Yesaya 26:11 - BAIBLO ALOO NGMAMI KLƆUKLƆU Ɔ

¹¹ Yawɛ, o to kaa o maa gbla he nyɛli ɔmɛ a tue, se a li tete. Ha nɛ zo nɛ gbe mɛ, nɛ a na nɔ́. Gbla a tue kaa bɔ nɛ o to ha mɛ ɔ. Ha nɛ a na kaa o suɔ o ma a sane saminya.

Yesaya 26:11 ပူးပေါင်းရင်းမြစ်များ

Hebribi 10:27

Mohu ɔ, waa kɛ gbeye yemi nɛ hyɛ kojomi nɛ ma a, kɛ la gegeege nɛ ma kpata nihi nɛ teɔ si kɛ siɔ Mawu a hɛ mi ɔ blɔ.

Mika 5:9

Israel maa ye e he nyɛli ɔmɛ a nɔ kunimi, nɛ e ma kpata mɛ tsuo pɛpɛɛpɛ a hɛ mi.

Yesaya 5:24

Lɔ ɔ he ɔ, Israel hɛ mi ma ba kpata pɛsɛpɛsɛ kaa bɔ nɛ la sãã hu kɛ nga gbigbli ɔ. Nɔ́ nɛ ɔ maa ba a nɔ, ejakaa a kua Yawɛ Tabohiatsɛ ɔ mlaa amɛ. A yi Israel Mawu klɔuklɔu ɔ mlaa amɛ a nɔ.

Kpojemi 19:20

A nu lohwe awi yelɔ ɔ, kɛ lakpa gbalɔ ɔ nɛ pee nyakpɛ níhi ngɛ e hɛ mi ɔ tsuo. E pee nyakpɛ ní ɔmɛ kɛ sisi nihi nɛ a kɛ lohwe ɔ kadi mɛ ɔ, kɛ ni nɛmɛ nɛ jaa lohwe ɔ we amaga a. A hɛ lohwe ɔ, kɛ lakpa gbalɔ ɔ tsuo ngɔ fɔ taku kɛ e mi la nɛ ngɛ tsoe gegeege ɔ mi hɛ ngmengmle.

Kpojemi 3:9

Hyɛ! Ni ɔmɛ nɛ je Abosiami jali a kuu ɔ mi ɔ, lakpatsɛmɛ ɔmɛ nɛ deɔ ke Yuda bi ji mɛ, pohu e be mi ja a, nɔ́ nɛ ma pee mɛ ji nɛ ɔ nɛ. Ma ha nɛ a maa ba nɛ a ma ba kpla si ngɛ o nane nya. Nɛ mɛ tsuo a ma na le kaa i suɔ mo.

1 Petro 3:16

Se nyɛɛ pee enɛ ɔ kɛ bu, nɛ nyɛ ko nyɛ a nɔ. Nyɛɛ hi si saminya, nɛ nyɛ he nile ko bu nyɛ fɔ. Ke nyɛ pee jã a, nyɛ je mi bami kpakpa kaa Kristo se nyɛɛli ɔ ma ha zo maa gbe nihi nɛ tuɔ munyu yaya kɛ siɔ nyɛ ɔ.

2 Tesalonikabi 1:8

kɛ la nɛ ngɛ tsoe plamplam. Nihi nɛ li Mawu, kɛ ni nɛmɛ nɛ bui Nyɔmtsɛ Yesu sane kpakpa a, e kɛ mɛ maa to ní.

Ni Tsumi 28:27

Ejakaa ma nɛ ɔ nui nɔ́ sisi kulaa; nɔ́ ko nɔ́ ko sɛ we a tue mi. Ke pi jã a, a maa hyɛ nɔ́, nɛ a maa nu nɔ́, nɛ a juɛmi ma kɔ nɔ́ se. Kɛkɛ ɔ, a maa kpale kɛ ba imi Mawu, ye ngɔ, nɛ ma he a yi wami.’ ”

Mateo 25:41

“Kɛkɛ ɔ, e ma de ni nɛmɛ nɛ ngɛ e muɔ nɔ ɔ ke, ‘Nyɛ nihi nɛ Mawu gbiɛ nyɛ, nyɛɛ je ye nɔ! Neneene la nɛ a dla ngɔ to Abosiami, kɛ e bɔfo ɔmɛ ɔ, nyɛ ya sɛ mi!

