Yesaya 24:16 - BAIBLO ALOO NGMAMI KLƆUKLƆU Ɔ

¹⁶ Wa nu yi jemi lahi nɛ a ngɛ lae kɛ je je mi nyagbe he ɔmɛ kɛ ngɛ dalɔ ɔ hɛ mi nyami woe. Se imi lɛɛ, hɛ kɛ nɔ fɔmi ko kulaa be ha mi! He lo kɛkɛ i ngɛ tae. Ye yi ta pɛ! Yi mi sɔuu nɛ nihi ngɛ a sibi wae kpamisa.

Yesaya 24:16 ပူးပေါင်းရင်းမြစ်များ

Yesaya 21:2

I na nina ko nɛ kɔɔ yi wu tso níhi nɛ maa ba a a he; a maa ngɔ nihi kɛ wo amanehlu mi, nɛ a hɛ mi ma kpata. Elam tabo, tee si nɛ o tua mɛ! Media tabo, wo ma amɛ a he ka! Amanehlu nɛ Babilon kɛ ba a, Mawu ma ha e se maa po.

Yeremia 5:11

Israel kɛ Yuda tsuo yi mi anɔkuale. Imi, Yawɛ lɛ i de.”

Yesaya 33:1

Musu tloo he nyɛli ɔmɛ! A fia ojo nɛ a sisi nihi; se mɛɛ lɛɛ nɔ ko fiɛ mɛ ojo, nɛ nɔ ko sisi we mɛ hulɔ. A we ojo fiami, kɛ nɔ sisimi ɔ se maa po kɛ̃, nɛ mɛ nitsɛmɛ hu a maa fia mɛ ojo, nɛ a maa sisi mɛ.

Yeremia 3:20

Se kaa bɔ nɛ yogbayo jeɔ e huno se nɛ e kɛ nyumu kpahi ya naa bɔmi ɔ, jã kɛ̃ lɛ mo hu o yi mi anɔkuale. Imi, Yawɛ lɛ i de.”

Kpojemi 15:3

Nɛ a ngɛ Mawu tsɔlɔ Mose la a, kɛ To bi ɔ la a lae ke, “Nyɔmtsɛ Mawu Ope, O ní tsumi ɔmɛ kle, nɛ a ngɛ nyakpɛ! Je ma amɛ a matsɛ, o ní peemi ní ɔmɛ tsuo da, anɔkuale sɔuu!

Ni Tsumi 13:47

Ejakaa ja ji mlaa nɛ Nyɔmtsɛ ɔ wo wɔ. Nyɔmtsɛ ɔ ke, ‘I hla mo ngɔ to kaa ma je li ɔmɛ a la, nɛ o nɔ Mawu maa gu kɛ he je ɔ tsuo yi wami.’ ”

Marko 13:27

E maa tsɔ hiɔwe bɔfo ɔmɛ kɛ ya bua nihi nɛ Mawu hla a a nya kɛ je je ɔ kɔ nya eywiɛ ɔmɛ tsuo, kɛ je zugba nyagbe he kɛ yaa si hiɔwe nyagbe he.

Habakuk 1:3

Mɛni he je o ha i ngɛ yayami kɛ haomi hyɛe kikɛ nɛ ɔ? Kɛ pee kɛɛ nɛ o ngɛ nɔ́ nɛ dɛ nɛ ɔ hyɛe, nɛ o pui mi ɔ? Hɛ mi kpatami kɛ yi wu tso níhi bɔle mi kɛ kpe; pɛ kɛ kunɔ ngɛ he tsuaa he.

Mika 5:4

Ke matsɛ nɛ ɔ ba a, e maa ye e ma a nɔ kɛ he wami, kɛ kã nɛ je Yawɛ Mawu ɔ nitsɛ ngɔ. E ma mi bi ɔmɛ maa hi si ngɛ he jɔmi mi, ejakaa a maa bu lɛ ngɛ je ɔ mi he tsuaa he.

