Yesaya 26:20 - BAIBLO ALOO NGMAMI KLƆUKLƆU Ɔ

²⁰ Ye ma, nyɛ ya sɛ nyɛ we ɔmɛ a mi, nɛ nyɛɛ ngmɛ sinya amɛ a mi ngɔ wo nyɛ yi. Nyɛɛ laa nyɛ he be kpiti ko kɛ yaa si Mawu mi mi fumi ɔ nya maa be.

Yesaya 26:20 ပူးပေါင်းရင်းမြစ်များ

La 30:5

E mi mi fuɔ be kuku kɛkɛ; se e mɔbɔ nami lɛɛ e ngɛ daa. O maa wo ya nyɔ mi, se ke je na pɛ bua jɔmi ba.

La 27:5

Haomi be mi ɔ, e maa ngɔ mi kɛ laa ngɛ laami he ɔ, ngɛ e we ɔ; e maa ngɔ mi kɛ da tɛ sa nɔ.

Mateo 6:6

Se moo lɛɛ ke o maa sɔle ɔ, yaa sɛ o tsu mi, nɛ o nga sinya a, nɛ o sɔle ngɔ ha o Tsɛ nɛ a nɛ lɛ ɔ. Nɛ o Tsɛ nɛ naa níhi nɛ a peeɔ ngɛ laami mi ɔ maa wo mo hiɔ.

La 91:4

E maa bu o he, nɛ o yi ma na wami kaa lohwe pɛlitsɛ bi ngɛ e nyɛ pɛli sisi. Si nɛ e wo ke e maa ye mo anɔkuale ɔ maa pee kaa tsɛ̃i, kɛ dama nɛ ma fa o he.

Abɛ Womi 18:10

Yawɛ ngɛ kaa mɔ nguaa, he nɛ nimli kpakpahi tuu fo kɛ ya saa we ngɛ nɛ a yi naa wami.

La 17:8

Moo baa ye yi kaa bɔ nɛ nɔ baa lɛ nitsɛ e hɛngmɛ yi ɔ. Ngɔɔ mi kɛ laa ngɛ o pɛli hɔ̃ ɔ sisi,

2 Korintobi 4:17

Amanehlu nɛ nya wa, nɛ se be kɛe kulaa nɛ ɔ ma ha wa hɛ mi maa ba nyami babauu kɛ be nɔ kɛ maa ya neneene.

Yesaya 10:25

Ma gbla nyɛ tue be bɔɔ ko kɛkɛ, nɛ lɔ ɔ se ɔ, ma kpata a hɛ mi.

La 32:7

Mo ji ye laami he; o jeɔ mi kɛ jeɔ haomi mi. Mo lɛ o po piɛ kɛ bɔle mi kɛ kpe, nɛ o ha nɛ i ye ye he.

Yesaya 51:4

“Ye ma, nyɛɛ bu mi tue, nyɛ ta tue ha nɔ́ nɛ i ngɛ dee ɔ. Ma ngɔ ye mlaa kɛ ha je ma amɛ; nɛ lɔ ɔ maa pee kaa la ha mɛ.

La 91:1

Nɔ nɛ hii Hiɔwe No ɔ laami he ɔ, Ope ɔ nitsɛ maa baa e yi.

La 31:20

O ngɔɔ mɛ kɛ laa ngɛ o laami he ɔ, konɛ nihi kó nyɛ nɛ a so a yi nɔ. O ngɔɔ mɛ kɛ toɔ o laami he ɔ, konɛ nihi kó na a he blɔ nɛ a fia mɛ lilɛ.

Ezekiel 11:16

“Jehanɛ, de o nyɛmimɛ ɔmɛ ke, nɔ́ nɛ imi Nyɔmtsɛ Yawɛ, i ngɛ dee ji, imi nitsɛ nɛ i ha a ho je ma amɛ a zugba amɛ a nɔ ya a nɛ; i gbɛ mɛ ngɔ fĩa je ɔ mi tsuo lɛɛ, se ma bu a he be bɔɔ ko ngɛ hehi nɛ a ho ɔ tsuo.

Yesaya 51:16

Imi ji nɔ nɛ pee hiɔwe ploplooplo ɔ, nɛ i ngɔ zugba a sisi tomi ɔmɛ ngɔ ma si. Bɔ nɛ i ngɛ Yerusalem dee ji, ‘Ye ma ji mo! I wo mo mlaa, nɛ i ngɔ ye he wami kɛ ngɛ o he bue.’ ”

La 143:9

Yawɛ, jé mi kɛ je ye he nyɛli ɔmɛ a dɛ mi. O ngɔ i ba sa we ngɛ.

La 57:1

Mawu, naa mi mɔbɔ oo, naa mi mɔbɔ! Ejakaa o ngɔ lɛ i saa we ngɛ. Ma laa ye he ngɛ o pɛli ɔmɛ a sisi ngɛ hɔ̃ ɔ mi kɛ yaa si hɛ mi kpatami nɛ nya wa nɛ ɔ se maa po.

