Yesaya 24:23 - BAIBLO ALOO NGMAMI KLƆUKLƆU Ɔ

²³ Nyɔhiɔ maa wo diblii, nɛ pu be tsoe hu, ejakaa Yawɛ Tabohiatsɛ ɔ maa ye matsɛ. E maa ye matsɛ ngɛ Yerusalem ngɛ Zion yo ɔ nɔ, nɛ ma nimeli ɔmɛ maa na e hɛ mi nyami ɔ.

Yesaya 24:23 ပူးပေါင်းရင်းမြစ်များ

Yesaya 60:19

“Tsa pi pu nɛ maa pee la ha mo piani hu, jehanɛ hu tsa pi nyɔhiɔ nɛ ma ha mo la nyɔ mi. Se mohu imi Yawɛ nitsɛ ma pee o la kɛ maa ya neneene. Ye hɛ mi nyami maa pee kaa la nɛ ma kpɛ ha mo.

Kpojemi 21:23

Pu, loo nyɔhiɔ nɛ ma kpɛ he hia we ngɛ ma a mi; ejakaa Mawu hɛ mi nyami ɔ ji la nɛ kpɛɔ ngɛ ma a mi, nɛ To bi ɔ ji e kane.

Yesaya 13:10

Dodoe tsuaa dodoe, kɛ dodoe kuu ɔmɛ nɛ a ngɛ hiɔwe ɔ be kpɛe hu. Ke pu je po, diblii maa wo, nɛ nyɔhiɔ hu be kpɛe.

Kpojemi 22:5

Diblii be si hie hu, nɛ kane, loo pu la he be mɛ hiae, ejakaa Nyɔmtsɛ Mawu ma ha mɛ la, nɛ a maa ye matsɛ kɛ maa ya neneene.

Hebribi 12:22

Amlɔ nɛ ɔ lɛɛ nyɛ ba su Zion yo ɔ, nɛ ji Mawu hɛ kalɔ ɔ ma a he. Nyɛ ba su hiɔwe Yerusalem ngɛ Mawu kɛ e bɔfohi babauu nɛ a be nyɛe kanemi, nɛ a bua kɛ ngɛ nyae ɔ a ngɔ.

Mika 4:7

Akpaketsɛmɛ ɔmɛ, kɛ ni nɛmɛ nɛ ngɛ ma se lokoo ɔ, ma kpale mɛ kɛ ba we ekohu; nɛ ma pee mɛ ma agbo. Ma hi Zion Yo ɔ nɔ kɛ ye matsɛ ngɛ a nɔ, kɛ maa je jamɛ a be ɔ mi, kɛ maa ya neneene.” Yawɛ lɛ de.

Yesaya 30:26

Nyɔhiɔ ma kpɛ kaa pu, nɛ pu la a nya maa wa wawɛɛ kaa bɔ nɛ e nya waa daa a totoe si kpaago; e maa pee kaa ligbi kpaago pu tsotsoe tsuo nɛ a bua nya ngɔ ha ligbi kake. Plaami nɛ Yawɛ plaa e ma a, e maa fi pa amɛ a nɔ ha mɛ, nɛ pa amɛ ma gbo. Ní nɛ ɔmɛ tsuo maa ba mi jamɛ a be ɔ mi.

Yesaya 12:6

Nyɛ nihi tsuo nɛ nyɛ ngɛ Zion, nyɛ hwɔ lele nɛ nyɛ la kɛ bua jɔmi. Ejakaa Mawu kle, Mawu klɔuklɔu ji Israel Mawu ɔ nɛ kɛ nyɛ ngɛ ɔ nɛ.”

Kpojemi 19:6

Jehanɛ ɔ, i nu nɛ nɔ́ ko ngɛ pɛe ngɛ hiɔwe kaa nihi babauu a gbi, loo pa nɛ hia kɛ bee, loo hiɔwe nɛ ngɛ sie wawɛɛ. I nu nɛ a ngɛ dee ke, “A je Mawu yi! Ejakaa Nyɔmtsɛ, wa Mawu Ope ɔ ngɛ matsɛ yee!

Kpojemi 19:4

Kɛkɛ nɛ nikɔtɔma nyingmi enyɔ kɛ eywiɛ ɔmɛ, kɛ hɛ kali eywiɛ ɔmɛ ngɔ a hɛ mi ngɔ bu si nɛ a ja Mawu nɛ hii si ngɛ e matsɛ sɛ ɔ nɔ ɔ, nɛ a de ke, “Amen! A je Mawu yi!”

Kpojemi 14:1

Jehanɛ ɔ, i hyɛ, nɛ i na To bi ɔ nɛ daa si ngɛ Zion yo ɔ nɔ, kɛ nimli 144,000. A ngma To bi ɔ, kɛ e Tsɛ ɔ tsuo a biɛ ngɛ nimli nɛ ɔmɛ a ti nɔ tsuaa nɔ hɛ nya.

Kpojemi 11:15

Jehanɛ ɔ, bɔfo kpaagone ɔ kpa e titimati ɔ, nɛ i nu gbihi nɛ ngɛ pɛe wawɛɛ ngɛ hiɔwe ke, “Amlɔ nɛ ɔ, wa Nyɔmtsɛ ɔ kɛ e Kristo ɔ nɛ a ngɛ je ɔ nɔ yee. Nɛ a maa ye matsɛ kɛ maa ya neneene!”

