Yesaya 24:6 - BAIBLO ALOO NGMAMI KLƆUKLƆU Ɔ

⁶ Lɔ ɔ he ɔ, Mawu gbiɛ zugba a. Ni ɔmɛ ngɛ nɔ́ nae ngɛ yayami nɛ a pee ɔ he. Nihi babauu a hɛ mi kpata; nihi bɔɔ pɛ lɛ piɛ.

Yesaya 24:6 ပူးပေါင်းရင်းမြစ်များ

Malaki 4:1

Yawɛ Tabohiatsɛ ɔ ke, “Be ma nɛ he woli, kɛ yayami peeli tsuo maa sã kaa bɔ nɛ nga sãã ngɛ flɔɔnɔɔ mi ɔ. Jamɛ a be ɔ, a maa sã pɛsɛpɛsɛ, nɛ a he nɔ́ ko nɔ́ ko be piɛe.

Mateo 7:14

Se agbo nɛ kɛ nɔ yaa wami mi ɔ ngɛ tokofii; blɔ ɔ hu hí, nɛ nihi bɔɔ pɛ lɛ naa blɔ ɔ.

Romabi 9:27

Yesaya hu kpa ngmlaa kɛ de ngɛ Israel he ke, “Ke Israel bi hiɛ kaa wo nya zia tete po ɔ, nihi nɛ piɛ ɔ pɛ a yi wami a ma he.

Malaki 4:6

Lɛ nɛ e maa dɔ tsɛmɛ a tsui kɛ ba a bimɛ a he, nɛ bimɛ hu a tsui maa ba a tsɛmɛ a he; nɛ e maa pee mɛ kake ekohu. Ke pi ja a, ma ba, nɛ ma ba kpata nyɛ zugba a hɛ mi.” Yawɛ Tabohiatsɛ ɔ lɛ de.

Mose III, 26:22

Ma ngmɛɛ pu mi lohwe dikali a he ngɔ pue nyɛ nɔ, nɛ a maa gbe nyɛ bimɛ; a ma kpata nyɛ we mi lohwehi a hɛ mi, nɛ ma ha nyɛ nɔ ma gbɔ, nɛ nimli be hiɛe ngɛ blɔ ɔmɛ a nɔ hu.

2 Petro 3:10

Se Nyɔmtsɛ ɔ ligbi ɔ maa ba kaa bɔ nɛ julɔ baa a. Jamɛ a ligbi ɔ, hiɔwe maa be kɛ ho kɛ kemi nɛ nya wa. Níhi nɛ ngɛ hiɔwe ɔ tsuo maa sã, nɛ a hɛ mi ma kpata, nɛ je ɔ, kɛ e mi nɔ́ tsuaa nɔ́ maa laa.

Malaki 3:9

Gbiɛmi ngɛ nyɛ tsuo nyɛ nɔ, ejakaa ma a tsuo ngɛ mi sisie.

Malaki 2:2

nyɛɛ pee nɔ́ nɛ da nɛ nyɛ kɛ wo ye hɛ mi nyami. Ke nyɛ bui nɔ́ nɛ i ngɛ nyɛ dee ɔ tue ɔ, ma gbiɛ nyɛ; nɛ gbaami nɛ i ko gbaa nyɛ ɔ ma plɛ pee tue gblami mohu. Niinɛ, i gbiɛ nyɛ momo, ejakaa nyɛ yi ye mlaa amɛ a nɔ bɔ nɛ sa.

Ezekiel 5:3

Ngɔɔ bwɔmi nɛ ɔ mi bɔɔ ko pɛ kɛ muɔ o tade ɔ nya.

Yesaya 1:31

Nihi nɛ a he wa a, a he yayami ɔmɛ ma kpata mɛ nitsɛmɛ a hɛ mi kaa bɔ nɛ la nɛ sɛ sulii sãã nga a. Nɔ́ nɛ ɔ, nɔ ko nɔ ko be nyɛe maa tsi nya.