Mose I, 7:1

Yawɛ de Noa ke, “Yaa sɛ lɛ ɔ mi; mo, kɛ nihi nɛ ngɛ o we ɔ mi ɔ tsuo; ejakaa i na kaa mo pɛ ji nɔ nɛ peeɔ nɔ́ nɛ da ngɛ je ɔ mi tsuo.

Yeremia 31:14

Ma ha nɛ osɔfo ɔmɛ maa ye ní kpakpahi nɛ a maa tɔ; ye ma a hu maa ye nɛ a maa tɔ. Imi, Yawɛ lɛ i de.”

Mateo 23:37

“Yerusalem! Yerusalem! Mo nɛ o gbee gbali ɔmɛ, nɛ nihi nɛ Mawu tsɔ mɛ o ngɔ ɔ, o fiaa mɛ tɛ! Hyɛ kaa jinɛ i hla si abɔ kaa ma bua o bimɛ ɔmɛ tsuo a nya kaa bɔ nɛ kungwɔ buaa e bimɛ a nya kɛ woɔ e pɛli sisi ɔ. Se o kplɛɛ we!

Yeremia 7:23

Mlaa nɛ i wo mɛ ji a bu mi, konɛ ma pee a Mawu, nɛ a pee ye ma. I de mɛ ke mlaa nɛ i wo mɛ ɔ, a ye nɔ, konɛ e hi ha mɛ.

Hiob 14:13

I na nɛ o ngɔ mi ya laa ngɛ gbeje kɛ yaa si o mi mi fumi ɔ se maa po; nɛ lɔ ɔ se ɔ, o maa to be nɛ a kɛ ma kai mi.

Abɛ Womi 22:3

Nɔmlɔ nɛ le nɔ́ ɔ, ke e na haomi nɛ ma a, e tuu nya fo, nɛ e ya laa e he. Nɔ nɛ be juɛmi ɔ, lɛɛ e kɛ e he ya woɔ haomi mi, nɛ e naa nɔ́.

Yesaya 10:5

Bɔ nɛ Yawɛ de ji nɛ ɔ nɛ: “Asiria, o ngɛ kaa to tsɔmi tso ko nɛ i kɛ gblaa nihi nɛ woɔ ye mi mi la a a tue.

Yesaya 13:5

A je tsitsaa je mi nyagbe he ɔmɛ tsuo kɛ ma. Yawɛ kɛ e mi mi fumi ɔ ma kpata zugba a tsuo hɛ mi.

Yesaya 34:2

Yawɛ mi mi fu je ma amɛ tsuo, nɛ e hɛ dɔ kɛ wo ta buli ɔmɛ tsuo. E gbiɛ mɛ, nɛ e ngɔ mɛ ngɔ ha ke a gbe mɛ.

Yesaya 66:14

Ke enɛ ɔ ba mi ɔ, nyɛ ma na bua jɔmi. Nyɛ ma na he wami he. Lɔ ɔ loko nyɛ maa le kaa imi Yawɛ ɔ, nihi nɛ buɔ mi tue ɔ, i piɛɔ a he, nɛ i kɛ abofu gblaa ye he nyɛli a tue.”

Daniel 11:36

“Siria matsɛ ɔ maa pee e suɔmi nya ní. E ma wo e he nɔ, nɛ e maa pee lɛ kaa e kle pe mawu ɔmɛ tsuo. Mawu Ope ɔ nitsɛ po, e maa tu musu munyuhi kɛ si lɛ hluu kɛ yaa si be nɛ Mawu maa gbla e tue. Ejakaa nɔ́ nɛ Mawu to kaa e maa pee ɔ, ja e pee.

Zefania 2:3

Nyɛ nihi tsuo nɛ nyɛ ngɛ je ɔ mi, nɛ nyɛ baa nyɛ he si, nɛ nyɛ yeɔ Yawɛ mlaa amɛ a nɔ, nyɛ hla e se blɔ. Nyɛɛ pee nɔ́ nɛ da, nɛ nyɛɛ ba nyɛ he si; alini, ligbi ɔ nɛ Yawɛ mi mi ma fu wawɛɛ, nɛ e maa gbla nihi a tue ɔ, nyɛɛ lɛɛ a maa laa nyɛ nɔ.

La 57:2

Mawu nɛ ngɛ hiɔwe lokoo, Mawu nɛ peeɔ nɔ́ nɛ hi ha mi ɔ, lɛ i ngɛ tsɛe ɔ nɛ.

La 94:13

Haomi be mi tete po, o haa lɛ he jɔmi hluu kɛ ya siɔ be nɛ o tsuaa muɔ ha yayami peelɔ nɛ e ba nɔ mi.