Yesaya 24:18 - BAIBLO ALOO NGMAMI KLƆUKLƆU Ɔ

¹⁸ Nɔ tsuaa nɔ nɛ maa ma fo kɛ je gbeye ní ɔmɛ a he ɔ maa nɔ muɔ voo mi, nɛ nɔ nɛ be muɔ voo ɔ mi nɔe ɔ maa du klama. Hiɔmi maa nɛ piapiaapia, nɛ je ɔ sisi tomi ɔmɛ ma mimiɛ.

Yesaya 24:18 ပူးပေါင်းရင်းမြစ်များ

La 18:7

Kɛkɛ nɛ zugba mimiɛ, nɛ yo ɔmɛ a sisi tomi ɔmɛ hɛ mɛ kɛ je a blɔ hehi, nɛ a mimiɛ, ejakaa Yawɛ mi mi fu.

Mose I, 7:11

Benɛ Noa ye jeha lafa ekpa a, jamɛ a jeha a we hlami enyɔne ɔ ligbi nɛ ji nyɔngma kɛ kpaago ɔ nɔ ɔ, zugba a nɔ nyu hɛngmɛhi babauu ɔ tsuo hia, nɛ hiɔwe saflɛ ɔmɛ tsuo bli,

Amos 5:19

Jamɛ a ligbi ɔ, nyɛ sane maa pee kaa nyumu ko nɛ tu fo kɛ je jata nya mi, nɛ e kɛ osisiblisi ya kpe! Aloo nyumu ko nɛ je pu mi kɛ ba we mi kɛ pɔtɔ. Benɛ e kpasa gbogbo nɛ́ e jɔɔ e he ɔ, kɛkɛ sinɔ kɔ lɛ.

La 18:15

Yawɛ, benɛ o ké o he nyɛli ɔmɛ a yi, nɛ o kɛ abofu wo gbi ɔ, nyu dɔ ɔmɛ je kpo, nɛ je ɔ sisi tomi ɔmɛ fɔɔ si paa.

Hiob 20:24

Ke e ka kaa e maa tu fo kɛ je dade nya a, a ma tsɛ̃ lɛ akɔblee kɛ̃ɛ̃ kɛ fɔ si.

Matsɛmɛ II, 7:2

Matsɛ ɔ we asafoatsɛngua a de Mawu nɔmlɔ ɔ ke, “Ke Yawɛ nitsɛ ma ha hiɔmi maa nɛ tlukaa po, nɔ́ nɛ ɔ be mi bae.” Elisha he nɔ ke, “Mo nitsɛ o maa na nɔ́ nɛ ɔ kɛ o hɛngmɛ, se o be ní ɔ eko yee!”

Mose I, 19:24

Tlukaa a, Yawɛ ha nɛ la nɛ ngɛ tsoe gegeege je hiɔwe pue Sodom kɛ Gomora a nɔ.

Fiɛlɔ 9:12

Nɔmlɔ adesa li e be. Be yayami ba naa nɔ tlukaa kaa bɔ nɛ lo duɔ ya, aloo kaa bɔ nɛ lohwe pɛlitsɛ duɔ klama a.

Yesaya 2:19

Nihi ma ya laa a he ngɛ tɛ puɔhi a mi ngɛ yo ɔmɛ a nɔ, aloo a maa tsua muɔhi, konɛ a laa a he ngɛ mi kɛ je Yawɛ we abofu nɛ he wa a, kɛ e hɛ mi nyami ɔ nya, ke e ba nɛ e ba mimiɛ zugba a.

Yesaya 2:21

Ke Yawɛ ba nɛ e ba mimiɛ je ɔ, nimli maa laa a he ngɛ tɛ puɔhi kɛ muɔhi a mi ngɛ yo ɔmɛ a nɔ kɛ je e abofu nɛ he wa a, kɛ e hɛ mi nyami ɔ nya.

Yesaya 8:14

Ma plɛ pee he ko nɛ ngɛ klɔuklɔu; ma pee tɛ nɛ maa tsi mo blɔ. Se Israel kɛ Yuda bi ɔmɛ ɔ, ma pee tɛ sa nɛ maa tsɛ̃ mɛ kɛ ko si; nɛ ma pee klama nɛ maa du nihi nɛ a ngɛ Yerusalem.

Yesaya 13:13

Jamɛ a ligbi ɔ nɛ imi Yawɛ Tabohiatsɛ ɔ ma je ye mi mi fumi ɔ kpo kɛ tsɔɔ ɔ, ma ha hiɔwe tsuo ma mimiɛ, nɛ zugba a maa je e blɔ he.

Yesaya 42:22

Se amlɔ nɛ ɔ, a fia e ma a ojo, nɛ a nuu ni ɔmɛ kɛ ya wo tsu. A kpɔ a níhi ngɛ a dɛ, nɛ a ha a níhi; nɛ nɔ ko nɔ ko bɛ nɛ e ba je ngmlaa ha mɛ.

Yeremia 48:43

Haomi fɔɔ si ha Moab bi; a tsua muɔ kɛ to mɛ, nɛ a tsɔ mɛ klama hulɔ. Yawɛ lɛ de.

Yeremia 48:44

Ke nɔ ko tu fo kɛ je haomi ɔ nya a, e ma ya nɔ muɔ mi. Nɛ ke e je muɔ ɔ mi ɔ, e ma ya du klama. Ní nɛ ɔmɛ maa ba mi, ejakaa Yawɛ to be nɛ a kɛ ma kpata Moab hɛ mi.

Kɔmɔ Yemi 3:47

Wa hao, nɛ wa nu sawale. Wa na amanehlu, nɛ a kpata wa hɛ mi.

Ezekiel 11:8

Nyɛ ngɛ klaate gbeye yee; se klaate nɔuu a kɛ ma ba tua nyɛ.

Ezekiel 12:13

Ma tsɔ lɛ klama nɛ ma du lɛ. Ma ngɔ lɛ kɛ ya Babilon ngɛ Kaldea bi ɔmɛ a zugba a nɔ. Se e ma gbo nɛ e li tete po kaa e su lejɛ ɔ.

Ezekiel 15:7

Ja pɛpɛɛpɛ ma gbla Yerusalem bi ɔmɛ a tue. Ke a je haomi kake mi ɔ, a maa sɛ haomi kpa nɛ nya wa mi; nɛ a hɛ mi ma kpata pɛsɛpɛsɛ. Ke i gbla a tue wawɛɛ kikɛ ɔ, lɔ ɔ loko a ma na maa le kaa imi ji Yawɛ.

La 18:8

La su ku hia kɛ je e gugwɔ puɔhi a mi; la nɛ ngɛ tsoe je e nya mi, nɛ hã nɛ tsɛ̃ je e mi.

Amos 5:18

Nyɛ nihi tsuo nɛ nyɛ ngɛ Yawɛ tue gblami ligbi ɔ blɔ hyɛe, nɛ e peeɔ nyɛ kaa be ɔ su ta, musu tloo nyɛ! Jamɛ a ligbi ɔ, haomi ji nɔ́ nɛ maa ba nyɛ nɔ kaa bɔ nɛ ahumi haa nɛ diblii woɔ piani katakata a, se pi manye.