Mose V, 28:62

E ngɛ mi kaa nyɛ ma ba fɔ babauu nɛ nyɛ he maa hiɛ kaa dodoehi ngɛ hiɔwe lɛɛ, se nyɛ ti nihi bɔɔ pɛ nɛ a yi ma na wami; ejakaa nyɛ bui Yawɛ, nyɛ Mawu ɔ gbi tue.

Mose V, 4:27

Yawɛ maa gbɛ nyɛ ngɔ fĩa je ma kpa amɛ a mi, nɛ nyɛ ti nihi bɔɔ pɛ nɛ a yi ma na wami.

Mateo 27:25

Ma kpekpemi ɔ tsuo he nɔ ke, “Ee, wa nu! Tue gblami nɛ maa ba ngɛ nyumu nɛ ɔ gbenɔ se ɔ, e pee waa kɛ wa nina wa nɔ!”

Yesaya 5:24

Lɔ ɔ he ɔ, Israel hɛ mi ma ba kpata pɛsɛpɛsɛ kaa bɔ nɛ la sãã hu kɛ nga gbigbli ɔ. Nɔ́ nɛ ɔ maa ba a nɔ, ejakaa a kua Yawɛ Tabohiatsɛ ɔ mlaa amɛ. A yi Israel Mawu klɔuklɔu ɔ mlaa amɛ a nɔ.

Yesaya 9:19

Akɛnɛ Yawɛ Tabohiatsɛ ɔ mi mi fu he je ɔ, e tue gblami ɔ nya wa kaa la nɛ ngɛ nimli tsuo a hɛ mi kpatae ngɛ zugba a nɔ. Nɔ tsuaa nɔ ngɛ lɛ nitsɛ e wami he plee.

Yesaya 34:5

Yawɛ pee e klaate ɔ klaalo ngɛ hiɔwe, konɛ jehanɛ e kɛ gbe Edom bi ɔmɛ nɛ e de ke a ma kpata a hɛ mi ɔ.

Yesaya 43:28

nɛ nyɛ ganɔ ɔmɛ hu ble ye he klɔuklɔu ɔ; lɔ ɔ he ɔ, i ha a kpata Israel hɛ mi; i ha a pue ye ma a hɛ mi si.”

Matsɛmɛ II, 24:12

nɛ Yuda matsɛ, Yehoyakin nyɛ ngɔ lɛ nitsɛ e he, e tsɔli ɔmɛ, e ma nimeli ɔmɛ, kɛ matsɛ we ɔ ní tsuli ɔmɛ ngɔ ha Babilonia matsɛ ɔ. Nebukadnezar yi nɔ jeha nɛ ji kpaanyɔ ɔ mi ɔ, e nu Yehoyakin nyɔguɛ,

Matsɛmɛ II, 25:12

Se e si nimli gu komɛ nɛ be nɔ́ ko mi ɔ ngɛ Yuda, konɛ a hu ngmɔ, nɛ a tsu ní ngɛ wai abɔɔ ɔmɛ a mi.

Yesaya 1:9

Kaa Yawɛ Tabohiatsɛ ɔ ha we nɛ wa ti ni komɛ a yi nɛ na wami ɔ, wa ko pee kaa Sodom kɛ Gomora.

Yeremia 12:4

Wa ngmɔ ɔmɛ a nɔ nga a tsuo gbli. Pu mi lohwehi, kɛ lohwe pɛlitsɛmɛ ngɛ tae. Wa zugba a pee mɔbɔmɔbɔ, ejakaa wa ma mi bi ɔmɛ pee yayami. Nɔ́ nɛ a deɔ ji, “Nɔ́ nɛ wa ngɛ pee nɛ ɔ, Mawu tsa nɛ.” Mɛni be nɔ́ nɛ ɔ maa ya nɔ kɛ yaa si?