Yesaya 24:1 - BAIBLO ALOO NGMAMI KLƆUKLƆU Ɔ

¹ Yawɛ ma kpata zugba a hɛ mi, nɛ zugba a maa fɔ si gu. E ma plɛ zugba a hɛ mi bu si, nɛ nihi nɛ ngɛ nɔ ɔ, e maa gbɛ mɛ ngɔ fĩa.

Yesaya 24:1 ပူးပေါင်းရင်းမြစ်များ

Nahum 2:10

Nineve hɛ mi kpata; nimli ɔmɛ ta ma a mi, nɛ ma a pee ma doku! Sawale nu ni ɔmɛ tsuo; a nabɛni mi ngɛ doe blibliibli; a he wami ta, nɛ a hɛ mi pee mɔbɔmɔbɔ.

Yesaya 2:19

Nihi ma ya laa a he ngɛ tɛ puɔhi a mi ngɛ yo ɔmɛ a nɔ, aloo a maa tsua muɔhi, konɛ a laa a he ngɛ mi kɛ je Yawɛ we abofu nɛ he wa a, kɛ e hɛ mi nyami ɔ nya, ke e ba nɛ e ba mimiɛ zugba a.

Yesaya 42:15

Ma kpata yo ɔmɛ, kɛ yoku ɔmɛ a hɛ mi, nɛ ma ha a nɔ nga kɛ tsohi tsuo ma gbli. Ma ha pa amɛ a mi nyu ɔ maa mii, nɛ pa amɛ ma plɛ pee zugba gbigbli.

Yesaya 24:20

E maa hi kpae kɛ hi yae kɛ hi bae kaa dã tɔlɔ, aloo ngmɔ si tsu nɛ kɔɔhiɔ sɛ mi. Yayamihi nɛ je ɔ tloo ɔ ngɛ lɛ gbee; ke e hule pue si ɔ, e be si tee gblegbleegble hu.

Ezekiel 35:14

Bɔ nɛ Nyɔmtsɛ Yawɛ ngɛ dee ji nɛ ɔ nɛ: “Ma pee mo pasaa, konɛ je ɔ tsuo nɛ nya kaa o nɔ si!

Ezekiel 12:20

Mahi nɛ nihi ngɛ a mi ɔ tsuo ma plɛ pee ma dokuhi. Lɔ ɔ loko a maa le kaa imi ji Yawɛ!”

Luka 21:24

A kɛ klaate maa gbe ni komɛ. A maa nuu ni komɛ hu nyɔguɛ kɛ ya je ma amɛ tsuo a mi, nɛ ma je li ɔmɛ maa ngɔ Yerusalem, nɛ a maa ye ma a nɔ hluu kɛ yaa si mɛ hu a be maa su.

Ezekiel 6:6

Nyɛ ma amɛ nɛ nyɛ ngɛ a mi ɔ ma ba pee ma dokuhi. Nyɛ jami he ɔmɛ a hɛ mi ma kpata; kɛkɛ ɔ, nyɛ bɔ sami la tɛ ɔmɛ, kɛ amaga amɛ maa ku dukuduku ngɔ pue si. Níhi nɛ nyɛ sãã tsopa kɛ e he via ngɛ mi ɔ maa ywia, nɛ nyɛ nine nya ní tsumi ɔmɛ tsuo a hɛ mi ma kpata.

Ezekiel 5:14

Ma ha Yerusalem maa pee ma doku, kɛ ma nɛ bɔ ahlua ngɛ je ma amɛ a kpɛti. Nihi nɛ maa be ngɛ lejɛ ɔ tsuo maa hie lɛ.

Ezekiel 5:2

Ke a sa ma a yi se ɔ, ngɔɔ la kɛ sã bwɔmi ɔ mi dlami etɛ mi kake ngɛ ma a kpɛti. Mi dlami etɛ ɔ mi kake hu ngɔɔ klaate ɔ kɛ poo mi kɛ bɔle ma a kɛ kpe. Mi dlami etɛ ɔ mi kake nɛ maa piɛ ɔ, ngɔɔ kɛ fĩa kɔɔhiɔ mi; kɛkɛ ɔ, ma hia klaate ɔ kɛ nyɛɛ a se.

Yeremia 9:16

Ma gbɛ mɛ ngɔ fĩa je mahi nɛ a kɛ a nɛmɛ ɔmɛ tsuo nui a he hyɛ ɔ a nɔ, nɛ ma ha nɛ ta maa nyɛɛ a se hluu kɛ yaa si ma kpata a hɛ mi pɛsɛpɛsɛ.”

Yesaya 33:9

Zugba a pee mɔbɔmɔbɔ kɛ fɔɔ si. Lebanon hue ɔmɛ ta kulaa; Sharon zugba nɛ baa ní saminya a pee kaa nga kplanaa nɔ; tsohi nɛ ngɛ Bashan kɛ Karmel yo ɔ nɔ ɔ, a yi mi ba tsuo kplɔ kɛ pueɔ si.

