Yesaya 26:14 - BAIBLO ALOO NGMAMI KLƆUKLƆU Ɔ

¹⁴ O ha a gbo pɛsɛɛ, a be je mi hu; a kpadehi tete be si tee, ejakaa o gbla a tue; o kpata a hɛ mi pɛsɛɛ, nɔ ko nɔ ko kaii we mɛ hu.

Yesaya 26:14 ပူးပေါင်းရင်းမြစ်များ

Abɛ Womi 10:7

E ji gbaami kaa a ma kai nimli kpakpahi daa; yayami peeli lɛɛ e kɛ we nɛ hɛ jeɔ a nɔ.

Yesaya 8:19

Se ni komɛ de nyɛ ke nyɛ ya bi ní ngɛ klaali, kɛ ní peeli nɛ kpaa nyagba, nɛ a tuɔ gugwɔ mi gbi ɔ a ngɔ. A ma de ke, “E pee we nɔ́ ko; e sa kaa a ya bi ní ngɛ mumihi a ngɔ, nɛ a nu nɔ́ ko nɛ kɔɔ hɛ ngmengmletsɛmɛ a he kɛ je kpadehi a ngɔ.”

La 106:28

Jehanɛ, Mawu ma a ya piɛ je ma amɛ a he nɛ a kɛ mɛ ja Baal nɛ ngɛ Peor ɔ. Bɔhi nɛ a sã ha a ni gbogboe ɔmɛ hu a kɛ mɛ ye.

Kpojemi 20:5

Ni gbogboehi nɛ piɛ ɔ, mɛɛ lɛɛ a bɛ wami mi ekohu kɛ ya si jeha akpe ɔ su. Enɛ ɔ ji ni gbogboehi a si tlemi kekleekle nɔ́.

Mateo 2:20

nɛ e de lɛ ke, “Tee si! Ngɔɔ bimwɔyo ɔ, kɛ e nyɛ ɔ, nɛ o kpale o se kɛ ya Israel zugba a nɔ. Ejakaa nihi nɛ hla kaa a gbe bimwɔyo ɔ, a gbo.”

Yesaya 10:3

Ke Mawu bɔni nyɛ tue gblami ɔ, kɛ nyɛ maa pee kɛɛ? Ke e ngɔ haomi kɛ je ma se kɛ ba na nyɛ ɔ, kɛ nyɛ maa pee kɛɛ? Mɛnɔ ngɔ nyɛ ma sa fo kɛ ya ya hla yemi kɛ buami? Jije nyɛ maa ngɔ nyɛ juetli kɛ to?

La 109:13

E ngmɛdu hɛ mi nɛ kpata pɛsɛpɛsɛ; nɛ yi nɔ nɛ maa nyɛɛ se ɔ ko le e biɛ tete po.

La 9:6

Wa he nyɛli ɔmɛ a hɛ mi kpata; a ma amɛ hu a hɛ mi kpata, nɛ nɔ́ ko be nɛ a kɛ ma kai mɛ hu.

Mose V, 4:28

Nyɛ ma ya sɔmɔ mawuhi nɛ a kɛ nɔmlɔ adesa nine pee ngɛ lejɛ ɔ, mawuhi nɛ a kɛ tso pee, mawuhi nɛ a kɛ tɛ pee, mawuhi nɛ hyɛ we nɔ́, nɛ a nui nɔ́, kɛ mawuhi nɛ a yi ní, nɛ a nui nɔ́ he fu.

Mose II, 14:30

Bɔ nɛ Yawɛ pee kɛ kpɔ Israel bi ɔmɛ kɛ je Egipt bi ɔmɛ a dɛ jamɛ a ligbi ɔ ji nɛ ɔ nɛ. Israel bi ɔmɛ na Egipt bi ɔmɛ nɛ a gbo kɛ pueɔ si ngɛ wo ɔ nya.

Yesaya 26:19

Wa ma mi nihi nɛ gbo ɔ ma na wami ekohu! A gbogboe ɔmɛ maa te si. Nihi nɛ hwɔɔ si ngɛ zu mi ɔ, mɛ tsuo a maa te si, nɛ a ma la kɛ bua jɔmi. Kaa bɔ nɛ bɔ́ nyu ngleinglei haa zugba a peeɔ ehe ekohu ɔ, ja Yawɛ maa ngɔ wami he ngɔ wo nihi nɛ gbo momo ɔ a mi.

La 36:12

Hyɛ, yayami peeli ɔmɛ nɔ si! A tsɛ̃ mɛ ngɔ ko si, nɛ a nyɛ we nɛ a te si hu.

La 59:5

Yawɛ Tabohiatsɛ Mawu, mo ji Israel Mawu ɔ nɛ! Tee si nɛ o ba gbla je ma amɛ a tue. Yiwutsotsɛmɛ nɛ ngɛ yi mi yaya toe ɔ, koo na mɛ mɔbɔ.

La 135:17

A ngɛ tue, se a nui nɔ́; mumi ko hu be a gugwɔ mi nɛ a woɔ.

Fiɛlɔ 9:5

Niinɛ, nihi nɛ a hɛ ngɛ ɔ le kaa a ma ba gbo; ni gbogboe ɔmɛ lɛɛ a li nɔ́ ko nɔ́ ko. Hiɔwo kpa ko hu a be; ejakaa nihi a hɛ je a nɔ pɛsɛpɛsɛ.

Yesaya 29:6

Yawɛ Tabohiatsɛ ɔ ma he o yi wami. E ma ha hiɔmi ma si, zugba ma mimiɛ wawɛɛ, nɛ lejɛ ɔ tsuo maa pee hoo. Lasiogblee, ahumi, kɛ la gegeege maa ba;

Yesaya 37:19

nɛ a sã a mawu ɔmɛ. A kpata a hɛ mi, ejakaa tsa pi mawu nitsɛnitsɛhi ji mɛ; nimli a nine nya ní tsumihi, kɛ tsohi, kɛ tɛhi kɛkɛ ji mɛ.

Hiob 7:9

Ke nɔ ko gbo nɛ e ho gbeje ya a, e kpale we kɛ bɛ hu kaa bɔ nɛ bɔku laa nɛ a nɛ lɛ hu ɔ.

Hiob 18:17

E biɛ maa laa ngɛ ma a mi, kɛ ma se tsuo, nɛ nɔ ko nɔ ko be lɛ kaie hu.

Hiob 24:20

E nyɛ po hɛ maa je e nɔ. Gɔgɔ maa ye lɛ, nɛ e hɛ mi ma kpata kaa tso nɛ ku pue si. Nɛ nɔ ko nɔ ko be lɛ kaie hu.