Hosea 6:7

“Se benɛ ma a ya su he ko nɛ a tsɛɛ ke Adam ɔ, a kua mi; somi nɛ i kɛ mɛ so ɔ, a yi nɔ hu.

Hosea 5:7

A yi Mawu anɔkuale; a kɛ ni kpahi ya fɔ bimɛ. Lɔ ɔ he ɔ, e be kɛe kulaa nɛ mɛ nitsɛmɛ, kɛ a zugba a tsuo hɛ mi ma kpata.

Kɔmɔ Yemi 1:2

Ya sɔuu e ngɛ foe nyɔnyɔɔnyɔ tsuo; nɛ vo nyu ngɛ e hɛngmɛ mi jee kɛ ngɛ si kplee. E suɔli ɔmɛ hu a ti nɔ ko nɔ ko be nɛ maa jɔɔ e bua. E huɛmɛ ɔmɛ tsuo kpa ngɛ e se, nɛ a ba pee e he nyɛli.

Yeremia 12:6

Mo nitsɛ o nyɛmimɛ, kɛ o weku li te si kɛ wo mo; a so o yi nɔ, nɛ a ngɛ o se blɔ hlae kɛ hɛdɔ. Ke a ha mo hɛ mi, nɛ a kɛ mo tu munyu ngɛ he jɔmi mi po, koo ngɔ hɛ kɛ fɔ a nɔ.”

Yesaya 60:21

O ma mi bi ɔmɛ tsuo maa pee nɔ́ nɛ da. A maa hi zugba a nɔ kɛ maa ya neneene. Imi lɛ i to mɛ si. Imi lɛ i pee mɛ jã, konɛ a kɛ wo ye hɛ mi nyami.

Yesaya 52:10

Yawɛ ma je e he wami klɔuklɔu ɔ kpo; e ma he e ma a yi wami, nɛ je ɔ tsuo maa na.

Yesaya 48:8

Nyɛ nui hyɛ, nɛ nyɛ li lolo; kɛ je blema lokoo ɔ, nyɛ tue bli we lolo! Ejakaa i le kaa yi wu tso níhi nyɛ peeɔ; kɛ je nyɛ fɔmi be mi tɔɔ ɔ, atuã tsɔli a tsɛɔ nyɛ.

Yesaya 28:5

Be ma nɛ Yawɛ Tabohiatsɛ ɔ maa pee kaa mɔmɔ jlasi saminyayoo kɛ ha e ma mi ni nɛmɛ nɛ a yi ma na wami ɔ.

Yesaya 26:15

Yawɛ, mo lɛ o ha wa ma a he hiɛ babauu; o bli wa huzu ɔmɛ a mi kɛ kpe, nɛ enɛ ɔ ha o hɛ mi ba nyami.

Yesaya 17:4

Bɔ nɛ Yawɛ de ji nɛ ɔ nɛ: “Be ma nɛ Israel hɛ mi nyami ɔ tsuo maa ta; sa a, a ná ní kpɔtɔɔ, se jehanɛ lɛɛ a maa ye ohia.

Yesaya 10:16

Nyɔmtsɛ Yawɛ Tabohiatsɛ ɔ maa ngɔ hiɔ kɛ gbla ta buli nɛ je oblai ɔ tsuo a tue. A maa ta he lo. La ko ma mle ngɛ a nɔmlɔ tso mi, nɛ la nɛ ɔ maa tso wawɛɛ.

La 106:15

Mawu ha mɛ níhi nɛ a bi lɛ ɔ tsuo; se e ngɔ hiɔ nɛ haa nɛ nɔ flaa kɛ gbla a tue.

La 98:3

Si ko nɛ e wo Israel ma a, e ye nɔ; e ye mɛ anɔkuale, nɛ e na mɛ mɔbɔ babauu. Nihi ngɛ je ɔ mi he tsuaa he na kaa wa Mawu ɔ ye kunimi.

