Yesaya 24:9 - BAIBLO ALOO NGMAMI KLƆUKLƆU Ɔ

⁹ Nihi pa nui wai nɛ a la kɛ to he hu; dã nɛ nya wa dooɔ ngɛ a nya mi.

Yesaya 24:9 ပူးပေါင်းရင်းမြစ်များ

Yesaya 5:22

Musu tloo nyɛ! Nyɛ nihi nɛ nyɛ peeɔ kã ngɛ dã tɔmi he! Ke e su dã nɛ nya wa futumi nɔ ɔ, kɛkɛ nyɛ he mi wa nyɛ.

Fiɛlɔ 9:7

Yaa nɛ o ya ye ní, nɛ o na bua jɔmi. Yaa nu wai, nɛ o tsui nɛ nɔ o mi; o ní tsumi ɔ sa Mawu hɛ mi momo.

Amos 8:10

Jehanɛ se hu, be mi nɛ nyɛ ngɛ ní yee, nɛ nyɛ ngɛ nyae ɔ, ma ha nɛ nyɛ ma bɔni kɔmɔ yemi jamɛ a be ɔ mi nɔuu; ma tsake nyɛ bua jɔmi la amɛ kɛ pee kɔmɔ yemi lahi. Ma ha nɛ nyɛ ma sã nyɛ yi nɔ, nɛ nyɛ ma bu kpekpe ya bo. Ma ha nɛ nyɛ maa ye kɔmɔ kaa nɔ ko nɛ e bi kake too pɛ ɔ gbo; nɔ tsuaa nɔ maa pee mɔbɔmɔbɔ jamɛ a ligbi ɔ.

Amos 8:3

Jamɛ a ligbi ɔ, yi ɔmɛ nɛ a hii lae ngɛ matsɛ we ɔ mi ɔ ma nya awe mohu. A ma sake ni gbogboehi babauu kɛ fɔ he tsuaa he dii, nɛ a be nɔ́ ko nɔ́ ko he nue.”

Yesaya 5:20

Musu tloo nyɛ! Nyɛ tsɛɔ yayami ke kpakpa, nɛ nyɛ tsɛɔ kpakpa ke yayami. Nyɛ plɛɔ diblii kɛ peeɔ la, nɛ la hu peeɔ diblii. Nyɛ plɛɔ doomi kɛ peeɔ ngɔɔmi, nɛ nɔ́ nɛ ngɔɔ peeɔ nɔ́ nɛ dooɔ.

La 69:12

Nihi nɛ hii si ngɛ agbo nya a, ye he munyu sɔuu a hii tue, nɛ dã deli ɔmɛ hu imi la a hii woe.

Zakaria 9:15

Yawɛ Tabohiatsɛ ɔ maa bu e ma a he, a maa naa amlami fɔli ɔmɛ a nɔ, nɛ a ma kpata a hɛ mi. Muɔ ma pue si kaa wai nɛ hyi kplu. A ma pue a he nyɛli a muɔ si basaa kaa bɔ nɛ a kpaa muɔ kɛ pueɔ bɔ sami la tɛ nɔ ɔ.

Ezekiel 26:13

Ma ha o la amɛ a se maa po; a be o saku ɔmɛ a he nue hu.