Malaki 4:1

Yawɛ Tabohiatsɛ ɔ ke, “Be ma nɛ he woli, kɛ yayami peeli tsuo maa sã kaa bɔ nɛ nga sãã ngɛ flɔɔnɔɔ mi ɔ. Jamɛ a be ɔ, a maa sã pɛsɛpɛsɛ, nɛ a he nɔ́ ko nɔ́ ko be piɛe.

Yeremia 44:28

Se nyɛ ti nihi bɔɔ ko kɛ̃ a he maa je mi, nɛ a maa kpale kɛ je Egipt zugba a nɔ kɛ ya Yuda zugba a nɔ. Jamɛ a be ɔ loko nihi nɛ a yi na wami ɔ maa le kaa imi lɛ ye munyu ba mi, aloo mɛ.

Yeremia 5:3

Anɛ pi anɔkuale yemi pɛ nɛ Yawɛ suɔ lo? Yawɛ fia nyɛ ní, se nyɛ bui fɛɛ. Yawɛ kpata nyɛ hɛ mi, se nyɛ kase we ní kɛ ji mi. Nyɛ kplii nyɛ tsui kaa tɛ sa, nɛ nyɛ kpale we kɛ ji nyɛ yayami ɔmɛ a se.

Yesaya 60:14

Nihi nɛ wa mo yi mi ɔ a bimɛ ɔmɛ maa ba, nɛ a ma ba kpla si ha mo. Nihi nɛ gbe o he guɛ be ko ɔ, mɛ hu a ma ba kpla si ngɛ o nane nya. Nɛ a ma tsɛ mo ke, ‘Yawɛ ma,’ ‘Zion, Israel Mawu klɔuklɔu ɔ ma.’

Yesaya 44:18

Nɔ́ nɛ a ngɛ pee ɔ, a li, nɛ a nui sisi hulɔ. A nga a hɛngmɛ, konɛ a ko hyɛ nɔ́, a tsi a juɛmi nya, konɛ a ko nu nɔ́ sisi.

Yesaya 44:9

Amaga puɛli ɔmɛ tsuo ji nimli guhi, nɛ amaga amɛ nɛ a buu kaa nɔ́ ko ɔ, a he be se nami ko kulaa. Nihi nɛ jaa kikɛmɛ a ní nɛ ɔmɛ ɔ, a hɛngmɛ yu; a li nɔ́ ko fɛɛ; zo maa gbe mɛ.

Yesaya 18:3

Nyɛ, nihi tsuo ngɛ je ɔ mi, nyɛɛ bu tue! Nyɛ maa na aflangaa ko nɛ a si ngɛ yo ɔmɛ a nɔ! Nyɛɛ bu tue; nyɛ maa nu nɛ a ngɛ titimati kpae!

Yesaya 11:13

Israel, Efraim nina a kɛ Yuda be nɔ́ he plee hu; nɛ Yuda be Israel nya dooe hu.

La 86:17

Yawɛ, tsɔɔ mi o mɔbɔ nami ɔ he okadi ko, konɛ ye he nyɛli ɔmɛ nɛ a na, nɛ zo nɛ gbe mɛ kaa o piɛ ye he, nɛ o jɔɔ ye bua.

La 21:8

Matsɛ, o nine maa su o he nyɛli ɔmɛ tsuo a nɔ. Nihi tsuo nɛ sume mo ɔ, o nine maa su a nɔ.

La 10:12

Yawɛ Mawu, gbla yayami peeli a tue, nɛ o hɛ ko je nɔ́ nali a nɔ.

Hiob 34:27

ejakaa a kpa e se nyɛɛmi, nɛ e mlaa amɛ hu a yi ekoeko nɔ.