Yesaya 29:16

A plɛɔ nɔ́ tsuaa nɔ́ yi ngɔ kaa si. Te nɔ́ nɛ he hia pe e nyɛmi nɛ; buɛ puɛlɔ ɔ, loo zu ɔ? Anɛ nɔ́ ko nɛ nɔmlɔ pee ɔ ma nyɛ ma de lɛ ke, “Tsa pi mo nɛ o puɛ mi!” loo e ma nyɛ de lɛ ke, “O li nɔ́ nɛ o ngɛ pee ɔ lo?”

Yesaya 27:10

Ma nɛ a fia gbogbo ngɔ wo he ɔ ku kɛ pueɔ si. E plɛ pee ma doku kaa nga kplanaa nɛ nɔ ko nɔ ko be nɔ. Lejɛ ɔ plɛ pee lohwe lɛmi he, he nɛ nahi maa ye ní, nɛ a maa jɔɔ a he ngɛ.

Yesaya 5:6

Ma ha nɛ ngmɔ ɔ mi nɛ hɛ. I be wai tso ɔmɛ a he sãe, nɛ ngmɔ ɔ mi hu i be hue. Nɔ́ nɛ ma pee mohu ji, ma ngmɛ blɔ nɛ mio tso, kɛ mio maa puɛ ngɛ ngmɔ ɔ nɔ. Pi lɔ ɔ kɛkɛ, se mohu i be hae nɛ hiɔmi nɛ nɛ ngɔ pue ngmɔ ɔ nɔ hu.”

La 146:9

Yawɛ baa nibwɔhi a yi; e yeɔ yalɔyihi, kɛ awusahi a sane kɛ haa mɛ; se yiwutsotsɛmɛ lɛɛ e haa a yi mi tomi peeɔ yaka.

Nehemia 1:8

I kpa mo pɛɛ nɛ o kai nɔ́ nɛ o de Mose ke, ‘Ke nyɛ, Israel ma a, nyɛ yi mi anɔkuale ɔ, ma gbɛ nyɛ ngɔ fĩa je ma kpa amɛ a mi.

Matsɛmɛ II, 21:13

Bɔ nɛ i gbla Samaria, kɛ Israel matsɛ, Ahab kɛ e we ɔ a tue ɔ, ja nɔuu ma pee Yerusalem. Ma ha nɛ a maa muɔ nimli ɔmɛ tsuo kɛ je Yerusalem, nɛ Yerusalem ma a maa pee falifali kaa kã nɛ a fɔ mi nɛ a plɛ ngɔ bu si.

Mose V, 32:26

Jinɛ i ko kpata mɛ tsuo a hɛ mi pɛsɛpɛsɛ, nɛ nɔ ko nɔ ko be mɛ kaie hu.

Mose V, 28:64

“Yawɛ maa gbɛ nyɛ ngɔ fĩa je ma amɛ tsuo a mi, kɛ maa je je ɔ nyagbe he kake kɛ maa ya nyagbe he kake, nɛ lejɛ ɔ nyɛ ma sɔmɔ mawuhi nɛ a kɛ tso kɛ tɛ pee, mawuhi nɛ nyɛ, loo nyɛ nɛmɛ ja we hyɛ.

Mose V, 4:27

Yawɛ maa gbɛ nyɛ ngɔ fĩa je ma kpa amɛ a mi, nɛ nyɛ ti nihi bɔɔ pɛ nɛ a yi ma na wami.

Ezekiel 24:11

Jehanɛ, ma ha buɛ ɔ mi gu maa ma la hleii ɔ nɔ, konɛ e dɔ la kɛ yaa si akɔblee ɔ maa tsu paa; kɛkɛ ɔ, e mi mu ɔ tsuo maa sile, nɛ e mi kana a tsuo maa ta pɛsɛpɛsɛ!

Yeremia 40:15

Kɛkɛ nɛ Yohanan de lɛ ngɛ laami mi ke, “Ha nɛ ma ya nɛ ma ya gbe Ishmael, nɛ nɔ ko nɔ ko be lee. Mɛni he je e sa kaa e gbe mo ɔ? Ke e pee ja a, Yuda bi tsuo nɛ ba bua a he nya ngɛ o ngɔ ɔ maa gbɛ fĩa, nɛ Yuda ma nɛ piɛ ɔ a hɛ mi ma kpata.”

Yakobo 1:1

Imi Yakobo, Mawu kɛ Nyɔmtsɛ Yesu Kristo tsɔlɔ ɔ lɛ i ngɛ womi nɛ ɔ ngmae kɛ ya ha wɛtso nyɔngma kɛ enyɔ ɔmɛ nɛ gbɛ fĩa je ɔ mi tsuo. Nyɛ he manye!

