Yesaya 26:12 - BAIBLO ALOO NGMAMI KLƆUKLƆU Ɔ

¹² Yawɛ, mo lɛ o haa wɔ tue mi jɔmi; nɔ́ tsuaa nɔ́ nɛ wa ngɛ pee ɔ, mo lɛ o peeɔ ha wɔ.

Yesaya 26:12 ပူးပေါင်းရင်းမြစ်များ

Efesobi 2:10

Mawu nitsɛ lɛ pee wɔ bɔ nɛ wa ngɛ nɛ ɔ. E ha waa kɛ Kristo Yesu ba nu huɛ, bɔ nɛ pee nɛ waa ngɔ wa wami be ɔ tsuo kɛ pee nihi kpakpa. E to blɔ nya nɛ ɔ blema lokoo konɛ waa nyɛɛ ngɛ nya.

La 57:2

Mawu nɛ ngɛ hiɔwe lokoo, Mawu nɛ peeɔ nɔ́ nɛ hi ha mi ɔ, lɛ i ngɛ tsɛe ɔ nɛ.

La 29:11

Yawɛ nɛ́ ha e ma a he wami. Yawɛ nɛ́ gbaa e ma a, nɛ́ e ha mɛ tue mi jɔmi.

Ezekiel 20:14

Se i ha we nɛ e ba mi ja, ejakaa je ma amɛ nɛ na bɔ nɛ i kpaka ye ma a kɛ je Egipt ɔ, ye biɛ he guɛ ma gbo ngɛ a hɛ mi.

Hebribi 13:20

He jɔmi Mawu ɔ, nɔ nɛ gu muɔ nɛ a kɛ sɔu neneene somi ɔ nya a nɔ, nɛ e je to ɔmɛ a hyɛlɔ ngua a nɛ ji wa Nyɔmtsɛ Yesu kɛ je gbeje kɛ ba wami mi ekohu ɔ,

Yeremia 33:6

Se kɛ̃ ɔ, be ma nɛ ma tsa Yerusalem hiɔ ɔ, nɛ ma ha nɛ ma mi bi ɔmɛ ma na he wami. Ma ha nɛ a ma plɔke, nɛ a ma na he jɔmi.

Mose V, 30:6

Yawɛ, nyɛ Mawu ɔ ma ha nyɛɛ kɛ nyɛ nina tsui kpakpa nɛ buɔ tue, konɛ nyɛɛ suɔ lɛ kɛ nyɛ tsui tsuo, nɛ nyɛɛ hi jamɛ a zugba a nɔ.

Yohane 14:27

“I ngɛ nyɛ sie kɛ he jɔmi. Imi nitsɛ ye he jɔmi i ngɛ sie ha nyɛ. Pi bɔ nɛ je ɔ haa a nɛ i kɛ ngɛ nyɛ hae ɔ. Nyɛ ko ye nyɛ tsui; nɛ nyɛ ko je fɔ̃ hulɔ.

Ezekiel 36:25

Ma ngɔ nyu klɔuklɔu kɛ fĩa nyɛ nɔ, nɛ nyɛ he ma tsɔ. Ma tsu nyɛ he kɛ je amagahi, kɛ mu níhi tsuo nɛ nyɛ kɛ ble nyɛ he ɔ a mi.

Ezekiel 20:22

Se i ha we nɛ e ba mi ja; ejakaa je ma amɛ nɛ na bɔ nɛ i kpaka ye ma a kɛ je Egipt ɔ, ye biɛ he guɛ ma gbo ngɛ a hɛ mi.

Ezekiel 20:9

Se i ha we nɛ e ba mi ja; ejakaa lɔ ɔ ko gbe ye biɛ he guɛ ngɛ je ma amɛ a hɛ mi. Ye ma a ngɛ je ma amɛ a kpɛti, nɛ mɛ tsuo a hɛ mi nɛ i de ngɛ ke ma je Israel bi ɔmɛ kɛ je Egipt zugba a nɔ ɔ nɛ.

Yesaya 57:10

Nyɛ gbaa nyɛ he nya babauu kɛ kpaa si; pɔ hu tɔɛ nyɛ nɛ nyɛ ma kpa. Nyɛ susuɔ kaa nyɛ amaga amɛ haa nyɛ he wami, lɔ ɔ he ɔ, nyɛ ngmɛɛ we a he.

La 68:28

Mawu, je o he wami kpetekpleenyɛ ɔ kpo; he wami nɛ o kɛ tsu ní ha wɔ sa a, Mawu, ha nɛ a na.

La 90:17

Nyɔmtsɛ, wa Mawu, naa wɔ mɔbɔ! Ha nɛ wa ní tsumi nɛ ya nɔ! Ee, ha nɛ wa ní tsumi nɛ ya nɔ!

Yesaya 9:6

Ejakaa a fɔ bi ha wɔ! A ha wɔ binyumuyo! Lɛ nɛ e ma ba ye wa nɔ. A ma tsɛ lɛ ke, “Nyakpɛ ga wolɔ,” “Mawu he walɔ,” “Tsɛ nɛ ngɛ kɛ yaa neneene,” “Ganɔ nɛ yi nɔ jɔ.”

Yesaya 26:3

Nɔ nɛ ngɔɔ e hɛ kɛ fɔɔ o nɔ, nɛ e heɔ mo yeɔ ɔ, o haa lɛ tue mi jɔmi.

Yesaya 27:5

Se ke ye ma a a he nyɛli ngɛ hlae kaa ma bu a he ɔ, lɛɛ a kɛ mi nɛ ba kpata lolo. Niinɛ, e hia kaa a kɛ mi nɛ ba kpata.”

Yesaya 29:23

Ke o na bimɛ ɔmɛ nɛ ma ha mo ɔ, jamɛ a be ɔ mi o ma de ke niinɛ, imi ji Israel Mawu Klɔuklɔu ɔ nɛ.

Yesaya 32:18

Haomi ko haomi ko be ye ma a nya gbae, nɛ tue mi jɔmi kɛ he jɔmi maa hi a we ɔmɛ a mi.

Yesaya 57:19

Nihi nɛ a ngɛ kpo nya, kɛ tsitsaa tsuo ma na tue mi jɔmi. Ma tsa ye ma a.

Mose IV, 6:26

Yawɛ nɛ wo e hɛ mi nɔ ngɛ nyɛ nɔ, nɛ e ha nyɛ he jɔmi.

La 57:3

E maa tsɔ kɛ je hiɔwe kɛ ba he ye yi wami; nɛ nihi nɛ ngɛ mi yi mi wae ɔ, zo maa gbe mɛ. Mawu, o maa tsɔɔ mi kaa o mɔbɔ nami ngɛ daa kɛ ha mi, nɛ o yeɔ anɔkuale daa jã kɛ̃.