Samuel I, 6:9

Lɔ ɔ se ɔ, nyɛɛ hi lɛ hyɛe; ke e ba mi kaa tlɔɔke ɔ nyɛɛ tɛ̃ɛ̃ kɛ ya su lɛ nitsɛ e zugba a nɔ ngɛ Bet Shemesh ɔ, lɛɛ Israel Mawu ɔ ji nɔ nɛ kɛ amanehlu nguaa nɛ ɔ ba wa nɔ ɔ nɛ. Se ke e pee we ja a, lɛɛ wa maa na kaa tsa pi lɛ nɛ e gbla wa tue, se mohu matahu kɛkɛ nɛ ba po wɔ.”

Mose II, 9:14

Jehanɛ ɔ lɛɛ i be o tsɔli ɔmɛ, kɛ o ma a kɛkɛ tue gblae; se mohu ma ha nɛ nɔ́ nami ɔ maa sa mo nitsɛ hu o he, konɛ o le kaa nɔ ko nɔ ko be nɛ e kɛ mi sɔ ngɛ je ɔ mi tsuo.

Luka 16:23

Benɛ e ngɛ haomi nɛ nya wa mi ngɛ gbeje, nɛ e wo e yi nɔ nɛ e maa hyɛ ɔ, Abraham ji nɛ ngɛ lokoo, kɛ Lazaro ngɛ e kasa nya.

La 78:63

La kpata nihewi ɔmɛ a hɛ mi, nɛ yihewi ɔmɛ nɛ nyumuhi nɛ a gba.

Yesaya 1:31

Nihi nɛ a he wa a, a he yayami ɔmɛ ma kpata mɛ nitsɛmɛ a hɛ mi kaa bɔ nɛ la nɛ sɛ sulii sãã nga a. Nɔ́ nɛ ɔ, nɔ ko nɔ ko be nyɛe maa tsi nya.

Yesaya 9:7

E nɔ yemi ɔ ma he si, nɛ e maa bɔ; ma a ma na tue mi jɔmi daa, ejakaa e maa ye tsɛ kaa Matsɛ David nitsɛ se yelɔ. E maa pee kpakpa, nɛ e maa ye dami sane, kɛ maa je be nɛ ɔ mi kɛ yaa su je mi nyagbe. Yawɛ Tabohiatsɛ ɔ kɛ hɛdɔ ma tsu ní nɛ ɔmɛ tsuo.

Yesaya 9:18

Ma a yi wu tso ní peemi ɔ nya wa kaa la nɛ ngɛ mio tso hue, kɛ miohi sãe. E ngɛ tsoe kaa hue nɛ ngɛ sãe, nɛ la su ku ngɛ jee titiiti kɛ yaa hiɔwe.

Yesaya 9:19

Akɛnɛ Yawɛ Tabohiatsɛ ɔ mi mi fu he je ɔ, e tue gblami ɔ nya wa kaa la nɛ ngɛ nimli tsuo a hɛ mi kpatae ngɛ zugba a nɔ. Nɔ tsuaa nɔ ngɛ lɛ nitsɛ e wami he plee.

Yesaya 10:17

Mawu nɛ ji la kɛ ha Israel ɔ ma mle. Mawu klɔuklɔu ha Israel ɔ ma mle kɛ la, nɛ ligbi kake too mi ɔ, e maa sã nɔ́ tsuaa nɔ́; e maa sã mio ɔmɛ, kɛ mio tso ɔmɛ tsuo.

Yesaya 37:32

Ni komɛ maa piɛ kɛ̃, nɛ a maa je Yerusalem kɛ Zion yo ɔmɛ a nɔ kɛ ya; ejakaa Yawɛ Tabohiatsɛ ɔ ma tsu nɔ́ nɛ ɔ kɛ hɛdɔ.

Yesaya 42:13

Yawɛ hia kpo kaa ta bulɔ; e hia kpo kaa ta bulɔ nɛ hɛ dɔ. E ngɛ ngmlaa kpae. E ngɛ ose hee kɛ ngɛ e he nyɛli ɔmɛ woe kaa e kɛ mɛ maa to ní.

