Yesaya 24:10 - BAIBLO ALOO NGMAMI KLƆUKLƆU Ɔ

¹⁰ Nɔ́ tsuaa nɔ́ pee basaa ngɛ ma a mi; nɛ a nga agbo ɔmɛ tsuo, konɛ nɔ ko nɔ ko nɛ ko sɛ we ɔmɛ a mi.

Yesaya 24:10 ပူးပေါင်းရင်းမြစ်များ

Kpojemi 18:2

E kpa ngmlaa wawɛɛ ke, “Babilon hɛ mi kpata! Babilon ma kpetekpleenyɛ ɔ hɛ mi kpata! Piɔ lɛɛ e plɛ mumi yayamihi tsuo a si himi he; e plɛ lohwe pɛlitsɛmɛ, kɛ lohwe awi yeli nɛ a hiee tsuo a si himi he.

Luka 21:24

A kɛ klaate maa gbe ni komɛ. A maa nuu ni komɛ hu nyɔguɛ kɛ ya je ma amɛ tsuo a mi, nɛ ma je li ɔmɛ maa ngɔ Yerusalem, nɛ a maa ye ma a nɔ hluu kɛ yaa si mɛ hu a be maa su.

Luka 19:43

Be ma nɛ o he nyɛli ɔmɛ ma sa o yi kɛ kpe; a maa tsi blɔhi tsuo ngɛ ma a mi, nɛ a ma tua mo kɛ je he slɔɔtohi.

Mika 3:12

Lɔ ɔ he ɔ, nyɛ he ɔ, a maa pee Zion kaa ngmɔ nɛ a hu. Yerusalem maa pee ma doku, nɛ yo ɔ nɔ he nɛ Yawɛ we ɔ maa si ngɛ ɔ maa hɛ, nɛ e maa pee pú.

Mika 2:13

Mawu ma bli blɔ ha mɛ, nɛ e ma je mɛ kɛ je a nyɔguɛ si himi ɔ mi. A maa gu ma agbo ɔmɛ a mi kɛ je kpo, nɛ a maa ye a he. A matsɛ ɔ nɛ ji Yawɛ nitsɛ maa nyɛɛ a hɛ mi.

Yeremia 52:7

a hule gbogbo ɔ nɛ a fia kɛ wo ma a he ɔ. Jamɛ a be ɔ mi ɔ, Babilonia bi ɔmɛ bɔle ma a kɛ kpe mohu, se matsɛ ɔ, kɛ ta buli ɔmɛ tsuo tu fo nyɔ ɔ mi. A gu matsɛ abɔɔ ɔ mi kɛ ya be ngɛ agbo ɔ nɛ ngɛ gbogbo enyɔ ɔmɛ a kpɛti ɔ mi, nɛ a ngɔ a yi ngɔ ka Yordan kɔ̃ ɔ mi blɔ.

Yeremia 39:8

Babilonia bi ɔmɛ sã matsɛ we ɔ, kɛ ma mi bi ɔmɛ a wehi, nɛ a ku Yerusalem gbogbo ɔmɛ ngɔ pue si.

Yeremia 39:4

Benɛ Yuda matsɛ, Zedekia kɛ e ta buli ɔmɛ tsuo na mɛ ɔ, a tu fo kɛ je ma a mi nyɔ ɔ mi. A gu matsɛ abɔɔ ɔ mi, kɛ ya be ngɛ agbo ɔ nɛ ngɛ gbogbo enyɔ ɔmɛ a kpɛti ɔ, nɛ a tu fo kɛ yaa Yordan kɔ̃ ɔ mi je.

Yesaya 34:11

Se kayo, kɛ kɔtɔkɔ maa ngɔ lejɛ ɔ ngɔ pee a nɔ́; nɛ klomi kɛ kuakualabite maa hi lejɛ ɔ. Yawɛ ma ha zugba a nɔ maa je gu kulaa kaa bɔ nɛ e ngɛ be nɛ a bɔ je ɔ.

Yesaya 32:14

Mɔ ɔ po, nɔ ko nɔ ko be mi hie hu; nɛ ma nɛ hyi tɔ kɛ nimli babauu ɔ maa pee ma doku. Wehi, kɛ mɔhi nɛ bɔle mɛ kɛ kpe ɔ, a hɛ mi ma kpata kɛ maa ya neneene. Nga mi tejihi ma na bua jɔmi ngɛ lejɛ ɔ, nɛ tohi hu, lejɛ ɔ a maa ye ní ngɛ.

Yesaya 27:10

Ma nɛ a fia gbogbo ngɔ wo he ɔ ku kɛ pueɔ si. E plɛ pee ma doku kaa nga kplanaa nɛ nɔ ko nɔ ko be nɔ. Lejɛ ɔ plɛ pee lohwe lɛmi he, he nɛ nahi maa ye ní, nɛ a maa jɔɔ a he ngɛ.

Yesaya 25:2

O ha mahi plɛ pee ma dokuhi, gbogbohi nɛ a fia wo a he ɔ, lɛ tsuo ku kɛ pueɔ si. Matsɛmɛ a mɔhi nɛ ma je li ɔmɛ ma a, a kpata a hɛ mi pɛsɛpɛsɛ, a be ekoeko nae hu gblegbleegble.

Yesaya 24:12

A ku gbogbo ɔmɛ dukuduku ngɔ pue si, nɛ ma a tsuo plɛ pee ma doku.

Yesaya 23:1

Sɛ gbi nɛ kɔɔ Tiro he ji nɛ ɔ nɛ. Nyɛ akua hluili ngɛ wo nɔ, nyɛ nya awe nɛ nyɛɛ ye kɔmɔ. Ejakaa nyɛ lɛsimuɔ he ngɛ Tiro ɔ, a kpata e hɛ mi pɛsɛpɛsɛ; we ɔmɛ, kɛ lɛ dami he ɔ tsuo hɛ mi kpata. Benɛ nyɛ lɛ ɔmɛ kpale kɛ je Kipro kɛ ma a nɛ nyɛ nu sane nɛ ɔ.

Matsɛmɛ II, 25:4

a ywia gbogbo ɔ nɛ a fia kɛ wo ma a he ɔ. Jamɛ a be ɔ mi ɔ, Babilonia bi ɔmɛ bɔle ma a kɛ kpe mohu, se matsɛ ɔ, kɛ ta buli ɔmɛ tsuo tu fo nyɔ ɔ mi. A gu matsɛ abɔɔ ɔ mi kɛ ya be ngɛ agbo ɔ nɛ ngɛ gbogbo enyɔ ɔmɛ a kpɛti ɔ nya; nɛ a ngɔ a yi ngɔ ka Yordan kɔ̃ ɔ mi blɔ.

Mose I, 11:9

A wo ma a biɛ ke Babilon, ejakaa lejɛ ɔ Yawɛ tsaka ni ɔmɛ a gbi ɔ ngɛ, nɛ e gbɛ mɛ ngɔ fĩa je ɔ mi tsuo.

Yesaya 32:19

(Se gbiɛ ngo ngu maa nɛ pue a ngmɔ ɔmɛ a mi, nɛ a ma a hɛ mi ma kpata.)

Yesaya 26:5

Nihi nɛ wo a he nɔ gojoo ɔ, e ba mɛ si; ma nɛ he wa, nɛ he nɔ woli hi mi ɔ, e kpata e hɛ mi; e ku gbogbo ɔmɛ ngɔ pue bunyuku mi.