Zakaria 9:9

Zion, nyá oo, nyá! Yerusalem, mo he ose! Hyɛ, o matsɛ ɔ ma! E ma kɛ agbo jemi kɛ kunimi yemi. E ba e he si, nɛ e hi teji okpɔngɔ nɔ; ee, e hi teji okpɔngɔ bi nɔ.

Yoel 3:15

Pu kɛ nyɔhiɔ maa wo diblii, nɛ dodoe ɔmɛ be kpɛe hu.

Yoel 2:31

Pu maa wo diblii, nɛ nyɔhiɔ maa pee tsutsuu kaa muɔ. Lɔ ɔ se loko Yawɛ ligbi nguaa nɛ ngɛ gbeye ɔ maa ba.

Daniel 7:27

A maa ngɔ matsɛ yemihi tsuo nɛ ngɛ je ɔ mi ɔ a he wami, kɛ agboje ngɔ ha Hiɔwe No ɔ we ni klɔuklɔu ɔmɛ a ma a. A matsɛ yemi ɔ se be poe gblegbleegble, nɛ je nɛ ɔ mi matsɛmɛ ɔmɛ tsuo ma sɔmɔ mɛ, nɛ a maa bu mɛ tue.”

Daniel 7:18

Se nyagbe ɔ, Hiɔwe No ɔ we ni klɔuklɔu ɔmɛ a nine maa su matsɛ yemi ɔ nɔ, nɛ a maa ye matsɛ kɛ maa ya neneene.”

Yesaya 52:7

Mɛni ji afɛu! Nyɛɛ hyɛ manye munyu fiɛlɔ ko nyɛɛ yo ɔmɛ a nɔ kɛ ma; e hɛɛ manye munyu sɔuu; manye munyu ɔ kɔɔ tue mi jɔmi he! E ngɛ fiɛe ke a ye kunimi, nɛ e ngɛ Zion dee ke, “O Mawu ɔ ngɛ matsɛ yee!”

La 97:1

Yawɛ ngɛ matsɛ yee! Mo je, mo nya koo! Nyɛ zugbahi tsuo nɛ wo bɔle nyɛ, nyɛ bua nɛ jɔ, nɛ nyɛ nya!

Mose II, 15:21

Nɛ Miriam la ha mɛ ke, “Nyɛ la kɛ je Yawɛ yi, ejakaa e ye kunimi nguaa. E tsɛ̃ okpɔngɔ kɛ e nɔ hilɔ ɔ kɛ wo wo ɔ mi bum!”

Mateo 6:10

O Matsɛ yemi ɔ nɛ ba; a pee nɔ́ nɛ o suɔ ngɛ zugba a nɔ kaa bɔ nɛ a peeɔ ngɛ hiɔwe ɔ.

Mateo 6:13

Nɛ o kɛ wɔ ko ya ka mi; se mohu, je wɔ kɛ je nɔ yayami ɔ dɛ mi.’

Mateo 24:29

“Haomi nɛ maa ba jamɛ a be ɔ, ke e se po pɛ pu maa tsɔ diblii, nɛ nyɔhiɔ be kpɛe hu. Dodoehi ma tsɔ kɛ je hiɔwe ba fia si, nɛ a maa fie he wamihi nɛ bɔle je ɔ kɛ je a blɔ hehi.

Yesaya 33:17

Nyɛ ma ná matsɛ ko nɛ maa ye tsɛ saminyayoo ngɛ zugba a gbo tɛtlɛɛ ko nɔ ekohu.

Yesaya 60:1

Yerusalem, tee si nɛ o tso kaa pu; Yawɛ hɛ mi nyami ɔ ngɛ kpɛe ngɛ o nɔ.

Yesaya 60:20

O kɔmɔ yemi ligbi ɔmɛ a se maa po. Imi Yawɛ nitsɛ ma pee la ha mo kɛ maa ya neneene; pu kɛ nyɔhiɔ lɛɛ a se maa po.

Ezekiel 48:35

Gbogbo nɛ maa bɔle ma a kɛ kpe ɔ tsuo, ke a susu ɔ, é pee gugue akpe eywiɛ kɛ e nya lafa enuɔ. Kɛ je jamɛ a ligbi ɔ, biɛ nɛ a kɛ ma tsɛ ma a ji, “Yawɛ ngɛ hiɛmɛ nɛ ɔ!”

Zakaria 14:6

Jamɛ a be ɔ, fĩɛ nɛ nya wa

Zakaria 14:7

be si hie hu. Du be bue gblegbleegble. Nyɔ mi hu je mi maa tɛ paa kaa piani. Be nɛ nɔ́ nɛ ɔ maa ba mi ɔ, Yawɛ pɛ lɛ le.

Yesaya 33:22

Jamɛ a lɛ ɔmɛ a mi tso ɔmɛ a he be se nami; a be hie kɛ abalaa womi. Wa ma kpɔ he nyɛli ɔmɛ a ní kpakpa amɛ tsuo ngɛ a dɛ. Ta yibu ní babauu nɛ a ma na a, a maa dla, nɛ nɔ tsuaa nɔ ma na eko; glɔtsɛmɛ po ma na a blɔ fa mi nɔ́. Yawɛ nitsɛ maa pee wa matsɛ. E maa ye wa nɔ, nɛ e maa bu wa he.

Obadia 1:21

Yerusalem manye yeli ɔmɛ ma ya tua Edom, nɛ a maa ye ma a nɔ. Nɛ Yawɛ nitsɛ maa pee a matsɛ.” Mawu lɛ de.