Yesaya 59:17

E maa ye dami sane be tsuaa be; dami sane yemi maa pee kaa tsɛ̃i nɛ ha e he. Yi wami hemi hu maa pee e hiami nɔ́; e maa pee kaa dade pɛɛ nɛ e bu. E kɛ abofu, kɛ hɛdɔ maa gbla he nyɛli ɔmɛ a tue kɛ fa ni nɛmɛ nɛ a ngɛ mɛ amimi yee ɔ a he.

Yesaya 63:15

Yawɛ, moo hyɛ wɔ kɛ je hiɔwe ngɛ o hi he klɔuklɔu he nɛ hɛ mi nyami bɔle mo ngɛ ɔ. O hɛdɔ, kɛ o he wami kpetekpleenyɛ ɔ, jije e ngɛ? O tsui mi sami, kɛ suɔmi babauu ɔ hu a se po.

Yesaya 66:15

Yawɛ maa nyɛɛ la mi kɛ ba. E maa hi ta zugba lɛ nɛ ngɛ kaa lasiogblee mi kɛ ba, nɛ e ma ba kpata e he nyɛli ɔmɛ a hɛ mi.

Yesaya 66:24

“Ke a je hiɛ ɔ, a ma ya na nihi nɛ kua mi ɔ a gbogboehi nɛ pueɔ si. Gɔgɔ nɛ gbogboe ɔmɛ wo ɔ be gboe gblegbleegble, nɛ la nɛ ngɛ mɛ sããe ɔ hu a be nyɛe maa gbe; a maa pee he mi nyɛɛmi nɔ́ ha nimli adesahi tsuo.”

Mika 7:16

Je ma amɛ maa na enɛ ɔ, nɛ zo maa gbe mɛ. A ma yɔse kaa mamoo a he wami ɔ sui he ko saasaa. Sawale maa nu mɛ; a ma ma a nya, nɛ a kɛ a nine nguɛhi maa hɔɔ a tue puɔ mi.

La 28:5

Akɛnɛ a bui níhi nɛ Yawɛ tsu, kɛ níhi nɛ e pee ɔ he je ɔ, Yawɛ ma kpata a hɛ mi pɛsɛpɛsɛ, nɛ e be mɛ mɔbɔ nae hu.

Yesaya 10:16

Nyɔmtsɛ Yawɛ Tabohiatsɛ ɔ maa ngɔ hiɔ kɛ gbla ta buli nɛ je oblai ɔ tsuo a tue. A maa ta he lo. La ko ma mle ngɛ a nɔmlɔ tso mi, nɛ la nɛ ɔ maa tso wawɛɛ.

Yesaya 66:5

Nyɛ ni nɛmɛ nɛ nyɛ yeɔ Yawɛ gbeye, nɛ nyɛ buɔ lɛ, nyɛ ta tue, “Akɛnɛ nyɛ yeɔ mi anɔkuale ɔ, nyɛ ma mi bi ɔmɛ ekomɛ nyɛɔ nyɛ, nɛ a kɛ nyɛ pee we nɔ́ ko nɔ́ ko, se nyɛ he fɛu mohu a yeɔ. A deɔ ke, ‘Yawɛ nɛ je e he wami kpo nɛ e he nyɛ yi wami, konɛ waa na bɔ nɛ nyɛ ma nya ha.’ Se mɛ nitsɛmɛ a hɛ mi si mohu a ma pue!

Mika 7:10

Wa he nyɛli ɔmɛ maa na nɔ́ nɛ ɔ, nɛ zo maa gbe mɛ. Mɛ lɛ a ye wa he fɛu nɛ a bi wɔ ke, “Jije Yawɛ, nyɛ Mawu ɔ ngɛ?” Wa maa na kaa a ye a nɔ kunimi, nɛ a naa a nɔ kaa mɔsɔ ngɛ gbɛjegbɛ nɔ.