Yesaya 24:13 - BAIBLO ALOO NGMAMI KLƆUKLƆU Ɔ

¹³ Nɔ́ nɛ maa ba je ma amɛ tsuo a nɔ ji nɛ ɔ nɛ. Nɔ́ tsuaa nɔ́ maa ta kaa bɔ nɛ ke a kpa ngmɔ nɔ ní ta, nɛ a kplɔɔ wai yiblii tsuo pɛpɛɛpɛ taa tso ɔmɛ a nɔ nɛ wai yiblii kake po piɛ ɔ.

Yesaya 24:13 ပူးပေါင်းရင်းမြစ်များ

Yesaya 1:9

Kaa Yawɛ Tabohiatsɛ ɔ ha we nɛ wa ti ni komɛ a yi nɛ na wami ɔ, wa ko pee kaa Sodom kɛ Gomora.

Kpojemi 3:4

Se kɛ̃ ɔ, o ngɛ nihi bɔɔ ko ngɛ Sarde, nihi nɛ wui a tade ɔmɛ mu. Mɛɛ a maa wo nɔ́ hiɔ, nɛ a kɛ mi maa nyɛɛ, ejakaa a sa ja.

Mateo 24:22

Se Mawu po ligbi ɔmɛ a nɔ kpiti momo; kaa e pee we jã jinɛ adesa ko adesa ko yi be wami nae. Mawu bimɛ ɔmɛ nɛ e hla a a he je ɔ, a maa po jamɛ a ligbi ɔmɛ a nɔ kpiti.

Mika 2:12

“Se nyɛ Israel ma nɛ piɛ ɔ, be ma nɛ ma bua nyɛ tsuo nyɛ nya. Ma ngɔ nyɛ kɛ ba he kake kaa tohi nɛ kpale ba a tsu mi. Nimli ma ba ha nyɛ zugba a nɔ tɔ ekohu kɛ a he ngmlaa kaa tohi babauu ngɛ a lɛmi he.”

Ezekiel 7:16

Ni komɛ maa tu fo kɛ ya yo ɔmɛ a nɔ ya hi lejɛ ɔ kaa lahuɛhi nɛ a fie mɛ kɛ je a hi he. Mɛ tsuo a maa ye kɔmɔ; nɔ tsuaa nɔ ma fo ya ngɛ lɛ nitsɛ e he yayamihi a he.

Yeremia 44:28

Se nyɛ ti nihi bɔɔ ko kɛ̃ a he maa je mi, nɛ a maa kpale kɛ je Egipt zugba a nɔ kɛ ya Yuda zugba a nɔ. Jamɛ a be ɔ loko nihi nɛ a yi na wami ɔ maa le kaa imi lɛ ye munyu ba mi, aloo mɛ.

Yesaya 6:13

Ke nɔ kake pɛ nɛ maa piɛ ngɛ ni nyɔngma mi po, lɛ hu a ma kpata e hɛ mi; e maa pee kaa tso ngua ko nɛ a po, nɛ e piɛ tso kpɔ ɔ kɛkɛ.” (Tso kpɔ nɛ ɔ daa si ha Mawu ma he ɔ sisi jemi.)

Mose III, 19:9

“Ke nyɛ ngɛ nyɛ ngmɔ ní kpae ɔ, nyɛ ko kpa ní ɔ kɛ ya su ngmɔ ɔ tue haa. Nyɛ ko muɔ nɔ́ nɛ ma pue si ngɛ ní kpami ɔ se hulɔ.

Yesaya 27:12

Israel bi, nyɛ na nɛ nyɛɛ le kaa jamɛ a ligbi ɔ, kɛ je Yufrate pa a nya kɛ yaa si Egipt huzu ɔ nya a, Yawɛ ma bua e ma a nya kɛ je je ma amɛ a mi kakaaka kaa nɔ ko nɛ ngɛ ngma mi sae, nɛ e ngɛ ngma nitsɛ ɔ hlae kɛ je tsakati ɔ mi.

Mika 7:1

Akuanyɛ! I pee kaa nɔ ko nɛ hwɔ gbe lɛ, nɛ e nɛ tso yiblii ko ngɛ tso ɔmɛ a nɔ, aloo wai yiblii ko ngɛ wai tso ɔmɛ a nɔ nɛ e ye. A kplɔ wai yiblii ɔmɛ, kɛ ngmɔkɔ nganangana amɛ tsuo ta.

Yesaya 17:4

Bɔ nɛ Yawɛ de ji nɛ ɔ nɛ: “Be ma nɛ Israel hɛ mi nyami ɔ tsuo maa ta; sa a, a ná ní kpɔtɔɔ, se jehanɛ lɛɛ a maa ye ohia.