Se a je Mawu nɛ ji a bɔlɔ ɔ he, nɛ a kua a yi wami helɔ nɛ se be ɔ.

Mose V, 32:4

“Yawɛ ji nyɛ yi baalɔ nɛ se be; e hi kɛ pi si, nɛ e da ngɛ blɔ tsuaa blɔ nɔ. Nyɛ Mawu ɔ yeɔ e siwo nɔ; yayami ko be e he; nɔ́ nɛ da, kɛ nɔ́ nɛ sa pɛ e peeɔ.

Mose V, 33:27

Mawu nɛ ngɛ kɛ yaa neneene ɔ ji nyɛ wesa he. Lɛ ji nɔ nɛ baa nyɛ yi daa. Lɛ ji nɔ nɛ fie nyɛ he nyɛli ɔmɛ ngɛ nyɛ hɛ mi, nɛ e de nyɛ ke nyɛ kpata mɛ tsuo a hɛ mi ɔ nɛ.

Filipibi 4:13

Kristo lɛ woɔ mi he wami, nɛ e haa nɛ i nyɛɔ peeɔ nɔ́ tsuaa nɔ́.

Samuel I, 2:2

Nɔ ko be nɛ ngɛ klɔuklɔu kaa Yawɛ. E se ɔ, nɔ ko be. Ee, Mawu se ɔ, wesa he kpa ko be.