La 67:7

Mawu gbaa wɔ; je ɔ tsuo nɛ a ye lɛ gbeye!

La 58:10

Ke a gbla yayami peelɔ tue bɔ nɛ sa lɛ ɔ, ndalɔ a ma nya, nɛ e maa nyɛɛ yayami peelɔ ɔ muɔ mi kɛ be.

La 2:8

Bi mi, nɛ ma ha mo je ma amɛ tsuo; zugba a tsuo ma ba pee o weto ní.

Mose II, 15:11

“Yawɛ lee, mɛnɔ ngɛ kaa mo? Mɛnɔ ngɛ kaa mo ngɛ mawu ɔmɛ a kpɛti? O je agbo; o he ngɛ gbeye; mo, mo nyakpɛ ní peelɔ.

Yeremia 12:1

Yawɛ, ke i ke i kɛ mo ma hla níhi a nya a, mo lɛ o nɔ́ da. Se kɛ̃ ɔ, i kɛ sane nɛ ɔ maa fɔ o hɛ mi. Mɛni he je lɛ nimli yayamihi yaa nɔ ɔ? Mɛni he je lɛ yiwutsotsɛmɛ a he mi jɔɔ mɛ ɔ?

Mose III, 26:39

Nyɛ nihi bɔɔ nɛ maa piɛ ngɛ nyɛ he nyɛli ɔmɛ a zugba a nɔ ɔ maa ta he lo ngɛ nyɛɛ kɛ nyɛ nɛmɛ ɔmɛ a he yayami ɔmɛ a he.

La 65:8

Enɛ ɔ he je ɔ, nyakpɛ níhi nɛ o pee ɔ, ha je ɔ tsuo ngɛ gbeye yee. A hwɔɔ lele kɛ jeɔ zugba a nyagbe he kake kɛ ya siɔ nyagbe he kake.

La 119:158

Ke i na nihi nɛ yi mo anɔkuale kikɛ nɛ ɔ, a he peeɔ mi tãi; ejakaa a yi o mlaa amɛ a nɔ.

Yesaya 11:12

Yawɛ maa si aflangaa kɛ pee okadi kɛ tsɔɔ je ma amɛ kaa Israel, kɛ Yuda ma amɛ nɛ a gbɛ fĩa je ɔ mi tsuo ɔ, e ngɛ a nya buae ekohu, konɛ e kpale mɛ kɛ ba we.

Yesaya 42:10

Nyɛ la la he ha Yawɛ; nyɛ je ɔ tsuo, nyɛ la kɛ je e yi! Nyɛ nihi nɛ nyɛ nyɛɛ wo hɛ mi, nyɛ je e yi! Nibɔ níhi tsuo nɛ ngɛ wo ɔ mi, nyɛ je e yi! Zugbahi ngɛ tsitsaa lokoo, kɛ nihi tsuo nɛ ngɛ a nɔ, nyɛ je e yi!

Habakuk 1:13

Se kɛ pee kɛɛ nɛ o ngɛ yiwutsotsɛmɛ nɛ ɔmɛ hyɛe nɛ o de we nɔ́ ko ɔ? Mo nɛ o hɛngmɛ ngɛ klɔuklɔu, nɛ o hyɛ we nɔ yayami, loo nɔ́ nɛ dɛ ɔ, mɛni he je nɛ o ngɛ hyɛe nɛ nimli yayamihi ngɛ dali a hɛ mi kpatae, nɛ o de we nɔ́ ko ɔ?

Yesaya 6:5

Kɛkɛ nɛ i de ke, “Akuanyɛ! Ye yi ta pɛ! Ejakaa i na matsɛ ɔ nɛ ji Yawɛ Tabohiatsɛ ɔ! Ye nya mi munyu he tsɔ we; nɛ nimli nɛ i ngɛ a kpɛti ɔ, mɛ hu a nya mi munyu he tsɔ we ja nɔuu!”