Yesaya 24:7 - BAIBLO ALOO NGMAMI KLƆUKLƆU Ɔ

⁷ Wai he be hu; ejakaa wai tso ɔmɛ gbli. Nihi tsuo nɛ a bua jɔ be ko ɔ, jehanɛ lɛɛ a ngɛ kɔmɔ yee.

Yesaya 24:7 ပူးပေါင်းရင်းမြစ်များ

Yesaya 16:10

Jehanɛ lɛɛ nɔ ko nɔ ko bua jɔɛ e he ngɛ ngmɔhi nɛ baa ní saminya a a nɔ hu. Nɔ ko nɔ ko kpa we ngmlaa; nɔ ko nɔ ko la we ngɛ wai ngmɔ ɔmɛ a nɔ, nɛ nɔ ko nɔ ko ngɛ̃ wai kɛ ji wai yiblii mi hu. Lele hwɔmi ngɛ ngmɔ ɔmɛ a nɔ ɔ tsuo se po.

Yesaya 16:8

Ejakaa a kpata Heshbon ngmɔ ɔmɛ, kɛ Sibma wai tso ɔmɛ a hɛ mi. Je ma amɛ a nɔ yeli ɔmɛ ku tso kɔni ɔmɛ ngɛ lejɛ ɔ tsuo kɛ ya su Yazer, kɛ ya kpa nga kplanaa a nɔ tsuo; kɔni ɔmɛ gba kɛ ya su Ngo wo ɔ se tɔɔ.

Yeremia 7:34

Zugba a ma plɛ pee nga kplanaa. Ma ha nɛ nyami, bua jɔmi, kɛ ayɛflo he ní peemi hoo ɔ se maa po ngɛ Yuda ma amɛ a mi, kɛ Yerusalem gbɛjegbɛ ɔmɛ a nɔ.

Ezekiel 6:14

Niinɛ, ma wo ye nine nɔ ngɛ a nɔ, nɛ ma kpata zugba a hɛ mi bɔ nɛ nɔ ko nɔ ko be nɔ nyɛe maa hi. Kɛ je leneyi je nga kplanaa a nɔ kɛ ya su Ribla ma a he ngɛ omleyi je, hehi nɛ Israel bi ɔmɛ hii ɔ, ma kpata lejɛ ɔmɛ tsuo a hɛ mi. Kɛkɛ ɔ, a ma na maa le kaa imi ji Yawɛ.”