Ni Tsumi 17:6

Se benɛ a nɛ mɛ ɔ, a gbla Yason, kɛ nyɛmimɛ ɔmɛ a ti ni komɛ kɛ ya ha ma a mi nikɔtɔma amɛ pani nya kɛ ngmlaa ke, “Nimli nɛ ɔmɛ ɔ, he tsuaa he nɛ a ya a, basabasa sɔuu. Amlɔ nɛ ɔ, a ba su wa ma mi hiɛmɛ nɛ ɔ,

Yeremia 50:17

Bɔ nɛ Yawɛ de ji nɛ ɔ nɛ: “Israel bi ngɛ kaa tohi nɛ jatahi fie mɛ, nɛ a gbɛ mɛ ngɔ fĩa. Kekleekle ɔ, Asiria matsɛ ba tua mɛ, nɛ e ye mɛ; lɔ ɔ se ɔ, Babilonia matsɛ, Nebukadnezar ba kpe a wuhi.

Yeremia 4:7

Je ma amɛ a hɛ mi kpatalɔ ɔ ma kaa jata nɛ hia kpo kɛ je e laami he. E ma nɛ e ba kpata Yuda zugba a hɛ mi. Yuda ma amɛ maa pee ma dokuhi, nɛ nɔ ko nɔ ko be a mi hie hu.

Yesaya 13:5

A je tsitsaa je mi nyagbe he ɔmɛ tsuo kɛ ma. Yawɛ kɛ e mi mi fumi ɔ ma kpata zugba a tsuo hɛ mi.

Yesaya 13:13

Jamɛ a ligbi ɔ nɛ imi Yawɛ Tabohiatsɛ ɔ ma je ye mi mi fumi ɔ kpo kɛ tsɔɔ ɔ, ma ha hiɔwe tsuo ma mimiɛ, nɛ zugba a maa je e blɔ he.

Yesaya 24:19

Je ɔ mi ma gba; e maa ku, nɛ e maa gbɛ fĩa.

Yesaya 30:32

Ke Yawɛ nitsɛ ngɛ mɛ ní fiae ɔ, tue gblami tsuaa tue gblami nɛ e ma ha mɛ ɔ, e ma a maa hi miɛ, nɛ a maa fia saku kɛ to he.

Yesaya 34:2

Yawɛ mi mi fu je ma amɛ tsuo, nɛ e hɛ dɔ kɛ wo ta buli ɔmɛ tsuo. E gbiɛ mɛ, nɛ e ngɔ mɛ ngɔ ha ke a gbe mɛ.

Yesaya 34:10

E maa tso nyɔ kɛ pia, nɛ e be gboe. Zugba a nɔ maa je gu yi nɔhi babauu, nɛ nɔ ko nɔ ko be nɔ nyɛɛe hu.

Yeremia 51:34

Babilonia matsɛ, Nebukadnezar poo Yerusalem mi nɛ e ye. E muɔ níhi kɛ je ma a mi, nɛ ma a fɔɔ si kaa buɛ mi gu. E mi ma a kaa bɔ nɛ sinɔ ngua miɔ nɔ́ ɔ. E ye ma a mi ní kpakpa amɛ, nɛ e sake nɔ́ nɛ piɛ ɔ ngɔ pue he.

Nahum 1:5

Yoku mimiɛɔ ngɛ Yawɛ hɛ mi; nɛ yokuhi sileɔ ngɛ e hɛ mi. Ke Yawɛ je e he kpo ɔ, zugba a mimiɛɔ; nɛ je ɔ, kɛ e mi nimli ɔmɛ tsuo a he doɔ blibliibli.

Yesaya 29:2

ma nɛ a tsɛɛ “Mawu bɔ sami la tɛ ɔ”, Mawu ma ha e maa na amanehlu. Ma mi bi ɔmɛ maa ye kɔmɔ, nɛ a maa wo yana. Ma a tsuo maa pee kaa bɔ sami la tɛ ko nɛ a kpa muɔ ngɔ pue nɔ.

Yesaya 32:12

Nyɛ gba nyɛ gugue ma, nɛ nyɛɛ ye kɔmɔ ngɛ ngmɔ kpakpa amɛ, kɛ wai nɛ baa saminya a he.

Ezekiel 6:14

Niinɛ, ma wo ye nine nɔ ngɛ a nɔ, nɛ ma kpata zugba a hɛ mi bɔ nɛ nɔ ko nɔ ko be nɔ nyɛe maa hi. Kɛ je leneyi je nga kplanaa a nɔ kɛ ya su Ribla ma a he ngɛ omleyi je, hehi nɛ Israel bi ɔmɛ hii ɔ, ma kpata lejɛ ɔmɛ tsuo a hɛ mi. Kɛkɛ ɔ, a ma na maa le kaa imi ji Yawɛ.”

Ezekiel 7:12

Be ɔ ma. Ligbi ɔ su jehanɛ. Ní juami, kɛ ní hemi tsuo he be se nami hu, ejakaa Mawu maa gbla nɔ tsuaa nɔ tue, nɔ́ jualɔ jio, nɔ́ helɔ jio.

Ezekiel 7:14

A ma kpa titimati, nɛ nɔ tsuaa nɔ maa pee klaalo kɛ ha ta. Se nɔ ko nɔ ko be ta yae, ejakaa Mawu mi mi fumi maa ba nɔ tsuaa nɔ nɔ.